| e-texts navigator |
| Wylie |
238a1 ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་འཐུན་པར་ནི། །བསྒོམས་ནས་བཟླས་དང་མངོན་སུམ་ན། །ཆགས་པའི་ལྕགས་སྒྲོག་མཆོག་གིས་བཅིང་། །ཆགས་པ་ཆེན་པོའི་ཕྱག་རྒྱ
238a2 བཞིས། །རིགས་དང་འཐུན་པ་ཉིད་དུ་བསྒོམ། །ཞི་བ་དབང་དང་དྲག་པོ་རྒྱས། །ཅི་འདོད་པར་ནི་རབ་ཏུ་བསྔགས། །དཔལ་ལྡན་འགྲུབ་པ་སྒྱུ་འཕྲུལ་བ། །དབབ་པར་བྱ་བའི་གཟུགས་བརྙན་ནི། །ལྗོན་པ་མཆོག་དང་འབྲིང་རྣམས་ལ། །སྤྱི་གཙུག
238a3 ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཧཱུ~ཾ་དུ་བརྟགས། །དེ་ནི་ཨེ་ཡི་ཚོགས་ཡིན་ཏེ། །དེ་ཉིད་གོམས་ལས་གསང་མཚན་པ། །མི་ཡི་ཚོགས་ཀྱི་ལྷ་རྣམས་བསྒོམས། །དེ་ཉིད་སྟེང་གི་ལྷ་རྣམས་ཏེ། །བདག་མེད་མཐའ་བྲལ་མི་དམིགས་ལས། །
238a4 དོན་ཡོད་ངང་ཚུལ་དེ་བཟུང་ནས། །དོན་ཡོད་མཆོག་གི་ཙ་ན་ཀ་།ཤེས་རབ་ཡུམ་དང་ལྡན་པར་བསྒོམ། །དེ་ལས་རྒྱ་གྲམ་བྱིན་བརླབས་ཏེ། །པད་མ་གསང་ནས་འཛུལ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །རྒྱ་གྲམ་ཚོན་གྱིས་ཁེངས
238a5 པ་དང་། །སོ་སོའི་སྙིང་པོས་མིང་ཡང་དགུག་།དེ་གོམས་བློ་བདེ་གསལ་སྤྲོ་ཐིམ། །རྡོ་རྗེ་ལ་ལ་རྣམས་ཧཱ~ཾ་བསྒོམ། །སྣོད་གནས་བདེ་ལྡན་ཁེངས་གྱུར་པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །
238a6 རིགས་དང་འཐུན་པ་ཉིད་དུ་བསྒོམ། །བརྟན་པ་ཧཱ~ཾ་གྱི་འཕྲོ་འདུ་ལྟར། །རྣམ་ཤེས་བྱིན་བརླབས་ངང་དུ་བརྟགས། །གཞི་རྩ་མེད་པའི་སེམས་ཉིད་ལས། །གྲུབ་པ་སྒྱུ་འཕྲུལ་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས
238a7 དང་འཐུན་པར་ནི། །བསྒོམས་ནས་བཟླས་དང་མངོན་སུམ་ནི། །དགྱེས་པ་གར་གྱི་གསུང་སྙན་ཅིང་། །རྗེས་སུ་ཆགས་པའི་ཕྱག་རྒྱ་བཞིས། །རིགས་དང་འཐུན་པ་ཉིད་དུ་བསྒོམ། །ཕྱོགས་བཅུ་འགྲོ་དང་དབྲོག་པ་དང་། །ཚེ་བསྟུང་བ་དང་ལས་རྣམས
238a8 དང་། །མངོན་སུམ་ཅི་འདོད་སྨྲ་བའི་མཆོག་།རིགས་ཀྱི་ཡུམ་དང་རྩེན་པར་འགྱུར། །སྲིད་པ་ལས་འཕགས་མྱ་ངན་འདས། །ཏིང་འཛིན་འདི་ཡིས་བྱེད་པར་འགྱུར། །ཞེས་བརྗོད་པས་རྣམ་པར་སྨིན་པའི་ཚོགས་དེ་བཞིན་གཤེགས་པའི་ཆེ་བའི
iiif viewer powered by OpenSeadragon
