| e-texts navigator |
| Wylie |
264a1 དཔའི་སྤྱོད་ཚུལ་བཟང་། །ཕལ་ལ་མེད་པས་མི་རུང་ན། །སྔགས་མཆོག་ཤིན་ཏུ་ཟབ་པ་ཡི། །སྐྱེ་བོ་ཀུན་གྱིས་བྱ་བར་འབྱུང་། །བདུད་རྩི་དང་དུ་བླང་པར་གསུངས། །མཉམ་དང་མི་མཉམ་དབྱེར་མེད་ན། །སྐུ་གསུང་རྡོ་རྗེ་དབང
264a2 ཐོབ་འགྱུར། །གྲུབ་པའི་རྗེས་སུ་དེ་ཕྱིར་གསུངས། །ཤེས་རབ་མཉམ་པ་མ་རྟོགས་ན། །བྱོལ་སོང་ལ་ལ་ཆོས་དང་ལྡན་འགྱུར་ཡང་། །དྲང་སྲོང་འཚོ་དང་རྟག་འཐུན་དང་། །ཇི་སྲིད་འཚོ་ཡི་བར་དུ་འདོད་པ་སྤོང་བྱེད་པ། །དེ་དག་གྲོལ
264a3 བར་ངས་མ་བཤད། །ཆོས་རྣམས་ཐམས་ཅད་ཡོངས་སུ་དག་པ་ཡི། །རྣམ་བཞི་ཚུལ་གྱིས་དོན་རྟོགས་མངོན། །རྒྱུ་རྣམས་རང་བཞིན་དག་པ་དང་། །འབྲས་བུ་ཡོངས་སུ་དག་འགྱུར་ཏེ། །རྒྱུ་ཡི་མཚན་ཉིད་རྣམ་པར་དག་།ཕྱི་རོལ་ཆེན་པོ་ལྔ་རྣམས
264a4 ཏེ། །སེམས་ཉིད་གཟུང་འཛིན་གཉིས་སྣང་བ། །གཟུང་བའི་ཡུལ་ཉིད་འབྱུང་བ་ཆེ། །རྒྱུད་ཉིད་རང་གི་སེམས་ཡིན་པས། །འབྱུང་བ་ཆེན་པོ་རྒྱུ་ལས་དག་།འབྲས་བུ་ཡོངས་སུ་དག་པ་ནི། །སེམས་ན་ཀུན་གྱི་རུས་པ་སྟེ། །རྡོ་རྗེ་བྱང་ཆུབ
264a5 སེམས་ཡིན་ཏེ། །ཤ་ནི་པད་མ་རག་ཏ་ཡིན། །དྲི་ཆེན་དྲི་ཆུ་གུར་ཀུམ་ཆུ། །སོ་སོའི་ལུས་ལ་གནས་པས་དག་།དོན་དམ་དམིགས་མེད་དག་པས་ནི། །ཕྱི་ནང་ཆོས་རྣམས་ཐམས་ཅད་ཀྱང་། །གང་གི་ངོ་བོ་མ་ཡིན་ཏེ། །སྐྱེ་འགག
264a6 མེད་པས་ཡེ་ནས་དག་། ཀུན་རྫོབ་ཡེ་ནས་དག་པ་ནི། །སྒྱུ་མའི་རང་བཞིན་ཐམས་ཅད་སྣང་། །ཆུ་ཟླའི་ཆུལ་དུ་མི་དམིགས་གནས། །མི་དམིགས་པ་ཉིད་སྣ་ཚོགས་སྣང་། །དེ་བཞིན་གཤེགས་པར་ཡེ་ནས་མཉམ། །དེ་བས་གཙང་སྨེ་མེད
264a7 པར་སྤྱོད། །སེམས་ཅན་རྟོག་པ་བཟློག་ཕྱིར་སྨན། །གཙོ་རུ་དང་དུ་བླང་བར་བྱ། །དེ་བས་སེམས་ཅན་ཕྱིན་ཅི་ལོག་།ཆོས་རྣམས་ཐམས་ཅད་དག་པར་མ་ཤེས་ཏེ། །ཐབས་དང་ཤེས་རབ་དོན་མ་རྟོགས། ཁ་ཅིག་གིས་ནི་འཚོ་བའི་བར་དུ་ཟོས། ཁ་ཅིག
264a8 གིས་ནི་དྲང་སྲོང་ཇི་བཞིན་དུ། །ཤ་སྤངས་རྩཝ་དང་ཆུ་ལ་ཟོས། །ཟོས་ཀྱང་མ་གྲུབ་དོན་མ་རྟོགས། །རྣལ་འབྱོར་ཐབས་ལྡན་རྣམས་ཀྱིས་ནི། །རང་བཞིན་ཡོངས་ཀྱིས་དག་པའི་ཕྱིར། །མཉམ་པའི་དབྱིངས་ཀྱིས་རབ་རྟོགས་པས། །ཐབས་དང་ཤེས་རབ
iiif viewer powered by OpenSeadragon
