| e-texts navigator |
| Wylie |
229a1 ཡོན་ཏན་ལས་ཀྱི་དགྱེས་པ་ཧོ། །ཕོ་ཉ་འདུ་འཕྲོས་དགྱེས་པ་ཧོ། །ཀུན་ལ་སྣང་བས་དགྱེས་པ་ཧོ། །བྱིན་གྱི་བརླབས་ཀྱིས་དགྱེས་པ་ཧོ། །ཆོས་ཀྱི་སྐུ་ལ་དགྱེས་པ་ཧོ། །ཡེ་ཤེས་རོལ་པ་དགྱེས་པ་ཧོ། །ཅི་ཡང་མིན་པས་དགྱེས་པ་ཧོ། །གནོད་པ་སྤུད་པས
229a2 དགྱེས་པ་ཧོ། །ཆོས་ཀྱི་དབྱིངས་ཉིད་དགྱེས་པ་ཧོ། །དེས་དགྱེས་པ་ཆེན་པོ་ཉིད་ལ་ཉིད་ཤིན་ཏུ་དགྱེས་པར་གྱུར་ཏེ། ཆོས་ཐམས་ཅད་གཅིག་གི་རང་བཞིན་དུ་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་སྟོང་ཕྲག་བརྒྱ་ལས་དགྱེས་པ་ཆེན་པོའི་བྱིན་བརླབས
229a3 དང་ཡོན་ཏན་མཆོག་སྟོན་པའི་ལེའུ་སྟེ་སུམ་བཅུ་གཉིས་པའོ། ། །། དེ་ནས་བཅོམ་ལྡན་འདས་དགྱེས་པ་ཆེན་པོས་འཇིགས་བྱེད་ཀྱི་བསོད་ནམས་སྦྱིན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཆེད་དུ་བརྗོད་པ་འདི་བརྗོད་དོ། །
229a4 འཁོར་ལོ་བར་ཁྱམས་སྒོ་རྣམས་སུ། །འཇིགས་བྱེད་འཁོར་ལོ་རིགས་ཀྱི་གཙོ། །བཙུན་མོའི་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །འཇིགས་པའི་ཚོགས་ཆེན་དེ་དབུས་སུ། །བདག་ཉིད་དྲག་པོ་བཅོས་ཚུལ་དུ། །སྐུ
229a5 གསུང་ཐུགས་ཀྱི་དཀྱིལ་འཁོར་སྒོམ། །འཁོར་ལོ་བར་ཁྱམས་སྒོ་རྣམས་སུ། །འཇིགས་བྱེད་རྡོ་རྗེ་རིགས་ཀྱི་གཙོ། །བཙུན་མོ་འཛིན་པའི་ཚོགས་དང་བཅས། །ཁྲོ་མོའི་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །
229a6 འཇིགས་པའི་ཚོགས་ཆེན་དེ་དབུས་སུ། །ལུས་དང་ངག་ཡིད་བྱིན་བརླབས་ནས། །བདག་ཉིད་དྲག་པོ་བཅོས་ཚུལ་དུ། །སྐུ་གསུང་ཐུགས་ཀྱི་དཀྱིལ་འཁོར་བསྒོམ། །འཁོར་ལོ་བར་ཁྱམས་སྒོ་རྣམས་སུ། །འཇིགས་བྱེད་རིན་ཆེན་རིགས་ཀྱི་གཙོ། །
229a7 བཙུན་མོ་འཛིན་པའི་ཚོགས་དང་བཅས། །ཁྲོ་མོའི་ཚོགས་དང་ལྡན་པར་བསྒོམ། །ཞི་དང་དྲག་པོ་དབང་དང་རྒྱས། །འཇིགས་པའི་ཚོགས་ཆེན་དེ་དབུས་སུ། །ལུས་དང་ངག་ཡིད་བྱིན་བརླབས་ནས། །བདག་ཉིད་དྲག་པོ་བཅོས་ཚུལ་དུ། །
229a8 སྐུ་གསུང་ཐུགས་ཀྱི་དཀྱིལ་འཁོར་སྒོམ། །ཡང་ན་རིགས་དབང་དཀྱིལ་འཁོར་རོ། །འཁོར་ལོ་བར་ཁྱམས་སྒོ་རྣམས་སུ། །འཇིགས་པའི་འཕྲིན་ལས་རིགས་ཀྱི་གཙོ། །བཙུན་མོ་འཛིན་པའི་ཚོགས་དང་བཅས། །ཁྲོ་མོའི་ཚོགས་དང་ལྡན་པར་བསྒོམ། །
iiif viewer powered by OpenSeadragon
