| e-texts navigator |
| Wylie |
250a1 སོ་སོའི་རང་སྔགས་བཟླས་ནས་སུ། །རྒྱུད་དྲུག་སེམས་ཅན་ཐམས་ཅད་ལས། །མ་རུངས་གདུག་པ་ཐམས་ཅད་དུ། །ཛཿཧཱུ~ཾ་བ~ཾ་ཧོཿས་བཀུག་ནས་ནི། །ལན་གསུམ་ལན་བདུན་ཞལ་དུ་བསྟིམ། །ལྷ་ཡང་རུང་སྟེ་བརླག་པར་འགྱུར། །
250a2 ཧོཿ་གཞན་ཡང་མཆོད་པའི་ཞལ་ཟས་ནི། །འབྱོར་པ་རྣམ་པ་ཀུན་གྱིས་མཆོད། །ནརྀ་ཡི་ཚིལ་དང་ཚ་བའི་མར། །དམར་གྱི་ཨརྒྷ་རྒྱུན་དུ་དབུལ། ། ཧོཿ་ཡང་ན་ལན་གསུམ་བརྒྱ་རྩ་བརྒྱད། །སྟོང་ངམ་འབུམ་དུ་དབུལ་བར་བགྱི། །
250a3 ནག་པོའི་ཚེར་མ་དུག་ཤིང་ངམ། །གཞན་ཡང་བསྲེག་རྫས་གདུག་གསུམ་དང་། །གནོན་པའི་ཆོ་ག་ཀུན་གྱིས་བྱ། །སྒྱུ་འཕྲུལ་དྲ་བ་ལས་ཐུགས་རྗེ་རོལ་པའི་དཀྱིལ་འཁོར་སྤྱིར་བསྟན་པའི་ཧོ~ཾ། ཨོཾ་ཧཱུ~ཾ་ཏྲཱ~ཾ་ཧྲཱི་ཨཱཿ་གསང་བའི་སྙིང་པོ་དེ་ཁོ་ན་ཉིད་ངེས
250a4 པ་ལས་ཧོ~ཾཿ་ཐམས་ཅད་མ་ལུས་པར་འདིར་འདུས་པའི་ལེའུ་སྟེ། ལྔ་བཅུ་རྩ་བཞི་པའོ།། །། དེ་ནས་དེ་བཞིན་གཤེགས་པ་ཁྲོས་པའི་རྒྱལ་པོས་སྒྱུ་འཕྲུལ་དྲ་བ་བསྟན་པ་ལས་ཁྲོ་བོ་རྔམ་པའི་ཚོགས་སུ་བསྒོམས་ནས་ཆེད་དུ་བརྗོད་པ་འདི་བརྗོད
250a5 དོ། །བྱང་ཆུབ་མཆོག་གི་སྙིང་པོ་ནི། །མཚན་མས་བཙལ་བ་མ་ཡིན་གྱི། །དག་པ་རྣམ་གསུམ་མ་ནོར་ཞིང་། །རང་རིག་རྒྱལ་པོ་གོམས་པ་ཡིས། །བྱང་ཆུབ་མཆོག་འདི་རྙེད་པར་འགྱུར། །དྲག་པོ་གཏུམ་པོ་བསྒྲུབས་པ་ནི། །བྷ་ག་ལ་ནི་ལིང་ག
250a6 བཞག་། མཚན་མ་མིང་དུ་བཅས་པར་བྱ། །ཁྲོ་བོའི་ཞལ་ནི་གང་ཡང་རུང་། །ལན་གསུམ་ལན་བདུན་རྟག་བསྒོམས་ཤིང་། །མངོན་དུ་བྱུང་བའི་ཞལ་འབར་ཏེ། །བདག་ཉིད་དཀྱིལ་འཁོར་ལྷར་གྱུར་ནས། །ལིང་ག་ཡང་ནས་ཡང་བསྡུས་ཏེ། །དབྱིངས་ཀྱི
250a7 དཀྱིལ་དུ་བསྟིམ་པར་བྱ། །ཧཱུ~ཾ་གིས་བསྡུ་ཞིང་ཕཊ་ཀྱིས་འཕང་། །ཞལ་གྱི་རང་སྔགས་ཁྲི་འབུམ་དུ། །རྣམ་གསུམ་ཚུལ་གྱིས་བཟླས་ནས་སུ། །ཡང་ནས་ཡང་དུ་གསོལ་བར་བྱ། །འགྲོ་ལྔ་སེམས་ཅན་ཐམས་ཅད་ཀུན། །དབང་མེད་ཞལ་དུ་ཐིམ
250a8 པར་འགྱུར། །ཡ་མ་ཡ་ཡང་ལྷག་པར་མཛེས། །སྐུ་མདོག་དུད་ཀ་ལ་སོགས་དང་། །མཆེ་གཙིགས་ཁྲོ་གཉེར་གཙིགས་པ་དང་། །ཞལ་བགྲད་ཕྱག་རྒྱ་འབར་བ་དང་། །གང་ལ་སོགས་པ་བསྒོམ་པར་བྱ། །བདག་ཉིད་འཛིན་པའི་ཕྱག་རྒྱ་སྟེ། །
iiif viewer powered by OpenSeadragon
