| e-texts navigator |
| Wylie |
252a1 དབང་དུ་བསྡུས་ཏེ། དབང་གི་ཧོམ་གྱི་ལེའུ་སྟེ། ལྔ་བཅུ་རྩ་བདུན་པའོ།། །། དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་རྣམ་པར་འཕྲོ་བ་ཞེས་བྱ་བའི་དཀྱིལ་འཁོར་འདི་དག་ཉིད་ཀྱི་དབྱིངས་ནས་ཕྱུང་ནས
252a2 ཆེད་དུ་བརྗོད་པ་འདི་བརྗོད་དོ། །བདེ་བ་ཆེན་པོའི་དཀྱིལ་འཁོར་འབར། །འོད་ཟེར་འཕྲོ་བ་མང་པོ་འཁྲུག་།བསོད་ནམས་ཞིང་གྱུར་མཆོག་ཏུ་འབར། །ཕྱོགས་བཅུ་ནམ་མཁའ་གང་བར་བསྒོམ། །རྡོ་རྗེ་རིན་པོ་ཆེ་ཡིས་བསྐོར། །རྒྱལ
252a3 བའི་ཡོན་ཏན་མཁའ་དང་མཉམ། །ཏྲཱ~ཾ་ཡེ་ཤེས་ཕྱོགས་བཞི་དབུས་འོད་འབར། །དཀྱིལ་འཁོར་ཞགས་པ་རིན་ཆེན་བསྐོར། །གཞན་ཡང་ཕྱག་རྒྱ་སྣ་ཚོགས་དང་། །ཁྲོ་བོ་ཀུན་ཀྱང་དགའ་འཕྲོ་སྟེ། །འོད་ཆེན་དཀར་པོ་འབར་བ་དང་། །ཕྱག་རྒྱ
252a4 སྣ་ཚོགས་ཅིར་ཡང་སྒྱུར། །ལྷ་དང་ལྷ་མོ་རྣམས་ཀྱིས་བསྐོར། །མཆོད་པའི་ཡོ་བྱད་སྣ་ཚོགས་དང་། དཀར་ལ་དྲི་ཞིན་ཤིང་རྣམས་དང་། །གཞན་ཡང་མཆོད་ཡོན་ཐམས་ཅད་ཀྱིས། །དཀྱིལ་འཁོར་ལ་ནི་རྒྱས་པར་དབུལ། །བདག་ཉིད
252a5 རིན་ཆེན་རབ་འབར་ནས། །ཏྲཱ~ཾ། དཀར་ལ་ཡི་གེ་འོད་དུ་འབར། །ཁྲོ་བོ་ཀུན་ཀྱང་དེ་བཞིན་ཏེ། །མངོན་དུ་གྱུར་པའི་དཀྱིལ་འཁོར་དུ། །པཱ་ཤ་ཧོཿ་དང་ཛཿཧཱུ~ཾ་གིས། །ཕྱོགས་བཅུའི་ལམ་ལྔ་ཀུན་བཀུག་སྟེ། །དབྱིངས་སུ་ཐིམ
252a6 པར་འོད་འཕྲོ་བསྒོམ། །ཐམས་ཅད་སངས་རྒྱས་ཞིང་དང་མཉམ། །གཞན་ཡང་ཡོད་པ་འང་མ་ཡིན་ཏེ། །སྒྱུ་མའི་ཡེ་ཤེས་བསྟན་པ་ཡིན། །གཞན་ཡང་དཀྱིལ་འཁོར་བསམ་ཡས་ནི། །རིན་ཆེན་དབྱིངས་ལ་རྡོ་རྗེ་འབར། །དཀྱིལ་འཁོར་རྒྱན་གྱིས
252a7 འཁོར་བར་བསྐོར། །གཞན་ཡང་ལྷ་དང་ལྷ་མོ་ཡིས། །ཕྱོགས་བཅུ་ཁྱབ་པར་མཆོད་ཅིང་དབུལ། །ཡོན་ཏན་རྒྱལ་བའི་ཞིང་དང་མཉམ། །ཏྲཱ~ཾ། གླུ་དང་གར་གྱིས་མཆོད་པར་བྱ། །སངས་རྒྱས་ཞིང་ཁམས་མ་ལུས་ཀུན། །མཆོད་ཡོན་རིན་ཆེན
252a8 དཔལ་འཕེལ་གྱིས། །ཕྱོགས་བཅུ་གང་བར་རྒྱས་ཕུལ་ནས། །རྡོ་རྗེ་དབྱིངས་ཀྱིས་རྒྱས་པར་རོལ། །ཧོཿཏྲཱ~ཾ། ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་འདི་རབ་འབྱམ་ཀུན། །སྐད་ཅིག་ཡུད་ལ་རྒྱས་མཛད་དེ། །རྒྱས་པར་མ
iiif viewer powered by OpenSeadragon
