| e-texts navigator |
| Wylie |
268a1 ཡན་ལག་བསྐུ་བ་འང་དེ་བཞིན་ཏོ། །སྡོང་བུ་པད་མའི་རྒྱུ་ལས་བྱ། །གནོད་ནི་དུང་ཆེན་སྲུངས་མེད་པ། །ལྕང་ལོ་ཡོད་དང་མེད་ཀྱང་རུང་། །དེ་བྱི་པུ་ཏྲ་མ་བྱུང་བ། །མདོག་ནི་བན་ལང་ཅན་ལ་ཡོད། །རྡོ་རྗེ་བསྒྲུབ་པ་བར་གཅོད
268a2 ཕྱིར། །རྟག་ཏུ་མཚམས་ནི་བཅད་པར་བྱ། །ནརྀ་ཡི་རྐང་པ་གཡས་གཡོན་ནས། །སྦོམ་པོ་མ་ཡིན་ཕྲ་བ་ཉིད། །དེ་ལ་ཀི་ལ་ཡ་བྱས་ནས། །ཕུར་བུའི་སྔགས་དང་ཁྲོ་སྔགས་ཀྱིས། །ལན་འབུམ་དུ་ནི་བཟླས་པ་བྱ། །ལག་པ
268a3 གཡས་གཡོན་ཐལ་སོར་ལ། །ཁྲོ་བོ་བཅུ་དང་ཁྲོ་མོ་བཅུ། །འོད་འབར་གཟུངས་ཀྱི་སྐུ་རུ་བསྒོམ། །དེ་ནས་གཉིས་མེད་སྦྱོར་ཚུལ་དུ། །སྒྲུབ་པོ་རྡོ་རྗེ་བསྒོམ་པར་བྱ། །བསྒྲུབ་པ་དངོས་ལ་མ་གཏོགས་པ། །ཕྱོགས་བཅུ་རྣམས
268a4 སུ་མཚམས་ཀྱང་གཅད། །དངོས་གྲུབ་མ་ཐོབ་བར་དུ་ནི། །བསྒོམ་དང་བཟླས་དང་ཕྱག་རྒྱ་གསུམ། །བག་ཡོད་མགོ་ལ་མེ་འབར་བཞིན། །བར་མཚམས་མེད་པར་བསྒྲུབ་པར་བྱ། །དེ་ལྟར་སྒྲུབ་པའི་རིགས་མཆོག་གིས། །ལྷ་མ་སྲིན་རྣམས
268a5 བྲན་བཞིན་འཁོལ། །འཇིག་རྟེན་དབང་ཕྱུག་དབང་དུ་སྡུད། །རྡོ་རྗེ་རིགས་མཆོག་འཁོར་རྐྱེན་རྣམས། །ཡིད་བཞིན་དུ་ནི་འབྱུང་བར་འགྱུར། །རྫུ་འཕྲུལ་ཆེན་པོ་འདི་དག་ནི། །ལུས་སྦེད་ནུས་ནས་མངོན་དུ་དབྱུང་། །དེ་མ་ཡིན་པར་ཤིན་ཏུ
268a6 གསང་། སྐུའི་བསྒྲུབ་པ་ངེས་པའི་དོན་དུ་བཀའ་སྩལ་ཏོ། །རོ་ལངས་བསྒྲུབ་པའི་ལེའུ་སྟེ་བདུན་ཅུ་པའོ། ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་བྲོ་གར་རྩེ་འཇོ་བྲོ་གར་གྱི་དམ་ཚིག་ཅེས་བྱ་བ་ངེས་པར་ཆེད་དུ་བརྗོད་པ་འདི་བརྗོད་དོ། །
268a7 ཕྱོགས་བཅུ་མཐའ་ཡས་དུས་བཞི་ཡི། །ཐམས་ཅད་དབྱེར་མེད་མཎ་ཌལ་ལའི། །ཉི་ཟླ་ཤར་བའི་གཞལ་ཡས་ལ། །པད་མ་ཆགས་མེད་གདན་བཏིང་ནས། །རིན་ཆེན་ཟད་མེད་ཕོ་བྲང་ས། །ཆེ་ཆུང་དཔག་ཏུ་མེད་པ་ཡི། །བྱང་ཆུབ་བདེ
268a8 ལྡན་དཀྱིལ་འཁོར་ལ། །བདེ་ལྡན་བྱང་ཆུབ་རབ་བཀོད་ནས། །མ་ལུས་ཀུན་བསྡུས་དབྱིངས་བསྡུས་ཏེ། །ལུས་བསྐྱོད་ཡན་ལག་བསྐུལ་བསིགས་དང་། །དབང་པོ་ལྔ་ཡི་ལྟ་སྤྱོད་ཀུན། །ཕྱག་རྒྱ་ཆེན་པོ་ཡིན་པར་བཤད། །གོང་གི
iiif viewer powered by OpenSeadragon
