| e-texts navigator |
| Wylie |
241a1 ལཱ~ཾ་ནས་དག་གི་དབང་པོར་བསྡུ། །ོཾ་ལས་སངས་རྒྱས་ཙ་ན་ཀ་།སྣོད་གནས་དཀྱིལ་འཁོར་ཁེངས་པར་བསྒོམ། །མིང་དང་སྙིང་པོ་གོམས་པས་དགུག་།མངོན་སུམ་གསལ་བར་གྱུར་པ་ན། །ལྕགས་ཀྱུ་ལ་སོགས་མཚན་པ་ཡི། །རྗེས་སུ
241a2 ཆགས་པའི་མཆོད་པར་བཤམ། །ཡིད་ལ་གོམས་པ་གསལ་བ་ན། །གང་ལ་བྱ་བ་དབང་དུ་འགྱུར། །བློན་པོའི་ས་འཛིན་མཆོད་པར་བཤམ། །ཡིད་ལ་གོམས་པ་གསལ་བ་ན། །གང་ལ་བྱ་བ་ཁ་དང་སྙིང་ག་མཚན། །གོམས་པར་ཛཿཉིད་མདོག
241a3 དམར་བསྒོམ། །དེ་གོམས་གསང་ནས་ཁོང་བསྡུས་ཏེ། །རང་ལུས་མདོག་དམར་ངང་ཚུལ་འཛིན། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་བ~ཾ་དུ་བརྟགས། །དེ་གོམས་གར་གྱི་དཀྱིལ་འཁོར་བསྒོམ། །ཛཿཞེས་རྒྱ
241a4 བཅིངས་དྲང་བྱ་ཞིང་། །གོམས་པར་གསང་གནས་ཞུགས་ཚུལ་དུ། །ལམ་ནས་ངག་གི་མཆོག་ཏུ་བསྡུ། །ཱ~ཾཿནས་སངས་རྒྱས་ཙ་ན་ཀ་།སྣོད་གནས་དཀྱིལ་འཁོར་ཁེངས་པར་བསྒོམ། །མིང་དང་སྙིང་པོ་གོམས་པས་དགུག་།
241a5 མངོན་སུམ་གསལ་བར་གྱུར་པ་ན། །ལྕགས་ཀྱུ་ལ་སོགས་མཚན་པ་ཡི། །རྗེས་སུ་ཆགས་པའི་མཆོད་པར་བཤམ། །དེ་ལ་ལས་སུ་སྩལ་བ་ན། །གང་ལ་བྱ་བ་དབང་དུ་གྱུར། །ལྷ་མོ་ཀླུ་མོ་རིགས་ངན་མོ། །ཡུད་ཙམ་རྟག་པར་འདོད
241a6 སྒྲུབ་རྣམས། །ཏིང་འཛིན་འདི་ཡིས་བྱེད་པར་འགྱུར། །དབང་ཕྱུག་ལྷ་ཆེན་ལྷ་དབང་པོ། །རྒྱལ་ཆེན་ཕྱོགས་སྐྱོང་མང་པོ་ལ། །ཆུང་མ་བུ་མོ་ལ་སོགས་མཚན། །འདོད་སྤྱོད་དབང་བར་བློ་འཆང་རྣམས། །ཏིང་འཛིན་འདི་ཡིས
241a7 བྱེད་པར་འགྱུར། །དེ་ཡི་དགོས་པ་ཐམས་ཅད་པ། །མ་ལུས་ཀུན་རྫོགས་འགྲུབ་པར་འགྱུར། །ཅེས་བརྗོད་པས་འཇིག་རྟེན་དྲུག་གི་ཕྱོགས་བཅུ་ཐམས་ཅད་རབ་ཏུ་གཡོས་ཀུན་དུ་གསལ་བར་གྱུར་ནས་དེ་བཞིན་གཤེགས
241a8 པའི་ལོངས་སྤྱོད་ཆེན་པོ་ཀུན་དུ་སྣང་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་ཉིད་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་དམ་ཚིག་གི་མཆོད་པའི་ལོངས་སྤྱོད་ཅེས་བྱ་བའི་ལེའུ་སྟེ་བཞི་བཅུ་བཞི་པའོ།། །།
iiif viewer powered by OpenSeadragon
