| e-texts navigator |
| Wylie |
251a1 བསྡུས་ནས། །ཁྲོ་བོའི་ཚོགས་ལ་དབུལ་བར་བྱ། །ལྷ་ཡང་རུང་སྟེ་བརླག་པར་འགྱུར། །ཡོ་བྱད་གཞན་ནི་སྤྱི་དང་འཐུན། །གཟིར་བའི་ཐབས་ཀྱང་གོང་མ་བཞིན། །མཆོད་པའི་གྲངས་ཀྱང་སྤྱི་དང་འཐུན། །ཱཿ་གཞན
251a2 ཡང་དཀྱིལ་འཁོར་བསམ་ཡས་ཀྱི། །ཧཱུ~ཾ། ཞལ་གདངས་སྤྱན་བགྲད་ཁྲོ་ཞལ་བསྒོམ། །རྡོ་རྗེ་གཏན་པ་གདེངས་པ་དང་། །ཐོད་པ་ལྕགས་ཀྱུ་རྣམས་ཀྱིས་བསྐོར། །ཧཱུ~ཾ་སྒྲ་དྲག་པོའི་ཚོགས་ཀྱིས་འབར། །འཛིན་པའི་ཕྱག་རྒྱས་བཀུར་ནས་སུ། །
251a3 ཞལ་དུ་བསྟིམས་ན་ལྷག་པར་འགྲུབ། །རྡུལ་ཆ་ཙམ་ཡང་མེད་པར་བྱེད། །འཁོར་གྱི་ཚོགས་ཀྱིས་སྔ་མ་བཞིན། །བསྐོང་པའི་ཚུལ་དུ་སློད་གཏོང་བྱ། །ཧཱུ~ཾ། གཏུམ་པོ་དམར་པོ་མཆུ་རིངས་པོ། །འབར་བ་རྡོ་རྗེ་ཕྲེང་བས་བསྐོར། །འོད་ཆེན་འབར་བ
251a4 འཕྲོ་བ་ཡིས། །འཇིག་རྟེན་ཁམས་རྣམས་དུས་གཅིག་བརྔུབས། །ཧཱུ~ཾ་ཁྲོ་བོའི་ཚོགས་ཀྱི་སྔགས་རྣམས་དང་། །གནས་དང་ཡུལ་གྱི་ཕྱག་རྒྱ་དང་། །སླས་དང་བྱི་མོ་བྲན་མོའི་ཚོགས། །སོ་སོའི་རང་སྔགས་རྫོགས་པར་འདོན། །
251a5 ཧ་ཧེ་བྷྱོ། གཞན་ཡང་བསྟོད་ཚིག་འདི་དག་གིས། །ཧཱུ~ཾ་རྡོ་རྗེ་ཐུགས་རྗེ་བྱིན་བརླབས་ཀྱིས། །འཇིག་རྟེན་ཁམས་ན་ཀུན་བཀང་སྟེ། །གཏུམ་འཁྲུག་མ་ལུས་ཐམས་ཅད་ཀུན། །རྡོ་རྗེ་མཐུ་ཡིས་བཏུལ་བར་གྱུར། །ཧཱུ~ཾ་རྡོ་རྗེ་ཞེ་སྡང
251a6 འཁོར་བཅས་པས། །འཇིག་རྟེན་ཁམས་ནི་རབ་འབྱམ་ཀུན། །སྐད་ཅིག་ཡུད་ལ་རླག་མཛད་དེ། །བརླག་པར་མ་གྱུར་གང་ཡང་མེད། །སྒྱུ་འཕྲུལ་དྲ་བ་ལས་དྲག་པོ་ཧོ་མ་གྱི་ལེའུ་སྟེ། ལྔ་བཅུ་རྩ་དྲུག་པའོ།། །།
251a7 དེ་ནས་དེ་བཞིན་གཤེགས་པ་ཁྲོ་བོའི་རྒྱལ་པོ་པད་མ་སྡུད་པ་ཞེས་བྱ་བས། འགྲོ་བ་མང་པོའི་དོན་གྱི་ཕྱིར། ཆེད་དུ་བརྗོད་པ་འདི་བརྗོད་དོ། །ཤེས་རབ་ཐབས་སུ་སྦྱོར་བ་ཡིས། །ཐམས་ཅད་མ་ལུས་དབྱིངས་སུ་བསྡུས། །
251a8 དབྱིངས་ནས་ཡེ་ཤེས་འོད་འཕྲོ་འབར། །ཐམས་ཅད་མ་ལུས་དབྱིངས་སུ་སྦྱོར། །ཧྲཱིཿ་དཀྱིལ་འཁོར་ཟླ་གམ་གདེངས་པ་ལས། །འོད་ཟེར་མང་པོ་རབ་འབར་དང་། །རྡོ་རྗེ་ལྕགས་སྒྲོགས་བསྡམས་པས་བསྐོར། །གཞན
iiif viewer powered by OpenSeadragon
