| e-texts navigator |
| Wylie |
279b1 དམ་ཚིག་ནི། བློ་མེད་བྱང་ཆུབ་སྨོན་མི་དགོས། །འགྲོ་ལྔ་མ་ལུས་ཐམས་ཅད་ཀུན། །ཡེ་ནས་བྱང་ཆུབ་སྙིང་པོར་གནས། །དེ་བཞིན་དབྱིངས་ཀྱིས་ཀུན་ཏུ་ཁྱབ། །ཇི་ལྟ་བ་ཡི་ངང་གནས་ལ། །དེ་ལྟར
279b2 རྟོགས་པའི་བློ་འཇུག་པས། །གཉིས་སུ་མེད་པར་རྟོགས་གྱུར་ན། །སུ་ཞིག་བཅོས་ཤིང་སུ་ཡིས་རྟོགས། །རང་བཞིན་འོད་གསལ་ཞེས་བྱ་བའི་དམ་ཚིག་ནི། ཆོས་རྣམས་མ་ལུས་ཐམས་ཅད་ཀུན། །རང་རིག་ཡེ་ནས
279b3 དག་པ་ཡི། །སུས་ཀྱང་མ་བཅོས་ངང་གིས་གསལ། །མ་ཆགས་པད་མ་འདྲ་བ་ཡི། །ཡེ་ཤེས་ཅན་གྱི་སྤྱོད་ཡུལ་དེ། །ཀུན་དང་ཐུན་མོང་དེ་མ་ཡིན། །དེ་བཞིན་གཤེགས་པའི་སྤྱོད་ཡུལ་དེ། །སྐྱེས་བུ་བློ་རྩལ་རབ
279b4 ཀྱིས་རྟོགས། །ཐམས་ཅད་དབྱིངས་ཕྱུག་མ་ཞེས་བྱ་བའི་དམ་ཚིག་ནི། མི་ཟད་ཡོན་ཏན་གཏེར་གྱུར་པ། །ཟད་པའི་དུས་མེད་ཡིད་བཞིན་མཛོད། །བདག་དང་བདག་གི་མེད་པ་ཡི། །ཤིན་ཏུ་ཟབ་པའི་བློ་ལས་བྱུང་། །
279b5 ཆོས་དབྱིངས་ཟབ་མོའི་དོན་རྟོགས་ན། །སྐུ་དང་ཡེ་ཤེས་བསམ་མི་ཁྱབ། །རང་རིག་ཡེ་ཤེས་དོན་རྟོགས་ན། །སྐྱེ་ཤི་མེད་པའི་གཡུང་དྲུང་ཐོབ། །བྱང་ཆུབ་སྡོམ་བྱེད་ཅེས་བྱ་བའི་དམ་ཚིག་ནི། གཟུང་འཛིན་བྲལ་བའི་ཡེ་ཤེས་ཀྱིས། །
279b6 ཆགས་མེད་དབྱིངས་ལ་མཉམ་བཞག་ན། །ཐམས་ཅད་དེ་བཞིན་ཉིད་ཀྱི་ཞིང་། །ཉོན་མོངས་སྡུག་བསྔལ་འབྱུང་མི་འགྱུར། །ཆོས་ཀྱི་རང་བཞིན་ཇི་ལྟ་བུར། །བདག་གིས་ཡང་དག་རྫོགས་བྱས་ཏེ། །ཐེག་པ་དམན་དང་ཕྱིན
279b7 ཅི་ལོག་། ཐམས་ཅད་མཉམ་པའི་དབྱིངས་སུ་དགོད། །ཕྱོགས་དུས་གཉིས་མེད་ཅེས་བྱ་བའི་དམ་ཚིག་ནི། ཕྱོགས་བཅུ་དུས་བཞི་ཐམས་ཅད་ཀྱང་། །རྟོགས་པའི་མཚན་མ་སོ་སོར་སྣང་། །སྣང་བ་ཉིད་ན་དབྱེར་མེད་དེ། །མཐའ
279b8 དང་དབུས་མེད་ཟླུམ་པོ་ཡི། །དེ་བཞིན་རང་གིས་རིག་པ་ཡང་། །མཐའ་དང་དབུས་མེད་དུ་མ་མིན། །གང་དུ་མི་འགྲོ་ཀུན་ཏུ་ཁྱབ། །ཀུན་ལ་བདེ་སྦྱིན་མི་གནས་པའོ། །ཐམས་ཅད་འབྱོར་ལྡན་ཞེས་བྱ་བའི་དམ་ཚིག་ནི། ཆོས་རྣམས་སོ་སོར་རྟོགས་བྱས་ཤིང་། །
iiif viewer powered by OpenSeadragon
