| e-texts navigator |
| Wylie |
254b1 ཅད་འབྱུང་བའི་གནས། །ཐམས་ཅད་འདུ་བའི་གཏེར་དང་ཡིད་བཞིན་མཛོད། །གཉིས་བྲལ་མཉམ་དང་མི་མཉམ་ཐམས་ཅད་ཉིད་ཀྱི་དབྱིངས། །ང་དང་བདག་མེད་མཚན་མ་སྣ་ཚོགས་དབྱེར་མེད་པ། །སྟོང་དང་མི་སྟོང་མི་གནས་དེ་བཞིན
254b2 ཉིད་དུ་འདུས། །རང་བྱུང་རྡོ་རྗེའི་དཀྱིལ་འཁོར་ཟད་མེད་དཀྱིལ་འཁོར་སྤྲོ། །འདས་དང་མ་འདས་དཀྱིལ་འཁོར་བསམ་ཡས་ལྷུན་གྲུབ་དང་། །མི་ཟད་པར་ལྡན་རྒྱན་གྱི་འཁོར་ལོ་དྲུག་རྫོགས་པ། །སྐྱེ་མེད་དབྱིངས་ཀྱི་རང་བྱུང་འོད་གསལ་ཕྲེང་ལྡན
254b3 མཆོག་། ཡེ་ནས་མ་བཅོས་མ་བྱས་རང་རིག་དང་གིས་གསལ། །ཐམས་ཅད་འབྱུང་འཇུག་རང་རིག་གཏེར་ཆེན་ངང་དུ་བསྡུས། །ཕྱོགས་བཅུ་མ་ལུས་མི་ལུས་ཐམས་ཅད་ཀུན་འདུས་དང་། །ཞིང་ཁམས་གཞལ་ཡས་བསམ་ཡས་རིན་ཆེན
254b4 མཆོག་ཆེན་ཀུན། །སྐྱེ་མེད་དབྱིངས་དང་རང་གི་གཉིས་སུ་ཡང་དག་འུབ། །མོས་སྤྱོད་སྟོང་ཉིད་རྒྱུ་འབྲས་ཡང་ནས་ཡང་སྦྱངས་མི་དམིགས་པ། །ཡེ་ནས་འོད་གསལ་ཆགས་མེད་མ་ཆགས་དཀོན་མཆོག་གནས། །མིང་ཙམ་མཆོག
254b5 རོལ་ཐབས་དང་ཤེས་རབ་མཆོག་གིས་རྫོགས། །ལམ་སྟེགས་ཉིད་དུ་ཕ་རོལ་ཕྱིན་བཅུ་རྫོགས་པར་རྒྱུ་འབྲས་སྤྱོད། །མཉམ་ཉིད་པ་ཡི་རྡོ་རྗེ་ཐབས་ཆེན་ཡང་དག་ལྡན། །འགྲོ་མེད་འོང་མེད་མི་གནས་ཀུན་ཁྱབ་ཁྱབ་མེད་ཉིད་ཀྱིས་བཤད། །
254b6 ཨ་ཧོ། །རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཕ་རོལ་ཏུ་ཕྱིན་པ་དང་། ས་བཅུ་གཉིས་དང་། ཐབས་ཀྱི་མཆོག་དང་། སངས་རྒྱས་ཀྱི་ཞིང་མ་ལུས་པར་ཡིད་དང་། ཆོས་སུ་འདུས་པར་བསྟན་པའི་ལེའུ་སྟེ། དྲུག་བཅུ་རྩ་གཅིག
254b7 པའོ། ། །། དེ་ནས་དེ་བཞིན་གཤེགས་པ་ཡེ་ཤེས་ལྔའི་དཀྱིལ་འཁོར་ལ་མཉམ་པར་བཞུགས་ནས། ཆེད་དུ་བརྗོད་པ་འདི་བརྗོད་དོ། །ལྔ་ཕུང་ཡན་ལག་ཐམས་ཅད་ཀྱང་། །འབྲུ་ལྔ་གནས་པའི་བྱང་ཆུབ་སྟེ། །ོཾ་དང་མཱུ~ཾ་དུ
254b8 འབྲེལ་བ་ཡི། །བྱང་ཆུབ་རྡོ་རྗེ་ཉིད་ལས་བྱུང་། །སྤྱིར་ན་བརྗོད་པ་ཐམས་ཅད་ཀྱང་། །ཀུན་ཀྱང་མིང་ཙམ་ཡི་གེ་ཨ། །སྐྱེ་འཇིག་ཉིད་ཀྱང་ཡི་གེ་ལྔ། །དེ་ནི་བྱང་ཆུབ་སེམས་ཡིན་ཏེ། །དམིགས་མེད་བྱང་ཆུབ་མཆོག་འབྱུང་བ། །
iiif viewer powered by OpenSeadragon
