| e-texts navigator |
| Wylie |
246a1 ཕྲག་དོག་འདུལ་བ་ཕྲག་དོག་ཀུན་གྱི་གཙོ། །ཕྲག་དོག་ཆེ་མཆོག་ཕྲག་དོག་ཆེན་པོའི་སྐུ། །བུད་མེད་ཀུན་བསྡུས་དཀྱིལ་འཁོར་དབུས་གནས་ཤིང་། །ལམ་ནོར་གདུག་པར་བཅས་པ་ཕཊ་ཀྱིས་གསོད། །ཞིང་གི་ཤམ་ཐབས
246a2 གདུག་པ་འདུལ་བར་བསྣམས། །སྐུ་འདྲ་འཇིགས་ཚོགས་གཟུགས་ཀྱིས་སྐུ་ལ་བརྒྱན། །ཞབས་དང་ཕྱག་ཏུ་གྱུར་པ་བསམ་ཐག་ཆད། །ཞབས་ཆེན་གཡོན་མང་བརྐྱང་པས་ལྷ་གནོན་བདུད་ལ་ཁྱབ། །ཞབས་གཡས་ཐབས་ཆེན
246a3 མང་པོས་དབང་སྡུད་འདོར་ཞིང་བསྐུམ། །རྡོ་རྗེ་སེ་གོལ་ཕྱར་བརྡབས་གཉིས་ཆེར་རབ་སེལ་མཛད། །འོད་ཆེན་དབུས་ནས་གློག་ཆེན་རབ་འགྱུ་བའི། །འཇིགས་པར་གོང་ན་མེད་པའི་དཔའ་བོ་ཁྱོད། །ཟས་ངན་བདུད་རྩི་སྦྱོར་བའི་སྨན་ཆེན་བདག་།
246a4 འཇིགས་བྱེད་ཁྱོད་ལྟ་བུ་ནི་རབ་ཏུ་དཀོན། །བསྐལ་པར་བཀྲུས་ཀྱང་སླར་སྐྱེ་དྲི་མ་ལ། །ཡེ་ཤེས་ཉི་ཟེར་འོད་ཀྱི་བྱིན་བརླབས་དང་། །ཐུགས་རྗེ་དག་པའི་ཆར་གྱི་ཆོ་འཕྲུལ་གྱིས། །བརྡ་ཙམ་ཡུད་ལ་རྨོངས་འཁྲུགས་ལས་སྤྱོད་ཞིང་། །ཤི་བའི
246a5 ལམ་འགོག་ཤེས་རབ་དཀྱིལ་འཁོར་དུ། །སྐྱེ་བ་གཏན་ནས་སྦྱོང་བའི་ཐུགས་རྗེ་འཆར། །བྱམས་སྡང་མི་མངའ་བཀའ་དྲིན་ཆེན་པོའི་གཏེར། །ཁྲག་འཐུང་སྐུ་གསུང་ཐུགས་ལ་ཕྱག་འཚལ་ལོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས
246a6 བཀའ་དྲིན་དྲན་པའི་གླུ་ཞེས་བྱ་བའི་ལེའུ་ཞེས་བྱ་སྟེ། བཞི་བཅུ་རྩ་བརྒྱད་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོས། གསང་སྔགས་ཀྱི་རྒྱལ་པོ་འདི་བརྟན་ཞིང་མི་འགྱུར་བ་དང་། འཇིག
246a7 རྟེན་གྱི་ཁམས་སུ་གནས་པར་བྱ་བའི་ཆེད་དུ་འབྱུང་པོ་རྣམས་ཀྱི། ཇོ་མོའི་ཡང་ཇོ་མོ། མི་སྲིན་མོ་ཆེན་མོ། མི་སྲིན་མོ་དང་། ཚངས་མ་དང་། འཁྲུག་མོ་དང་། དབང་མོ་དང་། འཇུག་སྲེད་མོ་དང་། གཞོན་ནུ་མ་དང་།
246a8 དམར་མོ་དང་། བདུད་རྩི་མོ་དང་། ཞི་བ་མོ་དང་། བེ་ཅོན་མོ་དང་། སྲིན་མོ་དང་། ཟ་བ་མོ་དང་། དགའ་བ་མོ་དང་། ར་རོ་ཁྲག་འཐུང་མྱོས་དང་། གཅིག་པུ་སྤྱོད་དང་། ཡིད་འཕྲོག་མ་དང་། གྲུབ་མོ་དང་། ཀླུ་མོ་དང་། གསོད་བྱེད་མོ་དང་།
iiif viewer powered by OpenSeadragon
