| e-texts navigator |
| Wylie |
235b1 ཁམས་དང་འབྱུང་བ་ཉིད་ལ་གནས། །དེ་ཉིད་སྒྱུ་འཕྲུལ་ཐབས་མཁས་པ། །དྲ་བས་མངོན་རྫོགས་སྐུ་གསུང་ཐུགས། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་བརྟེན་གྱུར་པ། །ཕྱོགས་བཅུ་གང་བར་གསལ་བར་བསྒོམ། །
235b2 དེ་ཉིད་ངག་ལམ་ཀུན་ཁེངས་པར། །ཧཱུ~ཾ་གི་ཚོགས་སུ་རྣམ་པར་བསྒོམ། །ལུས་ཉིད་ཧཱ་ཡི་ཚོགས་ལ་བསྟིམ། །གང་ལ་བྱ་བའི་གཟུགས་བཟུང་བས། ཁ་དོག་ནག་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཛཿཞེས་བྱ་བའི
235b3 སྔགས་བཟླས་ནས། །མགྱོགས་སུ་འགྲོ་བར་ལྕགས་ཀྱིས་སྤང་། །དྲི་རྣོ་སྔ་བས་མགྱོགས་པ་དང་། །གང་དུ་བྱ་བ་བྱིན་པར་བྱེད། །དེ་ཡི་ལུས་ལས་འབྱུང་འདོད་ན། །ཞི་བས་བདག་གི་གཟུགས་བཟུང་ལ། །དལ་བུས་ཧཱུ~ཾ་ཞེས་བསྡུས
235b4 པ་ཡིས། །བདག་གི་ལུས་ལ་ཆུད་པར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་བརྟེན་གྱུར་པ། །ཕྱོགས་བཅུ་གང་བར་གསལ་བར་བསྒོམ། །དེ་ཉིད་ངག་ལམ་ལུས་ཁེངས་པར། །ོཾ་གྱི་ཚོགས་སུ་ཤིན་དུ
235b5 བསྒོམ། །ལུས་ཉིད་ཨཿཡི་ཚོགས་ལ་བསྟིམ། །གང་ལ་བྱ་བའི་གཟུགས་བཟུང་ནས། ཁ་དོག་དཀར་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །ཧཱུ~ཾ་ཞེས་བྱ་བའི་སྔགས་བཟླས་ནས། །མང་པོས་བཀུར་བ
235b6 རྒྱལ་ཆེན་པོ། །བློ་རྣོ་ཡིད་མཛངས་བཞིན་བཟངས་དང་། །སྔ་བས་ལོངས་སྤྱོད་འདུ་བ་དང་། །གནས་པར་དགའ་བ་བཞིན་དུ་འགྱུར། །དེ་ཡི་ལུས་ལས་འབྱུང་འདོད་ན། །ཞི་བས་བདག་གིས་གཟུགས་བཟུང་ལ། །ངལ་བུས
235b7 ཨོཾ་ཞེས་བསྡུས་པ་ཡིས། །བདག་གི་ལུས་ལ་གཟུང་བར་འགྱུར། །ཐམས་ཅད་མ་ལུས་ཕྱག་རྒྱ་ཉིད། །ཆོས་སྐུ་མཆོག་གི་བརྟན་གྱུར་པ། །ཕྱོགས་ཀུན་གང་བར་གསལ་བར་བསྒོམ། །དེ་ཉིད་ངག་ལམ་ཀུན་ཁེངས་པར། །
235b8 སྭཱ~ཾ་གྱི་ཚོགས་སུ་རབ་ཏུ་བསྒོམ། །ལུས་ཉིད་སྭཱ~ཾ་གྱི་ཚོགས་ལ་སྟིམ། །གང་ལ་བྱ་བའི་གཟུགས་བཟུང་ནས། ཁ་དོག་སེར་པོའི་ཚོན་ཕྱེ་ཡིས། །དེ་ཡི་སྙིང་ནང་བདག་ཞུགས་ལ། །སྭཱ~ཾ་ཞེས་བྱ་བའི་སྔགས་བཟླས་ནས། །
iiif viewer powered by OpenSeadragon
