| e-texts navigator |
| Wylie |
231a1 པས་ལྷའི་ཚོགས་དང་། །ཀླུའི་ཚོགས་དང་། གནོད་སྦྱིན་ཆེན་པོ་དང་། སྲིན་པོ་དང་། མི་དང་། མི་མ་ཡིན་པ་ཇི་སྙེད་པ་ཐམས་ཅད་རང་དབང་མེད་པར་ཞབས་འདྲིལ་བའི་འོག་ཏུ་གནས་པར་གྱུར་ཏོ། །དེ་ནས་ཡང་ཧ་ཧ་ཨ་པི་ར་ཙ་ཏི
231a2 ཥྛ་ཞེས་བརྗོད་པས་ལ་ལ་ནི་ལུས་ཤིན་དུ་བརྗེས་ཏེ་རི་རབ་ཆེན་པོའི་འོག་ཏུ་གནས་པར་གྱུར་ཏེ། ལ་ལ་ནི་མངོན་སུམ་གཅན་མར་རི་རབ་ཆེན་པོའི་འོག་ཏུ་གནས་པར་གྱུར་ཏོ། །དེ་ནས་ཡང་ས་འཛིན་གྱི་རྒྱལ་པོ་ཞེས་བྱ་བ་གདུག་ཅིང་ཞེ་སྡང་ཆེ་བ
231a3 དད་པ་མེད་ཅིང་རྡོ་རྗེ་ཐེག་པ་དམོད་པ་ཞིག་ཡོངས་ཀྱི་འཇིག་རྟེན་ན་གནས་པར་མཁྱེན་ཏོ། །མཁྱེན་ནས་ཏིང་ངེ་འཛིན་དེ་ལས་བཞེངས་ནས། ཨོཾ་པད་མ་ས་མ་ཡོ་གི་ནི་རུ་ལུ་རུ་ལུ་རུ་ལུ་ཧཱུ~ཾ་ཞེས་བརྗོད་པས་ཀུན་ཏུ་སྐུ་ཆགས་པའི་བདག་ཉིད་དང་།
231a4 ཀུན་དུ་གསུང་ཆགས་པའི་ཆ་ལུགས་དང་། ཀུན་དུ་ཐུགས་ཆགས་པར་གྱུར་པ་དང་། ཀུན་དུ་རིན་པོ་ཆེ་ཆགས་པ་ཆེན་པོ་དང་། ཀུན་དུ་འཕྲིན་ལས་ཆགས་པ་ཆེན་པོར་གྱུར། ཤར་དང་། ལྷོ་དང་། ནུབ་དང་། བྱང་དང་། དབུས
231a5 ཆེན་པོར་ཁྲག་གི་དབའ་ཀློང་ཀེང་རུས་ཆེན་པོའི་རི་རབ་ཆེན་པོ་ན་དུས་ཀུན་དང་དེ་ཉིད་སྣང་བར་གྱུར་ཏོ། །དེ་ཡང་ཀུན་དུ་སྐུ་ལྔ་འཇིགས་པའི་གཟུགས་བསམ་གྱིས་མི་ཁྱབ་པ་དང་། ཀུན་དུ་གསུང་ལྔའི་ང་རོ་བསམ་གྱིས་མི་ཁྱབ་པ་དང་།
231a6 འཇིགས་བྱེད་བསམ་གྱིས་མི་ཁྱབ་པ་དང་། ཀུན་དུ་ཐུགས་ལྔའི་རོལ་པ་དང་། ཞལ་བསམ་གྱིས་མི་ཁྱབ་པས་འཇིགས་པ་དང་། རིགས་ལྔ་ཚོམ་བུ་ཆེན་པོའི་སྟེང་དུ་གནས་པར་གྱུར་ཏོ། །དེ་ལས་མཆོག་གི་སྙིང་པོ་ཆེན་པོ་མཧཱ་རདྣ་ཏི་ལ་ཀའི
231a7 དབུར་གྱུར་ལས་རབ་ཏུ་སྐུ་གསུང་ཐུགས་སྤྲས་པའི་གཞལ་མེད་ཁང་ན་འཇིགས་བྱེད་ཆེན་པའི་ཐེག་ལེ་སྙིང་པོ་ཉིད་དབུ་གསུམ་ཕྱག་དྲུག་ཏུ་གནས་ཏེ་གཉིས་སུ་མེད་པར་བཞུགས་སོ། །དེ་ནས་དེ་ཉིད་དུ་སྐུ་དང་། དབུ་དང་། ཕྱག་དང་། ཞབས
231a8 དང་། འཁོར་སྟོང་ཁམས་ཀྱི་རྡུལ་སྙེད་དུ་འཇིགས་བྱེད་ཆེན་པོ་བསམ་གྱིས་མི་ཁྱབ་པར་ཁེབས་པར་མཐོང་ངོ་། །དེ་ནས་ཡང་བདུད་ཆེན་པོ་ས་འཛིན་གྱི་རྒྱལ་པོས་སྐྱེས་བུ་ཆེན་པོ་ས་འཛིན་གྱི་བདག་པོ་ཐོང་ཐོང་ཇི་དེ་ལྟ་བུ་བྱེད་དམ་ཞེས་པ
iiif viewer powered by OpenSeadragon
