| e-texts navigator |
| Wylie |
260a1 ཆུ་ཟླའི་ཚུལ་དུ་འདྲར་ཤེས་ཤིང་། །ཡུལ་དང་རྟོག་པ་གཉིས་མེད་པར། །གང་གིས་དེ་ལྟར་རིག་པ་དེ། །གཞི་རྩ་མེད་དབྱིངས་སྐད་ཅིག་མ། །སྔ་ཕྱི་མེད་དབྱིངས་དེ་བཞིན་ཉིད། །ཅིས་ཀྱང་མི་ཚུགས་རྡོ་རྗེ་ཡིན། །རྡོ་རྗེ་སེམས
260a2 དཔའ་དེ་ལ་གནས། །ལྟ་སྤྱོད་འཐུན་པས་ཞལ་མཐོང་ཡིན། །རང་བཞིན་དཀྱིལ་འཁོར་ཡང་དག་ནི། །ཆོས་དབྱིངས་བདག་དང་དབྱེར་མེད་པའི། །མཉམ་པར་སྦྱོར་ཞིང་དག་པའོ། །ཐམས་ཅད་བྱང་ཆུབ་ལྷུན་གྲུབ་པའི། །དེ་ལྟར་གང་གིས
260a3 རྟོགས་འགྱུར་བ། །དེ་ནི་ཡེ་ཤེས་གཉིས་ཅན་ཏེ། །དེ་ཡིས་ཡང་དག་སྙིང་པོ་མཐོང་། །དེ་ཉིད་ཅིས་ཀྱང་མི་ཚུགས་པ། །ཤིན་ཏུ་སྲ་ཞིང་བརྟན་པ་ཡིན། །རང་བཞིན་དབྱིངས་ནས་འོད་གསལ་བ། །སེམས་དཔའ་མཆོག་ཏུ་ཡང་དག་གསུངས། །
260a4 དེ་ལྟར་རྟོགས་ན་ཞལ་མཐོང་ཡིན། །དེ་བཞིན་མཉམ་རྫོགས་ལྷུན་གྲུབ་ཡིན། །དེ་བཞིན་གཤེགས་དང་ཡེ་ཤེས་ལྔ། །རང་བྱུང་ཆེན་པོའི་དཀྱིལ་འཁོར་བསྒོམ། །རྟོགས་ཉིད་བྲལ་བའི་ཐབས་མཁས་ཀྱིས། །ལྷ་གསལ
260a5 དངོས་པོ་མེད་བསྒོམས་ན། །མཐོང་ཐོས་ལ་སོགས་མེད་པའི་ཚུལ། །རང་གི་ཡེ་ཤེས་གསལ་བསྒོམས་ན། །རང་བཞིན་མེད་ལ་ཅིར་ཡང་འགྲུབ། །འགྲུབ་འགྱུར་ཉིད་ན་དངོས་པོ་མེད། །ཇི་ལྟར་བཅོམ་ལྡན་དེ་བཞིན་གྱིས། །
260a6 བདུད་དཔུང་དཀྱིལ་དུ་ཏ་ལ་བཙུགས། །ཐམས་ཅད་བྱང་ཆུབ་ཤིང་བསྡུས་ཏེ། །གདུག་པ་ངང་གིས་མི་དགའ་ནས། །ཏ་ལ་བཅད་སྐམས་ཡོང་མི་གཅོད། །རྡོ་རྗེ་སེམས་དཔའ་དེ་ཉིད་ཡིན། །བདག་དང་ཏིང་འཛིན་མཐོང་གྱུར་པ། །
260a7 དེ་ཉིད་རྡོ་རྗེ་ཞལ་མཐོང་ཡིན། །རྡོ་རྗེ་སེམས་དཔའ་ཉིད་བསྒོམས་ཏེ། །ཏིང་འཛིན་ཤིན་ཏུ་འདྲིས་གསལ་ན། །ཐམས་ཅད་རྡོ་རྗེ་ཉིད་དུ་འགྱུར། །ཀུན་ལ་དབང་སྒྱུར་ཅིས་མི་ཚུགས། །བདག་དང་སེམས་དཔའ་དབྱེར་མེད་དེ། །
260a8 ལས་འཐུན་ཇི་ལྟར་སྣང་བ་བཞིན། །བདག་དང་སེམས་དཔའ་ལྟ་སྤྱོད་ཅིག་།དེ་ཉིད་རྡོ་རྗེ་ཞལ་མཐོང་ཡིན། །གཟུགས་བརྙན་དཀྱིལ་འཁོར་ཡང་དག་ནི། །ཆེན་པོ་རགས་པ་ཐབས་ཀྱིས་རྟོགས། །སོ་སོའི་མཚན་འཛིན
iiif viewer powered by OpenSeadragon
