| e-texts navigator |
| Wylie |
267b1 ཡིས་བསྐུལ་བར་བྱ། །དེ་ནས་ཡི་གེ་འབྲུ་ལྔ་དགོད། །གསལ་ཞིང་འཚེ་བར་བསྒོམ་པར་བྱ། །དབང་པོ་ལྔ་དང་དབང་པོའི་ཚུལ། །ཡན་ལག་ལྔ་ལ་རིགས་ལྔའི་ཚུལ། །རྡོ་རྗེ་ཏིང་འཛིན་དེ་ཡིས་བསྒོམ། །དེ་ནས་ཞིང་དེ་འགུལ་འགྱུར་ནས། །
267b2 ཞིང་དེ་དྲག་ཏུ་འགུལ་བ་དང་། །ཤིན་ཏུ་ཞགས་པས་བསྡམ་པར་བྱ། །ཡན་ལག་རྣམས་ཀྱང་གཞུམ་པར་བྱ། །ཕྱོགས་བཞི་དག་ཏུ་ཐོད་པ་བསྟན། །ཧ་ཡ་གྲཱི་བའི་སྐུར་བསྒོམས་ཤིང་། །སྔགས་ནི་འབུམ་ཕྲག་མང་དུ་བཟླས། །ཕྱོགས
267b3 བཅུར་སྤྲོ་ཞིང་ཞིང་ལ་བསྟིམ། །དེ་ནས་ཞིང་དེ་དྲག་འགུལ་ནས། །རྡོ་རྗེ་ཏིང་འཛིན་དེ་ཡིས་ནི། །བརྟན་པ་ཉིད་དུ་བསྒོམ་པར་བྱ། །དེ་ནས་པར་པར་བྱེད་པ་དང་། ། ནརི་པྲེ་དུ་གང་ཡིན་པ། །རྡོ་རྗེ་དྲག་ཏུ་བརྡེག་ཅིང་དབབ། །ཐོད་པའི་ཁ
267b4 ནས་ནརྀ་ཕྱུང་ནས། །རྡོ་རྗེ་ཏིང་འཛིན་སོ་ཡིས་བཅད། །རྡོ་རྗེ་སྔགས་ཟོས་ཁོང་དུ་བསྟིམ། །གཉིས་སུ་མེད་པར་བསྒོམ་པར་བྱ། །དེ་ནས་ཞིང་དེ་ལངས་པ་དང་། །རྡོ་རྗེ་དབྱིངས་ནས་དབང་ཡང་བསྐུར། །བདུད་རྩི་ཆུ་ཡང་བླུད་པར་བྱ། །ལས་རྣམས
267b5 ཐམས་ཅད་བྱེད་དུ་གཞུག་། ཞིང་དེས་རབ་ཏུ་སྨྲས་པའི་ཚིག་།དཔའ་བོ་ཅི་བགྱི་མི་རྒས་སྐྱེ་མེད་ཆོས་རྣམས་དང་། །ལས་རྣམས་མ་ལུས་ཀུན་བགྱིད་དོ། །དེ་ལྟར་བསྒྲུབ་པའི་རིགས་མཆོག་གིས། །ཐལ་བ་ཐམས་ཅད་སོས་པར་འགྱུར། །
267b6 བསྒྲུབ་པའི་ས་ནི་དུར་ཁྲོད་དང་། །རི་བྲག་གཉན་པོ་བགེགས་གནས་དང་། །ནགས་ཁྲོད་སྟོང་པ་ཚེར་མ་ཅན། །རི་བོས་བསྐོར་བའི་ལྕུག་མ་ཅན། །རབ་ཏུ་རྣམ་པར་དབེན་པ་དང་། །གནོད་སྦྱིན་སྲིན་པོ་འབྱུང་བའི་གནས། །
267b7 དེ་དག་ཏུ་ནི་བསྒྲུབ་པར་བྱ། །དགུ་དང་བཅུ་གཉིས་བཅུ་གསུམ་དང་། །བཅུ་དྲུག་མན་ཆད་བསྒྲུབ་པར་བྱ། །ཐེ་ཚོམ་མེད་པར་འགྲུབ་པར་འགྱུར། །ཕྱི་ནང་འཚོ་བའི་ཡོ་བྱད་རྣམས། །ལམ་ལྔའི་ཞིང་དང་སྨན་ལྔར་བཅས། །འབྲུ
267b8 རྣམས་ཐམས་ཅད་བཅང་བར་བྱ། །རྟག་ཏུ་ཚོགས་ཆེན་མཆོད་པར་བྱ། །གསུམ་དང་ལྔ་རུ་བར་མི་གཅད། ཁ་ཟས་རྣམས་ཀྱང་ཐོད་པར་བཟའ། །བཏུང་བ་དག་ཀྱང་དེ་བཞིན་ཏེ། །མར་མེ་རྟག་པར་གཏང་བར་བྱ། །རྒྱུ་ནི་ནརྀ་ཡི་མར་ལས་བྱ། །
iiif viewer powered by OpenSeadragon
