| e-texts navigator |
| Wylie |
270a1 ནན་ཏན་ཆེན་པོ་བྱ་བ་རྫོགས། །ཐབས་དང་ཤེས་རབ་མྱུར་གྲུབ་ཤོག་།སྡུག་བསྔལ་དྲ་བ་ཚར་བཅད་དེ། །དཀྱིལ་འཁོར་མ་ལུས་ཀུན་བྱས་ཀྱང་། །གང་ནས་མ་འོངས་གར་མི་འགྲོ། ། ཐབས་དང་ཤེས་རབ་མྱུར་གྲུབ་ཤོག་།བདེར་གཤེགས་མ་ལུས
270a2 ཐམས་ཅད་ཀུན། །ཕྱོགས་དུས་ཀུན་ཏུ་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་དུ། །མ་ལུས་ཀུན་འདུས་རྣམ་པར་དག་།ཐབས་ཆེན་དཀྱིལ་འཁོར་ཡང་དག་པས། །བདེར་གཤེགས་ཀུན་ལ་རྣམ་པར་འཕྲོ། །ཐབས་དང་ཤེས་རབ་ལྡན
270a3 པ་ཡིས། །བདེ་བའི་དཀྱིལ་འཁོར་མཁས་པས་བསྡུ། །ཐམས་ཅད་མ་ལུས་རིགས་བཞི་ཡི། །ནང་དུ་མ་ལུས་གང་ཡང་མེད། །དེ་ཉིད་བདེར་གཤེགས་དཀྱིལ་འཁོར་ཉིད། །ཐབས་དང་ཤེས་རབ་བདེ་གྲུབ་ཤོག་། རིགས་ལྔའི་དཀྱིལ་འཁོར་དབུར་བསྡུ་ཞིང་། །
270a4 ཡེ་ཤེས་ལྔ་ཡི་འོད་ཟེར་འཕྲོ། །ཕྱོགས་བཅུ་གསལ་བར་གང་གྱུར་ནས། །ཐབས་དང་ཤེས་རབ་འོད་འབར་ཤོག་།དེ་བཞིན་རིགས་མཆོག་འཛིན་པ་ཡི། །ཐམས་ཅད་མ་ལུས་དབྱིངས་བསྡུས་ཏེ། །ཐམས་ཅད་ཀུན་ཏུ་བཟང་པོར་སྟོན། །ཐབས་དང་ཤེས་རབ་གཙོར་གྲུབ
270a5 ཤོག་། ཐུགས་རྗེ་ཆེན་པོའི་བྱིན་བརླབས་ཀྱིས། །ཕྱོགས་དུས་གནས་པ་མ་ལུས་ལ། །ཆོས་ཀྱི་འཁོར་ལོ་ཆེན་པོ་བསྐོར། །ཐབས་དང་ཤེས་རབ་མཆོག་འགྲུབ་ཤོག་།འགྲོ་བ་མ་ལུས་ཐམས་ཅད་ལ། །དེ་བཞིན་ཉིད་ཀྱི་སྐུ་ཡོད་པས། །མ་མཐོང་རྨོངས་ལ
270a6 ནམ་མཁའི་མདོག་། ཐབས་དང་ཤེས་རབ་དབྱིངས་གྲུབ་ཤོག་།སྐུ་ནི་སྣ་ཚོགས་ཅིར་ཡང་སྣང་། །ཐབས་ཆེན་རྣམས་ལ་མཉམ་པའི་ཚུལ། །ཉན་ཐོས་རྣམས་ལ་དགྲ་བཅོམ་ཚུལ། །རང་རྒྱལ་རྣམས་ལ་བསེ་རུའི་ཚུལ། །ཕ་རོལ་ཕྱིན་རྫོགས་ཤཱཀྱའི་ཚུལ། །
270a7 ལྷ་མི་རྣམས་ལ་དགེ་བཅུ་ཚུལ། །དུད་འགྲོ་རྣམས་ལ་ཨེ་ན་ཡ། །གཞན་ཡང་འགྲོ་བ་ཐམས་ཅད་ལ། །ཇི་ལྟར་འདུལ་བ་བཞིན་དུ་སྟོན། །དེ་ལྟ་བུ་ཡི་སྐུ་སྟོན་པ། །ཐབས་དང་ཤེས་རབ་སྐུ་གྲུབ་ཤོག་། ཐབས་དང་ཤེས་རབ་ལྡན་བསྒོམས་ནས། །རྒྱན་ལྔ་ཡིས
270a8 ནི་རྣམ་པར་བརྒྱན། །ཡན་ལག་ལྔ་ལ་དཀྱིལ་འཁོར་བཀོད། །ཡེ་ཤེས་རྒྱན་གྱིས་ཕོ་བྲང་བརྡུང་། །གཉིས་མེད་དཀྱིལ་འཁོར་ཟླུམ་པོའི་ཚུལ། །མཐའ་དབུས་མེད་པའི་དཀྱིལ་འཁོར་དུ། །ལྷུན་གྲུབ་ཚོགས་ཆེན་བྱང་ཆུབ་ཏུ། །ཐབས་དང་ཤེས་རབ་མྱུར་གྲུབ་ཤོག་།
iiif viewer powered by OpenSeadragon
