| e-texts navigator |
| Wylie |
237a1 བསྒོམས། །སངས་རྒྱས་སྤྱན་གྱི་སྦྱོར་བ་ལས། །རྒྱལ་བ་ཐམས་ཅད་བྱིན་གྱིས་རློབ། །དེ་ཉིད་མཐའ་བྲལ་མི་དམིགས་ལས། །རང་བཞིན་མཆོག་གི་གཟུགས་བཅས་ནས། །སངས་རྒྱས་རྡོ་རྗེ་ཙ་ན་ཀ་།ཤེས་རབ་ཡུམ་དང་ལྡན
237a2 པར་བསྒོམ། །དེ་ལས་རྡོ་རྗེར་བྱིན་བརླབ་ཏེ། །པད་མ་གསང་གནས་འཛུམ་ཐབས་ཡིན། །སྦུབས་ནས་ཞུགས་ལ་དེ་ལུས་དགང་། །དེ་གོམས་བློ་བདེ་གསལ་སྤྲོ་ཐིམ། །རྡོ་རྗེ་རིགས་རྣམས་ཧཱུ~ཾ་དུ་བསྒོམ། །སྣོད་གནས་བདེ་ལྡན་ཁེངས་གྱུར
237a3 པར། །ཡུམ་གྱི་ཚོགས་ཀྱང་གསལ་བར་གནས། །ཕྱག་རྒྱ་སྙིང་པོ་གཟུགས་ལ་སོགས། །རིགས་དང་འཐུན་པར་ཤིན་དུ་བསམ། །བརྟན་པ་ཧཱ་ཡི་འཕྲོ་འདུ་ལྟར། །རྣམ་ཤེས་བྱིན་རླབས་ངང་དུ་བརྟགས། །གཞི་རྩ་མེད་པའི
237a4 སེམས་ཉིད་ལས། །ཡིད་བཞིན་ཡི་གེ་སྤྲིན་ཚོགས་བསྒོམ། །ཕྱག་རྒྱ་གསལ་བ་ཉེ་བསྙེན་པ། །འཕྲོ་འདུ་རིགས་དང་འཐུན་པའི་གྲངས། །སྒོམས་དང་བཟླས་དང་མངོན་སུམ་ན། །ལྕགས་ཀྱུའི་སྟངས་ཀྱིས་བསྐུལ་བར་གསུངས། །
237a5 རྗེས་སུ་ཆགས་པའི་ཕྱག་རྒྱ་ཡིས། །རིགས་དང་འཐུན་པའི་འཕྲོ་འདུ་བསྒོམ། །ཡོན་ཏན་སྐུ་གསུང་ཡིད་བཞིན་གཏེར། །དཔལ་ལྡན་སྒྱུ་འཕྲུལ་མཆོག་ཆེན་མོ། །ཆས་ཤིང་བསྒྲེགས་པའི་གཟུགས་བརྙན་ནི། །ལྗོན་པ་ལྕུག་ཕྲན་ལ
237a6 སོགས་ལ། །དབབ་པ་མཆོག་གི་ལས་བྱ་བ། །སྤྱི་གཙུག་ཁ་དང་སྙིང་ག་མཚན། །འབྲུ་ལྔས་བྱིན་བརླབས་ཨོཾ་དུ་བརྟགས། །དེ་ཉིད་གོམས་ལས་གསང་མཚན་ལ། །ོཾ་གྱི་ཚོགས་ཀྱི་ལྷ་རྣམས་བསྒོམ། །སངས་རྒྱས་མེ་ཡི
237a7 སྦྱོར་བ་ལ། །རྒྱལ་བ་ཐམས་ཅད་བྱིན་གྱིས་རློབས། །དེ་ཉིད་མཐའ་བྲལ་མི་དགྱེས་ལས། །ཡོན་ཏན་གཏེར་གྱི་གཟུགས་བཅས་ན། །སངས་རྒྱས་རིན་ཆེན་ཙ་ན་ཀ་།ཤེས་རབ་ཡུམ་དང་ལྡན་པར་བསྒོམ། །དེ་ལས་རྡོ་རྗེར་བྱིན་བརླབས
237a8 ཏེ། །པད་མ་གསུང་ནས་འཛུམ་ཐབས་ཡིན། །སྦུབས་སུ་ཞུགས་ལ་དེ་ལུས་དགང་། །དེ་གོམས་བློ་བདེ་གསལ་སྤྲོ་ཐིམ། །རིན་ཆེན་རིགས་རྣམས་སྭཱ~ཾ་དུ་བསྒོམ། །སྣོད་གནས་བདེ་ལྡན་ཁེངས་གྱུར་པ། །ཡུམ་གྱི་ཚོགས་ཀྱང
iiif viewer powered by OpenSeadragon
