| e-texts navigator |
| Wylie |
232b1 དང་པོའི་གནས་སུ་ཤེས་པ་དང་། རྣམ་པ་མང་པོར་མཉམ་དུའོ། །དེ་ལས་མི་སྣང་གཟུགས་ཞི་བ། །རབ་ཏུ་བློ་ཡི་ཐེག་གནས་ནི། །གཞན་དུ་ནམས་ཀྱང་མི་བསྟན་ཅིང་། །གཞོན་དང་སྤྱད་དང་འཚོང་ལ་སོགས། །ལོངས་སྤྱོད་རྣམ་པར་སྦྱོར
232b2 བ་དང་། །རྫས་ཀྱི་ནོར་ཕྱིར་མ་ཡིན་ནོ། །རྨོངས་པ་འཕར་དང་བརྩོན་འགྲུས་ཞན། །ནམས་ཀྱང་སྦྱིན་པར་མ་གསུངས་ཏེ། །སྨད་པ་བམ་གྱི་གཏེར་བཞིན་དུ། །སུས་ཀྱང་ཕྱིན་པར་མ་གསུངས་ལ། །སྲོག་ཆགས་ཁ་ཡི་གཏམ་བཞིན་དུ། །
232b3 ནམས་ཀྱང་སྨྲ་བར་མི་བྱའོ། །བྱེད་པ་རྡོ་རྗེ་གཤའ་ཡི་ཚོགས། །བཞི་བཅུ་རྩ་བཞི་གླིང་བཞིའི་ལམ། །ཀུན་དུ་བཟང་པོའི་ཐབས་ཚུལ་བ། །ཚོམ་བུ་གསུམ་གྱི་ལྷ་རྣམས་བསྒོམ། །ཆོས་ཁམས་བྱ་བ་ཨ་ཡི་ཚོགས། །བཞི་བཅུ་རྩ་གཉིས
232b4 གླེང་སློང་བ། །ཀུན་དུ་བཟང་མོ་ཤེས་རབ་ཚུལ། །གཤའ་ལ་ཡེ་ཤེས་ཐུགས་ཀྱི་ཐུགས། །ཚོམ་བུ་གསུམ་གྱི་ལྷ་རྣམས་བསྒོམ། །དེ་ནི་ཆོས་ཁམས་ཨ་ལ་བསྟིམ། །ཆོས་ཀྱི་ཆོས་བྱ་བ་ཡི་དབྱིངས། །ཀུན་དུ་བཟང་མོ་བདེ་བའི་ཡུམ། །
232b5 དེ་ཡི་ངང་དུ་ཚོགས་ཀུན་བརྟགས། ས་ཆུ་མེ་ཡི་འབྱུང་བ་རྣམས། །དེ་ཡི་དབྱིངས་ནས་འབྱུང་བར་ནི། །འདོད་པའི་བདག་ལ་ཤིན་དུ་བརྟག་།མི་གནས་ནམ་མཁའི་མཐས་ཀླས་པར། །གོམས་པར་འདོད་པ་ཐོད་པ་དང་། །ཆུ་ལས་ས
232b6 བཞིན་འགྲོ་བ་དང་། །བསྲེག་བྱ་འབར་བའི་དབུས་གནས་དང་། །ཚ་བ་རླུང་གིས་བཏེག་ནས་ཀྱང་། །ཕྱོགས་བཅུ་ཀུན་དུ་ཕྱིན་པར་འགྱུར། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་རྡོ་རྗེ་སྙིང་པོ་ལས་ཐམས་ཅད་ཀྱི་ལེའུ་སྟེ་སུམ་བཅུ
232b7 བདུན་པའོ། ། །། དེ་ནས་བཅོམ་ལྡན་འདས་དགྱེས་པ་ཆེན་པོས་གསང་བའི་སྙིང་པོ་འདི་བརྟན་པར་འཛིན་པའི་དོན་ཆེད་དུ་བརྗོད་པ་འདི་བརྗོད་དོ། །དེ་ཉིད་ཆོས་དབྱིངས་མཉམ་སྦྱོར་བས། །སངས་རྒྱས་ཀུན་བདག་བྱིན་གྱིས་བརླབ། །ཀྵ་ལམ
232b8 ཨ་ཡི་ཚོན་བཞིན་དུ། །སྒྱུ་འཕྲུལ་དྲ་བའི་དཀྱིལ་འཁོར་བསྒོམ། །ལུགས་སུ་བླུགས་མི་བཞིན་དུ་ནི། །དེ་ཉིད་ཡིད་ལམ་མཆོག་གྲུབ་པའོ། །དེ་ཉིད་གསལ་བར་མཉམ་སྦྱོར་ལས། །སངས་རྒྱས་ཀུན་བདག་བྱིན་གྱིས་བརླབ། །
iiif viewer powered by OpenSeadragon
