| e-texts navigator |
| Wylie |
247a1 ཕྱལ་བར་འདོད་པ་སྤྱོད། །བུད་མེད་ཡོན་ཏན་ཀུན་ཡོད་ཅིང་། །འདོད་ཆགས་ཀུན་དང་འཐུན་སྤྱོད་ལ། །རྩ་བ་དང་དུ་བླང་པ་དང་། །འཚམ་པར་ལྷ་ཡི་སྐུ་བསྟན་ཏེ། །ཉེ་བསྙེན་གསང་བའི་མན་ངག་རྣམས། །ནམ་ཡང་སྦྱིན་པར་མི
247a2 བྱའོ། །དེ་ལ་སྦྱོར་སྟངས་དེ་བསྟན་ནས། །གཞན་ནི་བསྟན་པར་མ་གསུངས་སོ། །དད་ལྡན་སྲུན་ཅིང་བློ་རྣོ་བོ། །དད་པ་ཆེ་ཞིང་ཆོས་ལ་གུས། །ཆགས་པར་རན་པ་བཀའ་ཉན་ཅིང་། །གནས་ལ་དགའ་ཞིང་ལུས་ཉན་པ། །རྩ་བ་ཡན་ལག
247a3 དམ་ཚིག་སྒྲུབ། །མཆོད་པའི་གནས་ཤོམ་སྡོམ་པ་སྲུང་། །བསྙེན་པ་ལ་ནི་བྱིན་ཕབ་ནས། །གསང་སྔགས་ཚོགས་ཀྱི་མཆོད་གནས་སུ། །ང་ཡི་གསང་བ་བྱིན་ཕབ་སྟེ། །ཐོགས་པ་མེད་པར་མངོན་སུམ་ལ། །སྦྱོར་བའི་ཐབས་ལྡན་མཉམ
247a4 སྦྱོར་བ། །དཀྱིལ་འཁོར་བཞི་བཅུ་རྩ་གཉིས་ཀྱི། །བདག་ཉིད་མཉེས་པའི་མཉམ་སྦྱོར་ཞིང་། །མཉམ་པའི་གྲུབ་པས་ཚོགས་ལ་མཆོད། །དམ་ཚིག་མི་ལྡན་སྤྱོད་རྩིང་དང་། །གཏིང་ནས་བསྟན་པ་མི་འཛིན་ལ། །འདོད་ཆགས་སྤེལ་བར
247a5 མི་བྱེད་ཅིང་། །གསང་བའི་སྙིང་པོ་དེ་ཁོ་ན། །ངེས་པའི་དོན་ནི་མི་སྟོན་ལ། །ང་ཡི་དབང་དང་བསླབ་པ་རྣམས། །རིམ་པ་བཞིན་དུ་རབ་ཏུ་སྦྱིན། །རིགས་ངན་ཕོ་མོ་འདོད་སྤྱོད་ནི། །སྤྲོ་ཐུང་འདོད་ཆགས་རབ་ཏུ་ཆེ། །བློ་ཞན་ཕྲག་དོག་སྒྲོ་སྐུར་ཅན། །
247a6 གཉིད་ཆེ་ཆད་དང་བརྩོན་འགྲུས་ཆུང་། །སློབ་ལ་མི་གུས་ནན་ཏན་མེད། །སློབ་དཔོན་མི་དྲན་སྤུན་སེམས་ཆུང་། །གལ་ཏེ་དམ་ལ་གནས་ན་ཡང་། །ང་ཡི་གསང་བ་འཛིན་པ་ལ། །མངོན་དུ་དགའ་བར་མི་ནུས་ཏེ། །ལྟ་ཞན་བཀའ་ལས་འདས་པ་དང་། །
247a7 གྲོལ་བར་དཀའ་ཞིང་ནུས་མཐུ་ཞན། །མུན་དང་ལྐོག་དང་སྐྱེ་བོ་ལ། །གར་དབེན་ཕྲད་པར་འདོད་སྤྱོད་ཅིང་། །འདོད་ཆགས་འགའ་ལམ་དེ་དག་ལ། །ཚིག་རྣམས་གསང་བ་སྨྲ་བྱེད་པ། །དངོས་ཀྱི་དོན་དང་འཐུན་པ་ལས། །གསང་བའི་སྙིང་པོ་སྦྱིན་མི་བྱ། །
247a8 བསྐལ་པའི་འཇིག་རྟེན་བར་དུ་ཡང་། །ཐུགས་ཀྱི་བདེ་བ་མི་སྤྲོ་ཞིང་། །ནམ་ཀྱང་བསྟན་པར་མི་བྱའོ། །འཇིག་རྟེན་འདོད་པ་དགའ་རྣམས་ཕྱིར། །གལ་ཏེ་རྨོངས་པས་བྱིན་པ་ནི། །རིམས་དང་ནད་ཀྱིས་སྲོག་བཅད་དེ། །རྩ་བ་ཡན་ལག་སྤངས་པ་ཡིན། །
iiif viewer powered by OpenSeadragon
