| e-texts navigator |
| Wylie |
236a1 ནོར་མང་བློན་པོ་ཡིད་མཛངས་ལ། །བློ་རྣོ་སྔ་བས་ལོངས་སྤྱོད་འདུད། །དེ་ཡི་འཁོར་ལ་ལོངས་སྤྱོད་ཅིང་། །གནས་ནི་དགའ་བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །རྒྱས་པས་བདག་གི་གཟུགས་བཟུང་ལ། །
236a2 དལ་བུས་སྭཱ~ཾ་ཞེས་བརྗོད་པ་ཡིས། །བདག་གི་ལུས་ལ་ཆུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་བརྟེན་གྱུར་པ། །ཕྱོགས་བཅུ་གང་བར་གསལ་བར་བསྒོམ། །དེ་ཉིད་ངག་ལ་ལུས་ཁེངས་པར། །ཱ~ཾཿགྱི
236a3 ཚོགས་སུ་ཤིན་དུ་བསྒོམ། །ལུས་ཉིད་ཨཱ~ཾཿགྱི་ཚོགས་ལ་བསྟིམ། །གང་ལ་བྱ་བའི་གཟུགས་བཟུང་ནས། ཁ་དོག་དམར་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཱ~ཾཿཞེས་བྱ་བའི་སྔགས་བཟླས་ནས། །རྒྱལ་མོ
236a4 ཞང་བློན་དབང་ཆེན་དང་། །ཅི་འདོད་ཡིད་བཞིན་དབང་དུ་འགྱུར། །དེ་ཡི་འཁོར་ལ་ལོངས་སྤྱོད་ཅིང་། །གནས་པར་དགའ་བ་བཞིན་དུ་འགྱུར། །དེ་ཡི་གཟུགས་ལས་འབྱུང་འདོད་ན། །དབང་གིས་བདག་གི་གཟུགས་བཟུང་ལ། །དལ་བུས་ཨཱ~ཾཿཞེས
236a5 བརྗོད་པ་ཡིན། །བདག་གི་ལུས་ལ་ཆུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་བརྟན་གྱུར་པ། །ཕྱོགས་ཀུན་གང་བར་གསལ་བར་བསྒོམ། །དེ་ཉིད་ངག་ལམ་ལུས་ཁེངས་པར། །ཧཱ~ཾ་གྱི་ཚོགས་སུ་ཤིན་དུ
236a6 བསྒོམ། །ལུས་ཉིད་ཧཱ་ཡི་ཚོགས་ལ་བསྟམ། །གང་ལ་བྱ་བའི་གཟུགས་བཟུང་ནས། ཁ་དོག་ལྗང་ཁུའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཧཱ~ཾ་ཞེས་བྱ་བའི་སྔགས་བཟླས་ནས། །ལས་ཀྱི་རིགས་ཆེན་གང་འདོད
236a7 གཟུགས། །དམག་མང་མཐུ་དཔུང་གོ་མཚོན་བཟང་། །ཞེ་སྡང་ཅན་རྣམས་འདུལ་བར་འགྱུར། །འདོད་ཆགས་ཅན་རྣམས་འདུ་བ་དང་། །ང་རྒྱལ་ཆེན་པོ་འདུད་པར་འགྱུར། །དེ་ཡི་བསྟན་པ་འཛིན་པར་བྱེད། །དེ་ཡི་འཁོར་ལ་ལོངས་སྤྱོད་ཅིང་། །
236a8 གནས་པར་དགའ་བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །སྙོམས་པས་ཁྲོ་ཡི་གཟུགས་བཟུང་ལ། །དལ་བུས་ཧ~ཾ་ཞེས་བརྗོད་པ་ཡིས། །མི་སྣང་བའི་གཟུགས་སུ་འཆར། །བདག་གི་ལུས་ལ་ཆུད་པར་འགྱུར། །གླིང་ངམ
iiif viewer powered by OpenSeadragon
