| e-texts navigator |
| Wylie |
228a1 པད་མ་འཁྱིལ་བ་ཉིད་སྐུ་གསུང་། །མཚན་མར་འཛིན་པའི་དངོས་པོ་འཇིག་།ཡེ་ཤེས་ཆེན་པོའི་སྤྱན་དགྲད་ལས། །ཁྲོ་གཉེར་གློག་སྟོང་འགྱུ་བ་ཡི། །མི་ཡི་ཚོགས་ཀྱི་གཞན་ཕུག་གློག་།བདུད་རྩི་ཞིང་དུ་སྦྱོར་བས་ན། །བདུད་རྩི
228a2 མཆོག་གི་ཁྲོ་བོ་ཡིན། །སྐུ་ཉིད་མཉམ་པ་རྫོགས་པ་ལས། །སྣ་ཚོགས་འཆར་བར་རབ་སྟོན་པ། །ཡེ་ཤེས་སྒྱུ་འཕྲུལ་སྟོབས་ཆེན་པོ། །མི་གཡོ་མཆོག་གི་འདུ་འཕྲོ་ལས། །གཤོག་པ་རྡོ་རྗེ་གཏམས་པ་ནི། །ཤེས་རབ་ཚོགས་ལ་འཕྲུལ
228a3 པ་དང་། །ཐུགས་རྗེ་དྲ་བའི་བྱིན་བརླབས་ཀྱིས། །འཁོར་ཡུག་ཇི་སྙེད་མཐའ་ཀླས་པ། །དབྱིངས་ཉིད་བདེ་ལ་སྐྱོད་པ་སྟེ། །འཕྲོས་ནས་དབང་དུ་བྱེད་པའི་དོན། །རྟ་ཡི་གར་ཐབས་རྫུ་འཕྲུལ་གྱིས། །གཅིག་ཀྱང་ཡལ་བ་མ་ཡིན་པའོ། །ཆོས
228a4 དབྱིངས་མཉམ་དང་མི་མཉམ་པའི། །སྒྱུ་འཕྲུལ་དཀྱིལ་འཁོར་མཐས་ཀླས་པར། །རྩེད་མོ་མཆོག་གི་ཕྱག་རྒྱ་ནི། །བརྐྱང་དང་བསྐུམ་པ་ཞབས་ཚུལ་ཏེ། །ཐབས་དང་ཤེས་རབ་རོལ་པའི་དོན། །རབ་དབང་ཐབས་ཆེན་རྒྱལ་པོ་ཡིས། །
228a5 སངས་རྒྱས་ཀུན་གྱི་སྐུ་གསུང་བ། །ཐིག་ལེ་མཆོག་གི་གནས་ལ་རྫོགས། །དབང་ཕྱུག་ལྷ་ཆེན་ལ་སོགས་ལ། །ཟིལ་གནོན་ཁྲོས་པའི་ཕྱག་མཚན་པ། །སྣ་ཚོགས་མཚོན་རྣོན་མང་པོ་བསྣམས། །ང་རྒྱལ་གདུག་པའི་ཞེ་སྡང
228a6 གཅོད། །གཏི་མུག་ཆོས་སྐུ་སྒྱུ་འཕྲུལ་བ། །དྲ་བའི་ཐུགས་རྗེ་མཐའ་དག་ནི། །ཁྲོས་པའི་དམ་ཚིག་སྙིང་དེ་ཡིས། །མཉམ་པའི་ཐིག་ལེར་དགོད་པ་ནི། །གཤིན་རྗེ་གཤེད་པོར་གདུག་པའི་རྒྱལ། །གདུག་པའི་ཚོགས་རྣམས
228a7 མཆོག་སྒྲོལ་བདེན། །འགྲོ་ལ་མགོན་དུ་གྱུར་པས་ན། །དུག་དང་བདུད་རྩི་ཁྱད་མེད་པའི། །ཆོས་སྐུ་གདུག་པས་བརྒྱན་པའི་སྤྲུལ། །དབང་རྟགས་ཡེ་ཤེས་རྒྱན་དུ་བཞག་།དུར་ཁྲོད་རྫས་དང་ཁྲག་འཐུང་བའི། །གཡང་གཞི
228a8 སྟག་གི་ལྤགས་ཆེན་བགོས། །འཇིགས་བྱེད་སྙིང་རྗེའི་དམ་ཚིག་ནི། །སྐྱེ་ཤི་རྩ་བ་གཅོད་མཛད་པ། །མི་གཡོ་མགོན་ཞེས་མཆོག་ཏུ་བསྒྲགས། །ང་རྒྱལ་ལག་གིས་འདུ་བྱེད་པ། །ང་རྒྱལ་འཕྲོག་པའི་དམ་ཚིག་སྟེ། །ཀུན་དུ
iiif viewer powered by OpenSeadragon
