| e-texts navigator |
| Wylie |
245a1 བའི། །མ་ནོར་ལས་ཆེན་གཅིག་གིས་རབ་ཏུ་འདུལ་འགྱུར་ཞིང་། །དེ་ཡི་བསྔགས་པའི་བཀའ་ལས་འདའ་བར་ངས་མི་ནུས། །ཐུགས་ཀྱི་ཐུགས་རྗེས་ཇི་སྲིད་མ་ནོར་ལམ་ཉིད་ལ། །གསང་བའི་སྙིང་པོ་ངེས་པ་སྒྱུ་འཕྲུལ་མཆོག
245a2 ཉིད་པ། །ང་ཉིད་འདུད་འགྱུར་གཞན་ལྟ་སྨོས་ཅི་དགོས། །དེ་ཉིད་ཐུགས་ལས་སྤྲུལ་པའི་ཐུགས་ཉིད་དོ། །ཧོ་རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་དུ་འདུལ་བར་གྱུར་པ་གནས་དང་། སྙིང་པོ
245a3 དབུལ་བའི་ལེའུ་སྟེ། བཞི་བཅུ་རྩ་བདུན་པའོ།། །། དེ་ནས་བཅོམ་ལྡན་འདས་དགྱེས་པ་ཆེན་པོའི་བདག་ཉིད་དཔལ་ཁྲག་འཐུང་ཆེན་པོའི་སྤྱན་སྔར་དྲེགས་པ་ཆེན་པོ་དང་། དབང་ཕྱུག་ཆེན་པོ་ལ་སོགས་པ་འཇིག
245a4 རྟེན་པའི་ཚོགས་ཀྱིས། དེ་བཞིན་གཤེགས་པའི་བྱིན་གྱི་བརླབས་ཀྱིས་སེམས་འདུན་པ་ཆེན་པོར་གྱུར་ཏེ། ཆེད་དུ་བསྟོད་པའི་གླུ་འདི་མགྲིན་གཅིག་ཏུ་སྨྲས་སོ། །ེ་མའོ་ཡ་མཚན་འཕྲུལ་ཆེན་གྱི། །སངས་རྒྱས་རྡོ་རྗེའི་རང་བཞིན་དཔལ། །
245a5 དུག་དང་བདུད་རྩི་ཁྱད་མེད་པར། །དག་པའི་རང་བཞིན་རྣལ་འབྱོར་ཐུགས། །ཀུན་ཏུ་བཟང་པོ་རྡོ་རྗེའི་སྐུ། །ཡེ་ཤེས་ལྔ་ཡི་ཁྲོ་རྒྱལ་གཙོ། །ཁྲག་འཐུང་འཇིགས་བྱེད་ཧེ་རུ་ཀ་།སངས་རྒྱས་མཐའ་ཡས་འགྲོ་བ་རྒྱ་མཚོ་འདུལ། །ཐུགས་རྗེ
245a6 བསམ་ཡས་ཁྲོ་རྒྱལ་ཀུན་གྱི་གཙོ། །ཁྲག་འཐུང་ཀུན་ལས་ཆེས་འཕགས་ཡིད་བཞིན་མཛོད། །སེར་གནག་མཐིང་གནག་ལྗང་གནག་དམར་གནག་དང་། །སྔོ་གནག་རི་རབ་ལྟ་བུར་བརྗིད་པའི་སྐུ། །བསྐལ་བར་བཅས་པའི་མེ་རིའི་དབུས་གནས་པའི། །
245a7 རོ་ཚོགས་མང་པོའི་དཀྱིལ་ནས་ཞལ་རྔམ་པའི། །བསོད་ནམས་ལུས་བསྡུས་རྡོ་རྗེ་མི་ཟད་པའི། །སྐར་ཚོགས་མང་ལ་ཉི་ཟླའི་འོད་བཞིན་དུ། །ཆེ་བཙན་དྲེགས་པས་འཇིགས་པའི་ཚོགས་ཀུན་འཇོམས། །མཚུངས་མེད་ཆོ་འཕྲུལ་ཁྱད་པར་རབ
245a8 སྟོན་ཅིང་། །འདོད་པའི་དབང་ཕྱུག་གར་གྱི་ཚུལ་དུ་བཞུགས། །ཟ་བྱེད་བརྐམ་པས་ཐུགས་སྐུ་གསུངས་གི་ཞལ། །ཁྲག་མཚོ་མཐའ་མེད་སྐེམས་ཤིང་སྒལ་ཚིགས་འཇོམས། །ཁྲོ་གཉེར་སྙིང་འདྲེན་འཇིགས་བྱེད་གློག་ལྟར་འགྱུ། །
iiif viewer powered by OpenSeadragon
