| e-texts navigator |
| Wylie |
246b1 མི་མོ་དང་། ཕག་མོ་དང་། རྒན་བྱད་མོ་དང་། སྣ་ཆད་མོ་དང་། ཆུ་ལྷ་མོ་དང་། ནག་མོ་ཆེན་མོ་དང་། ར་མགོ་དམར་སེར་ཆེན་མོ་དང་། བུམ་རྣ་སྔོ་གནག་ཆེན་མོ་དང་། གསུས་འཛིན་སེར་གནག་ཆེན་མོ་དང་། རྒྱལ་མོ་དང་།
246b2 བློན་མོ་དང་། སྡེ་དཔོན་མོ་དང་། གཡོག་དང་ཡང་གཡོག་དང་། བྲན་དང་། ཡང་བྲན་ལ་སོགས་པ། སླས་དང་བྱི་མོ་དང་། བྲན་མོ་རྣམས་ལ་ཆེད་དུ་བརྗོད་པ་འདི་བརྗོད་དོ། །གསང་བའི་སྙིང་པོ་ངེས་པ་འདི། །གསང་སྔགས་ཀུན་གྱི་རྒྱལ་པོ
246b3 ཡིན། །ཐབས་ཆེན་མཚོན་པའི་ཤེས་རབ་ནི། །སྒྱུ་འཕྲུལ་དྲ་བའི་སྙིང་པོ་དང་། །གསང་བ་རྒྱུད་ནི་མང་པོ་རྣམས། །ང་ཡི་ཐུགས་ལས་སྤྲུལ་པ་ཡིན། །ཚངས་པ་དང་ནི་བརྒྱ་བྱིན་དང་། །དབང་ཕྱུག་ཆེན་པོ་ལ་སོགས་པ། །སྡེ་དཔོན་འཕྲོག
246b4 མའི་ཡུལ་རྣམས་དང་། །ལུས་འཕགས་པ་ལང་སྤྱོད་པ་དང་། །སྒྲ་མི་སྙན་དང་འཛམ་གླིང་དུ། །ང་ཡི་ཐུགས་ཀྱི་སྙིང་པོ་འདི། །ཕྱོགས་བཅུ་ཀུན་ཏུ་སྤེལ་བ་དང་། །དེ་ཡི་གཟུགས་ལ་གཏད་པ་ནི། །ཡིད་བཞིན་མཛོད་འབྱོར་བཀའ་ཡི
246b5 གནས། །ཕྱི་ནང་ཐེག་པ་བསྟན་བཅོས་དང་། སྟོང་ཕྲག་བརྒྱད་བཅུ་རྩ་བཞི་རྣམས། །སྤྱོད་དང་བསྒོམ་དང་བཟླས་པ་དང་། །སྡོམ་པ་ཀུན་ལ་མཁས་པ་ཡིས། །བསྒོམ་པ་སྲན་དང་ཆོས་ཕྱོགས་དང་། །བསྟན་པ་འཛིན་པར་ནུས་པ་ཡི། །
246b6 གསང་བའི་སྙིང་པོ་མཆོག་ཏུ་གཏད། །གཞན་ལ་བསྙད་པར་མ་ཡིན་ནོ། །མི་འཁྲུག་བློ་ཟབ་རྐྱེན་ཐུབ་ཅིང་། །ཡིད་བཞིན་སྦྱོར་བར་མོས་པ་ལ། །རྩ་བ་ཡན་ལག་དམ་ཚིག་བསྟན། །ཟླ་དང་བཅས་པས་དམ་ཚིག་ཆེ། །སྦྱོར་བ་གཉིས་ག
246b7 མཁས་པ་དང་། །ལུང་དང་ཚད་དུ་ལྡན་ཐུབ་དང་། །གཞན་ལ་བསྙད་པར་མི་བྱེད་ཅིང་། །བསྟན་པ་མཆོད་པར་བྱེད་པའོ། །ཉེ་བ་བསྙེན་པ་དམ་ཚིག་ལ། །བསྒྲུབ་པ་བསྙེན་པ་ཉེ་བསྙེན་པ། །ཅི་ནུས་པར་ནི་ཤིན་ཏུ་བརྩོན། །སེམས་ཅན་ངང་ཚུལ་ཀུན
246b8 བོར་ནས། །གང་གི་ཡིད་ཀྱང་མི་འཁྲུགས་ཤིང་། །མཆོད་པ་ཚོགས་ལ་སྟོབས་ལ་རུབ། །བུད་མེད་འགུགས་པས་གཙོ་ལ་དབུལ། །ཟུང་ཐུབ་གསང་ལ་མཁས་པ་ཡིས། །ངེས་པ་ཅན་ལ་ཤིན་ཏུ་གཏད། །གཞན་དུ་བསྟན་པར་མི་བྱའོ། །ཐོགས་མེད
iiif viewer powered by OpenSeadragon
