| e-texts navigator |
| Wylie |
241b1 དེ་ནས་ཐུབ་པ་ཆེན་པོ་བཅོམ་ལྡན་འདས་ཀྱིས་ཀླུའི་ཚོགས་བསམ་གྱིས་མི་ཁྱབ་པ་ལ་རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་ཉིད་དུ་སྣང་བར་གྱུར་ཏོ། །གདུག་པའི་ལས་ཀླུའི་ཚོགས་འདུལ་བར་གྱུར་ནས་སྒྲུབ་པ་ཆེན་པོ་ལ་མོས་པའི་ཆེད་དུ་བརྗོད་པ་འདི
241b2 བརྗོད་དོ། །ཀླུའི་ཚོགས་རིགས་གཉིས་པ་དང་། རིགས་གསུམ་པ་དང་། རིགས་ཐ་དད་པ་དང་། ཕྱོགས་གཉིས་པ་ལས་འཁོར་དུ་བྱས་པ་བསམ་གྱིས་མི་ཁྱབ་པས་ཁེངས་པའི་གནས་སུ་ཉིད་ཀྱི་བསྙེན་པ་ཆེ་ཆུང་ལ་མ་གཏོགས་པ་ཡིད་ལ་དགའ་བ
241b3 ཅི་བྱས་ཀྱང་མི་འགྲུབ་ཅིང་བར་ཆད་བྱེད་པར་འགྱུར་བའི་ཕྱིར་གེགས་བསལ་བ་ལྔ་པ་ཞེས་བྱ་བ་འདི་འཐོན་པར་གྱུར་པ་འདི་ཆེད་དུ་གསུངས་སོ། །སྒྲུབ་ལ་འདུག་པ་མི་གནས་དང་། །ས་གཞི་བདག་ཏུ་དབང་བ་དང་། །སྒྲུབ་པའི་རྫས་རྣམས་ཅི་ཡོད
241b4 པ། །གདུག་པའི་སྦྲུལ་རྣམས་བསལ་བ་དང་། །འཁོར་དུ་གཏོགས་པ་མང་ཉུང་ལ། །གདུག་པས་ཟིན་པར་མི་འགྱུར་ཞིང་། །ལྗོན་པ་ལྕུག་ཕྲན་ལ་སོགས་ལ། །གདུག་པས་གནས་པར་མི་འགྱུར་ཕྱིར། །ལྔ་པ་ཞེས་ནི་རབ་ཏུ་བསྔགས། །
241b5 བདག་གིས་གདུག་པར་མཆོད་པའི་ཕྱིར། །སྒྱུ་འཕྲུལ་དྲ་བའི་ཏིང་འཛིན་ལས། །བདག་ཉིད་གདུག་པའི་མཐིང་གནག་མདོག་།ལག་ན་ཞགས་པ་ཨུཏྤལ་འཛིན། །མགོ་ལ་གདེངས་ཀ་སྦྲུལ་ཆེན་བཅུ། །ཉི་ཤུ་བརྒྱ་འམ་སྟོང་དང་ཁྲི། །
241b6 བསམ་ཡས་དག་གི་སྦྲུལ་ཆེན་པོ། ཁ་དོག་ནག་པོ་ལྕེ་གསུམ་འབར། །གདུག་པ་ཀླུ་ཡི་ཚོགས་མངས་བས། །འཁོར་མང་འཇིགས་བརྗོད་སྐྱི་བུང་བས། །མཆོག་ཏུ་ཕྱག་རྒྱ་འདི་བཅའ་བྱ། །མི་བསྐྱོད་རིན་ཆེན་ཡིག་འབྲུ
241b7 རྣམས། །ཕྲལ་ཏེ་གོ་རན་བྱས་པ་ན། །གདུག་པ་སྦྲུལ་གྱིས་འོག་ཏུ་གདིང་། །ནཱ་ག་པུ་ཀ་ལ་ནཱ་ག་ཕཊ་ཅེས་བརྗོད། །འདི་ལ་གོམས་པར་གང་བརྩོན་པས། །ང་ཡི་ཆ་ལུགས་འདི་བཟུང་ན། །མེ་ལྕེའི་ཚོགས་ལ་ཕུང་པོ་བཞིན། །
241b8 རྒྱལ་པོ་ཆེན་པོའི་རྒྱལ་ཆེན་པོར། །ཀུན་ལ་སྣང་བར་གསལ་གྱུར་ནས། །རང་དབང་མེད་པར་འབྲོས་པ་དང་། །དེ་ལ་བྲན་བཞིན་བྱེད་པར་འགྱུར། །ས་ལ་བདག་ཏུ་བྱ་བ་ནི། །ཐོག་མར་ས་གཞི་རབ་མཉམ་ཏེ། །ོཾ་དང
iiif viewer powered by OpenSeadragon
