| e-texts navigator |
| Wylie |
249b1 བཞིན་དུ། །སྣང་དང་མི་སྣང་གཉིས་ག་མེད། །དེ་བཞིན་མཉམ་གཉིས་ཡེ་ཤེས་ཀྱིས། །ཐམས་ཅད་རྒྱལ་བའི་ཞིང་དུ་སྦྱོར། ཨོཾ། རང་རིག་ཡེ་ཤེས་རྒྱལ་པོ་ཡིས། །ཕྱོགས་བཅུ་ཁམས་རྣམས་དབང་བསྡུས་ནས། །ཐམས་ཅད་མི་དམིགས་དབྱིངས་སུ་ཐིམ། །
249b2 ཐམས་ཅད་ཁྲོ་བོའི་ཚོགས་སུ་འགྱུར། །རྟོག་པ་རྣམ་བཞི་མི་དམིགས་དབྱིངས་གྱུར་པ། །ཤེས་རབ་ཡུམ་གྱི་མཚན་ཉིད་དབྱིངས་སུ་ཐིམ། །ཐབས་དང་ཤེས་རབ་གཉིས་མེད་དབྱིངས་གྱུར་པས། །ཆོས་རྣམས་ཐམས་ཅད་དབྱིངས་ཀྱི་ཁྲོ་བོ་ཁྲོ་མོར་འགྱུར། །
249b3 ཨ་ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་ཁྲོ་བོ་དང་ཁྲོ་མོའི་རང་བཞིན་དུ་གྱུར་པ་དང་། རང་རིག་པའི་ཡེ་ཤེས་ཀྱི་མེས་སྦྱོང་བའི་ལེའུ་སྟེ་ལྔ་བཅུ་རྩ་གསུམ་པའོ།། །། དེ་ནས་དེ་བཞིན་གཤེགས་པ་མ
249b4 ལུས་པ་ཐམས་ཅད་ཀྱི་རྒྱལ་པོའི་འབར་བའི་ཐུགས་རྗེས་གཏུམ་འཁྲུགས་གིང་ཚོགས་ཆེན་པོར་སྒྱུར་ནས། ཐམས་ཅད་འོད་དཔུང་འཕྲོ་ཞིང་འབར་བར་བསྟན་པ་ཆེད་དུ་བརྗོད་པ་འདི་བརྗོད་དོ། །སྒྱུ་འཕྲུལ་དྲ་བ་བསྟན་པ་ཡིས། །ཕྱོགས་བཅུའི་ཞིང
249b5 ཁམས་མ་ལུས་པར། །བྲུ~ཾ་དང་ཙཀྲའི་འཁོར་ལོར་སྦྲུལ། །འོད་འཕྲོ་འབར་བའི་ཚོགས་ཆེན་ཧཱུ~ཾ། །གཏུམ་ཆེན་དུས་མཐའ་མེ་ལྟར་འབར། །ར~ཾ། ཉི་མའི་ཐོད་སྦྲུལ་མང་པོའི་གཟི། །ཁྲོ་གཉེར་གློག་སྟོང་འགྱུ་བ་བཞིན། །རྔམ་པའི་ང་རོ་འབྲུག་སྟོང
249b6 ལྡིར། །ཕཊ། ཁྲོས་པའི་སྤྲིན་ཆེན་ཕྱོགས་བཅུར་འབར། །ཁྲོས་པའི་མེ་དཔུང་རྡོ་རྗེར་འབར། །རྡོ་རྗེ་འཁོར་ལོ་བརྩེགས་པར་འབར། །ཙཀྲ། ཁྲོ་བོ་ཁྲོ་མོའི་ཚོགས་ཀྱིས་བསྐོར། །གནས་དང་ཡུལ་གྱི་ཕྱག་རྒྱ་མཛེས་ཧ་ཧེ། །སླས་དང་བྲན་མོའི་བྱི
249b7 མོའི་ཚོགས། །རང་གི་སྟན་དང་མལ་ཆ་དང་། །ཅི་བགྱི་ཞེས་ཏེ་ཆས་ཏེ་གནས། །སྟི་རིའི་རྒྱུ་མའི་ཞགས་པ་དང་། ནརྀ་ཡི་ཙི་ཏ་ཟ་ཞིང་རྒྱུག་།ཤིན་ཏུ་རྔམ་པའི་གཟུགས་སུ་གནས། །རལ་པ་མུན་ཛ་ཅོད་པན་འབར། །ཕྱོགས་བཅུར་ཁེབས་པའི་གཤོག་པ
249b8 གདེངས། །རྡོ་རྗེ་གཏམས་པའི་བྲག་རི་འབར། །ར~ཾ། སོ་སོའི་རིག་སྔགས་སྐད་གདངས་དང་། །སྐད་དང་ང་རོ་དྲག་ཏུ་འདོན། །ཧཱུ~ཾ་ཧ་ཧེ་ཕཊ་བྷྱོ་རུ་ལུ། །ཁྲོ་བོ་ཆེན་པོ་ཚོགས་པ་ཡི། །དཀྱིལ་འཁོར་ཆེན་པོའི་ཞལ་འབར་བ། །བདག་ཉིད་གཉིས་སུ་མེད་པར་བསྒོམ། །
iiif viewer powered by OpenSeadragon
