| e-texts navigator |
| Wylie |
232a1 ཆེན་པོ་ནི། །རྡོ་རྗེ་དུག་ཆེན་གང་བ་དང་། །པདྨའི་གཞལ་མེད་རྔེའུ་ཆུང་བརྡུང་། །ཞིང་གི་ཞགས་པས་འཆིང་བ་དང་། ཁ་ཊྭཱ~ཾ་འཕེན་ཅིང་འཁྲིལ་བ་སྟེ། །བཙུན་མོ་འཛིན་པའི་ཚོགས་དང་བཅས། །གནས་དང་ཡུལ་གྱི་ཕྱག་རྒྱ་དང་། །སྒོ
232a2 བཞི་ཕྱག་རྒྱ་རབ་མཛེས་པར། །བྲན་མོའི་ཚོགས་ཆེན་མང་པོ་རྣམས། །འཇིགས་པའི་གཟུགས་ཀྱིས་གནས་པར་བྱེད། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གདུག་པའི་ཚོགས
232a3 བྱིན་གྱིས་རློབ་པ་ཞེས་བྱ་བའི་ལེའུ་སྟེ་སུམ་བཅུ་དྲུག་པའོ། ། །། དེ་ནས་དེ་བཞིན་གཤེགས་པ་ཐམས་ཅད་དགོངས་པ་གཅིག་ཏུ་གྱུར་ནས། དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ། །
232a4 བྱེད་པ་རྡོ་རྗེ་མཆོག་ཉིད་ཀྱི། །སྒྱུ་འཕྲུལ་ལམ་གྱི་དཀྱིལ་འཁོར་ལས། །དྲ་བའི་དཀྱིལ་འཁོར་མངོན་རྫོགས་པར། །འཇུག་པའི་ཡིད་ཀྱི་དགོངས་པ་ཡིན། །ཤིན་དུ་ཕྲ་ལ་སྦྱངས་པ་ནི། །དཀྱིལ་འཁོར་བཞི་བཅུ་གཉིས་ཀྱིས་མཛེས། །
232a5 ཚོམ་བུ་གཉིས་ཀྱི་བྱེ་བྲག་ཏུ། །སྤྲོ་ཞིང་བསྡུ་བ་འང་དེ་བཞིན་ནོ། །ཡིད་དུ་འོང་བའི་ས་གཞིར་ནི། །རྐང་འཐིལ་ཐིག་གདབ་དཀྱིལ་འཁོར་བྲི། །ོཾ་དང་མུ~ཾ་གྱི་དཀྱིལ་འཁོར་བསྒོམ། །དེ་ལས་ཕྲ་མོ་རྡོ་རྗེས་དགང་། །ཕྲ་བར་ས་བསྡུས་འཐིལ་དུ་གཟུང་། །
232a6 ཡུམ་གྱི་ཚོགས་སུ་ཤེས་པས་བརྟགས། །གང་གི་ཡུལ་ཡང་དབང་དུ་འགྱུར། །མི་མཐུན་གཟུགས་སུ་བརྟགས་པ་ནི། །དྲ་བའི་འདུ་འཕྲོས་དེ་ལུས་བཞིན། །ལུགས་ཀ་བཞིན་དུ་ཧ~ཾ་དུ་བརྟག་།དེ་ལས་འོད་བཞིན་འཐིལ་དུ་གཟུང་། །གསང
232a7 ནས་ངག་ལམ་ཧ~ཾ་དུ་བྱ། །རླུང་ཟླའི་སྟེང་དུ་མཁས་པས་གཞག་།དྲག་པོ་ལྕེ་ཡི་སྦྱོར་བ་ཡིས། །གླིང་ཁམས་གཞན་དུ་ཤིན་དུ་གཏང་། །བདག་ཉིད་ཧཱུ~ཾ་གི་ཚོགས་བཅས་པ། །མ་སྐྱེས་པ་ཡི་ཡི་གེ་བསྒོམ། །བྱ་བ་ཆོས་ཁམས་དེ་ཡི
232a8 ཚོགས། །མ+འུ~ཾ་དུ་བྱིན་བརླབས་ཡི་གེར་བསྟིམ། །བརྟན་པ་ཨ་ཡི་འཕྲོ་འདུ་ཡིས། །ནམ་མཁའ་བཞིན་དུ་ཤིན་དུ་བསྒོམ། །བརྟན་འགྱུར་ཨ་ཡི་སྙིང་པོ་བཟླས། །ཉམས་སུ་ལོན་པར་མ་གྱུར་ཚེ། །འཇུག་པའི་ཡིད་དང་ཉམས་སུ་སྦྱོར། །
iiif viewer powered by OpenSeadragon
