| e-texts navigator |
| Wylie |
247b1 བསྲེགས་དང་སྦྲེབས་པར་ཡུན་རིང་གནས། །ཞེས་བརྗོད་པས་སྲིད་པ་མཐའ་དག་གི་བུད་མེད་ཀྱི་ཚོགས་རྣམས་དམ་ཚིག་འདིས་འདུལ་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་སྐུ་གསུང་ཐུགས་དང་ཡོན་ཏན་འཕྲིན་ལས་རྡོ་རྗེ་ལས་རྡོ་རྗེ
247b2 གསང་བའི་ཚིག་འདི་ཕྱུང་ངོ་། །ེ་ཨེ་མ་ཨེ་མའོ་ཆོས་རྣམས་སྒྱུ་མ་ཡི། །ངང་ཉིད་བུད་མེད་གསང་བསྔགས་པ་ཡི། །ལྔ་དྲུག་དུས་བཏབ་སྣང་སྲིད་འབྱུང་བའི་གཏེར། །ཡང་དག་ལམ་རྙེད་མངོན་པར་ཀུན་གནས་ཀུན་ཏུ་གནས། །ཆོས་མང་ཆོས
247b3 ཉིད་མཉམ་པའི་ཕྱག་རྒྱ་ཇི་སྙེད་ལས། །ལས་ངན་དགེ་བའི་ཆོ་འཕྲུལ་ལམ་ཆེན་འདི། །ཀུན་གྱི་ཁྱད་པར་ཉིད་ནི་བུད་མེད་བདེ་བ་གཅིག་པུ་ཡིན། །ཆོས་ཀུན་དེ་ཉིད་ཡིན་ཕྱིར་དམན་པས་མི་དམད་འཚམ་པར་བསྟན། །སྒྱུ་མ་འབྱོར་པ་ཉིད་ནི་བདེར
247b4 གཤེགས་ཉིད་ཡིན་རབ་ཏུ་གསལ། །རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས། དམ་ཚིག་ཆེན་པོས་བུད་མེད་བཏུལ་བའི་ལེའུ་སྟེ། བཞི་བཅུ་རྩ་དགུ་པའོ།། །།
247b5 དེ་ནས་བཅོམ་ལྡན་འདས་དགྱེས་པ་ཆེན་པོས་མཉེས་པའི་མཆོད་པ་འདི་ཆེད་དུ་བརྗོད་དོ། །དེ་ལ་མཆོད་སྦྱིན་ཆེན་པོ་ནི། །ཐོག་མར་བདག་ཉིད་རྟོགས་གོམས་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་འཇིག་རྟེན་སྙིང་རེ་རྗེ། །གཉིས་སུ
247b6 མེད་པར་བསྒྲལ་བར་བྱ། །འཁྲིལ་བའི་མཆོད་ཆེན་མཉམ་སྦྱོར་བས། །བདག་ཉིད་མཉེས་པས་མཉེས་པར་བྱ། །མཉམ་པའི་གྲུབ་རྫས་ཆེན་པོ་དག་།བདག་དང་མཉམ་པའི་ཚོགས་ལ་འབུལ། །བཟའ་དང་བཅའ་དང་བཏུང་དང་བགོ། །
247b7 ལོངས་སྤྱོད་ལྔ་ལྡན་ཐམས་ཅད་ནི། །དཀྱིལ་འཁོར་ལ་ནི་དཀྱིལ་འཁོར་ཐིམ། །ཕྱོགས་བཅུ་དུས་བཞི་གཤེགས་པ་ཡི། །བདེར་གཤེགས་ཡོན་ཏན་རྨད་པོ་ཆེ། །གཞན་ན་ཡོད་པ་མ་ཡིན་ན། །ལྷ་སྲིན་ལ་སོགས་སྨོས་ཅི་དགོས། །
247b8 རྣལ་འབྱོར་ལས་སུ་རུང་རྣམས་ཀྱིས། །ཕྱག་རྒྱ་ཆེན་པོ་རྫོགས་གྱུར་ཅིང་། །གསལ་བའི་ཡིད་གཉིས་མེད་པ་ནི། །དཀྱིལ་འཁོར་ཆེན་པོ་འབར་བར་འགྱུར་ཞེས་བརྗོད་པས། མཉེས་པ་ཆེན་པོས་འཇིག་རྟེན་དྲུག་གི་ཕྱོགས་བཅུ་ཐམས་ཅད
iiif viewer powered by OpenSeadragon
