| e-texts navigator |
| Wylie |
267a1 མ་བཅོས་ཀུན་ཏུ་གསལ། །རང་བཞིན་རྣམ་པར་དག་པའོ། །ཡེ་ནས་དེ་ལྟར་གནས་མོད་ཀྱང་། །མ་རིག་རྨོངས་པའི་ལིང་ཏོག་གིས། །གསལ་བའི་སྒྲོན་མ་བསྒྲིབས་གྱུར་ཏེ། ཁམས་གསུམ་མུན་ནག་རྒྱུན་ཏུ་འཁོར། །རྣམ་རྟོག
267a2 མཚན་མར་འཛིན་པ་ཡིས། །ལུས་དང་ལོངས་སྤྱོད་གནས་དང་ནི། །བདེ་དང་སྡུག་བསྔལ་སྣ་ཚོགས་མྱོང་། །དེ་ལ་སུ་ཞིག་བྱེད་པ་ཡོད། །ཡང་དག་མཐུ་ཆེན་སུས་མ་བྱས། །རང་ལ་རང་གིས་བཅིངས་པར་ཟད། །ཐམས་ཅད་མ་ལུས་ཆོས་སོ་ཅོག་།
267a3 སྙིང་པོ་ཡོད་པ་མ་ཡིན་ཏེ། །སྒྱུ་མ་མིག་ཡོར་སྤྲུལ་པ་དང་། །སྨིག་རྒྱུ་འཇའ་ཚོན་ཆུ་ཟླའི་ཚུལ། །དེ་ལྟར་གང་གིས་རབ་རྟོགས་པ། །དེ་ཉིད་སངས་རྒྱས་ཡིན་པར་བཤད། །སངས་རྒྱས་ས་ལ་གནས་པ་ཡིན། །སྐྱེ་མེད་ཕུན་སུམ་ཚོགས་ཡིན་ཏེ། །བྱེད
267a4 མེད་པ་ཡི་མཆོག་ཀྱང་རྫོགས། །ཞེས་ཉིད་ལ་ཉིད་བརྗོད་དོ། །སྒྱུ་འཕྲུལ་དྲ་བ་ལས་བཞུགས་གནས་ཁང་པ་བསྟན་པའི་ལེའུ་སྟེ་དྲུག་བཅུ་རྩ་དགུ་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱིས་མི་འཆི་བའི་རྡོ་རྗེ་བསྒྲུབ་པ་འདི་གསུངས
267a5 སོ། །རྡོ་རྗེ་ཞིང་ཆེན་བསྒྲུབ་འདོད་པས། །ཐམས་ཅད་སྐྱེ་ཤི་མེད་པའི་ཚུལ། །མཉམ་ཉིད་དག་པ་ཉིད་དུ་བསྒོམ། །ཁྲོ་བོ་བདུད་རྩི་འཁྱིལ་བ་ཡིས། །ཛཿཧཱུ~ཾ་བ~ཾ་ཧོས་དགུག་པར་བྱ། །བདག་དང་ཁྲོ་བོ་གཉིས་མེད་པར། །ཡང་ནས་ཡང་དུ
267a6 བསྒྲུབ་པར་བྱ། །སྐུ་རྣམས་གསལ་བར་གྱུར་པ་དང་། །ཞིང་ཆེན་འོག་ཏུ་གཞུག་པར་བྱ། །དཀྱིལ་འཁོར་མ་ལུས་དེར་བཀོད་ནས། །ཁྲོ་བོ་ཁྲོ་མོའི་དཀྱིལ་འཁོར་བསྒོམ། །མངག་པའི་ཕོ་ཉ་ཕྱོགས་བཅུར་གཏང་། །ཐམས་ཅད་མ
267a7 ལུས་དབང་དུ་སྡུད། །བསྒྲུབ་པ་གཅིག་གམ་ཡང་ན་གཉིས། །གསུམ་དང་ལྔ་རུ་བསྒོམ་པར་བྱ། །ཕོ་ཉ་མང་པོས་ནརྀ་བཀུག་ནས། །ཞིང་ལ་ཡང་ནས་ཡང་དུ་གཞུག་།སྣར་དང་སེར་དང་མདོག་སྣུམ་འབྱུང་། །དེ་ནས་བདུད་རྩིའི་ཏིང
267a8 འཛིན་གྱིས། །ལན་གྲངས་འབུམ་ཕྲག་མང་པོར་ནི། །བཟླས་པའི་ཚུལ་ཡང་རྣམ་གསུམ་དག་།རྡོ་རྗེ་སྔགས་བཟླས་རྩེ་མོ་གསུམ། །དེ་ཡི་བར་ནས་བཟླས་པ་འབྱུང་། །འོད་ཟེར་ལྔ་དང་ལྡན་པར་བྱ། །ཞིང་དེ་ལྡེམ་ལྡེམ་པོར་གྱུར་དང་། །བདུད་རྩི་ལྔ
iiif viewer powered by OpenSeadragon
