| e-texts navigator |
| Wylie |
251b1 ཡང་རྒྱན་གྱི་དམ་པ་མཆོག་། ཀུན་གྱིས་དེ་ལ་བརྒྱན་ཅིང་བསྐོར། །མེ་ལྷ་སྤྱན་དྲངས་སྔ་མ་བཞིན། །ཁྲོ་བོའི་དཀྱིལ་འཁོར་མ་ལུས་ཀུན། །པད་མ་རིགས་ཀྱི་ཁྲོ་བོར་བསྒོམ། །དམར་སྨུག་དྲག་པོའི་མདོག་དང་ནི། །
251b2 གཞན་ཡང་སྤྲུལ་པ་མང་པོ་ཡི། །ཕྱོགས་བཞི་མཚམས་བཞི་སྟེང་འོག་བསྐོར། །རྔམ་པ་རང་སྔགས་དྲག་ཏུ་བསྒྲོགས། །ཧྲཱིཿ་བདག་ཉིད་མ་ཆགས་རྡོ་རྗེ་སྟེ། །དཀྱིལ་འཁོར་གོང་མ་གསལ་བསྒོམས་ནས། །ཕྱོགས
251b3 བཅུར་འགྲོ་བ་ཐམས་ཅད་དང་། །གདུག་པ་ཡིད་ཅན་མ་ལུས་ཀུན། །ཛཿཧཱུ~ཾ་བ~ཾ་ཧོཿ་སྥོ་ཊས་བཀུག་ནས་སུ། །དཀྱིལ་འཁོར་ལ་ནི་དབུལ་བར་བྱ། །དགོངས་པ་གྲུབ་ཅིང་ངན་སོང་སྦྱོང་། །ཧྲཱིཿ་གཞལ་ཡས་དཀྱིལ་འཁོར་མང་པོའི
251b4 ཚོགས། །དཀྱིལ་འཁོར་པད་མའི་ཞལ་འདྲ་ལ། །ཐ་མ་པད་མ་ལྗོན་ཤིང་དང་། པད་མ་རྡོ་རྗེ་འོད་འབར་བསྒོམ། །གཞན་ཡང་རྒྱན་མཆོག་མཛེས་པ་ཡིས། །དཀྱིལ་འཁོར་ཀུན་ལ་མཛེས་པར་བརྒྱན། །བདག་ཉིད་པད་མའི་ལྷར་གྱུར་པས། །
251b5 མཆོད་པ་ལྷ་རྫས་སྣ་ཚོགས་དང་། །ཞལ་ཟས་བཟའ་བཏུང་མཆོག་རྣམས་དང་། །དམར་པོའི་ཤིང་དང་དྲི་ཞིམ་པ། །ལན་གྲངས་གོང་དུ་སྨོས་པ་བཞིན། །རྟག་ཏུ་མཆོད་པ་བྱས་ན་ནི། །འཇིག་རྟེན་འདི་དང་འདས་པ་ཡི། །ཅི་འདོད
251b6 ལས་དེ་འགྲུབ་པར་གྱུར། །སྔགས་ནི་ཡི་གེ་ར~ཾ་དང་ཧྲཱིཿ་།མདོག་ནི་དམར་སྨུག་འོད་པོ་ཆེ། །ཕྱོགས་བཅུ་ཁྱབ་ཅིང་ཧྲཱི་ལ་བསྡུ། །དགྱེས་པའི་གླུ་དང་གར་གྱིས་མཆོད། །ཧྲཱིཿ་།རྡོ་རྗེ་པད་མ་འབར་བ་ཡིས། །ཕྱོགས་བཅུ་མཐའ་ཀླས་རབ
251b7 འབྱམ་ཀུན། །དཔལ་དང་གཟི་བྱིན་ཚེ་ལ་སོགས། །པད་མ་འབར་བ་དེ་བསྡུས་ནས། །སངས་རྒྱས་སྐུ་དང་མཉམ་པ་དང་། །གཞན་ཡང་ལོངས་སྤྱོད་མཆོག་ལ་སོགས། །ཅིང་འདོད་ལས་རྣམས་དབང་དུ་འགྱུར། །ལྷ་སྲིན་ལ་སོགས
251b8 སྨོས་ཅི་དགོས། །ཧྲཱིཿ། འདོད་ཆགས་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་དབང་དུ་བསྡུས། །དབང་དུ་མ་གྱུར་གང་ཡང་མེད། །ཧྲཱི། སྒྱུ་འཕྲུལ་དྲ་བ་ལས་ཐམས་ཅད་མ་ལུས་པར
iiif viewer powered by OpenSeadragon
