| e-texts navigator |
| Wylie |
259a1 བདག་ཉིད་པད་མ་ཧེ་རུ་ཀ་།སྐུ་མདོག་གོང་གི་སྔ་མ་བཞིན། །ཕྱག་རྒྱའི་ཚུལ་ཡང་དེ་བཞིན་ཏེ། །སྙིང་པོ་འབུམ་ཕྲག་གསལ་བཟླས་ནས། །ཏིང་འཛིན་ཕྱག་རྒྱ་བསྒྱུར་རུང་ཞིང་། །ལྷ་ཉིད་དུ་ནི་གསལ་གྱུར་ནས། །
259a2 རྒྱལ་པོ་དེ་ཡི་གཟུགས་མདོག་ནི། །ཤིན་ཏུ་དམར་ཞིང་འཚེར་བ་སྟེ། །ལག་གཡས་བདུད་རྩི་བུམ་པ་གསོལ། །ལག་གཡོན་བདུད་རྩི་ལྔ་ཡི་ཚུལ། །ནུབ་ཕྱོགས་ཀླུ་རྣམས་རེ་བ་སྐོང་། །སྦྲུལ་མགོ་དགུ་ཡི་གདེངས་ཀ་ཅན། །དེ་ནི་རབ་ཏུ་དབང
259a3 བསྡུ་ཕྱིར། །བི་རཱུ་ཌྷ་ཀ་སྭཱ་ཧཱ། ཛཿ་ཧཱུ~ཾ་བ~ཾ་ཧོཿ། ནཱ་ག་ཤི་ནི་བི་ཡ་ཕག་ཤ་ཕག་ཛཿཧཱུ~ཾ་བ~ཾ་ཧོཿ་འབུམ་ཕྲག་དུ་མ་བཟླས་ནས་ནི། །དེ་ནི་བདག་གི་དབང་དུ་བསྡུ། །བདག་ཉིད་ལྷ་རུ་གསལ་བསྒོམས་ནས། །མིག་མི་བཟང་གི་སྙིང་ཀ
259a4 ནས། །ཛ་ཡིས་རབ་ཏུ་བཟུང་ནས་དྲང་། རྒྱབ་ནས་རྡོ་རྗེ་ཅན་གྱིས་ཕུལ། །དེ་ནས་བདག་དང་གཉིས་མེད་པའི། །དབྱེར་མེད་པར་ནི་གྱུར་པ་དང་། །ཅི་འདོད་ལས་དེ་བྱེད་དུ་གཞུག་།མིག་ངན་འཁོར་རྣམས་མ་ལུས་པར། །
259a5 དབང་གི་ལས་རྣམས་གྲུབ་པར་བྱེད། །རྒྱལ་པོ་རྣམ་ཐོས་བསྒྲུབ་པ་ནི། །བདག་ཉིད་ཁྲོ་བོ་བདུད་རྩི་འཁྱིལ། །སྐུ་མདོག་ཕྱག་མཚན་སྔ་མ་བཞིན། །གསལ་ཞིང་འོད་འཕྲོ་རབ་བསྒོམས་ཤིང་། །རང་སྔགས་སྙིང་པོ་འབུམ་ཕྲག་བཟླས། །
259a6 ཏིང་འཛིན་བསྒྱུར་དུ་རུང་བ་དང་། །རྣམ་ཐོས་དག་ནི་རབ་ཏུ་འགྲུབ། །གཟུགས་ནི་རིན་ཆེན་བཻ་དུརྱ། །ཡང་ན་མདོག་ནི་སྔོ་ཞིང་འཚེར། །ཕྱག་གཡས་རིན་ཆེན་དབྱིག་ཏོ་ཐོགས། །གཡོན་ན་འདོད་ཡོན་བུམ་པ་གསོལ། །
259a7 དབུ་ལ་རིན་ཆེན་སྣ་ཚོགས་མཛེས། །བཻ་ཤྲ་མ་ཎ་ཡེ་སྭཱ་ཧཱ། ཛཿ་ཧཱུ~ཾ་བ~ཾ་ཧོཿ། ཀུ་བེ་ར། ཀང་ཀང་། ཡང་ཡང་། ཛཿཧཱུ~ཾ་བ~ཾ་ཧོཿ་འབུམ་དུ་བཟླས་ཤིང་སྲོག་ཡོད་པར། །ཡང་དང་ཡང་དུ་བཟླས་པར་བྱ། །བདག་ཉིད་བདུད
259a8 རྩི་ཧེ་རུ་ཀ་། ཛ་ཡིས་རྣམ་ཐོས་སྙིང་ནས་དྲངས། །དབང་དུ་ཡང་དག་བསྡུ་བར་བྱ། །རྒྱབ་ནས་རྡོ་རྗེ་ཅན་གྱིས་ཕུལ། །ཡིད་བཞིན་རིན་ཆེན་དབང་དུ་འགྱུར། །གནོད་སྦྱིན་འཁོར་རྣམས་བྲན་བཞིན་བསྡུ། །རིན་ཆེན་སྤྲོས་ཤིང་ལས་རྣམས
iiif viewer powered by OpenSeadragon
