| e-texts navigator |
| Wylie |
227b1 སྒྱུ་འཕྲུལ་དྲ་བས་མངོན་རྫོགས་པ། །སྙིང་རྗེ་ཆགས་པའི་དམ་ཚིག་གིས། །ང་རྒྱལ་ཉིད་ཀྱི་སྐུ་ཆེན་བསྟན། །གདུག་ཅིང་གཏུམ་པའི་ཁམས་གསུམ་ན། །འདུལ་བའི་ཞིང་དུ་རབ་སྦྱོང་ཞིང་། །ཕྲིན་ལས་རྣམ་བཞི་རྫོགས་པར་མཛད། །
227b2 ཡེ་ཤེས་ངོ་མཚར་ཚམ་ངམ་གྱིས། །ཆོས་བཞི་རྣམ་དག་ཆེ་བའི་ལྷ། །ཡེ་ཤེས་སྐུ་སྟེ་ཁྱད་པར་ཆེ། །ཆགས་པའི་ཚོགས་ཀྱིས་མཚན་མ་ནི། །འདོད་ཆགས་ཆེན་པོ་ཉིད་ཀྱི་སྐུ། །གཏུམ་ངམ་གདུག་པས་མཚན་པས་ན། །ཞེ་སྡང་ཆེན་པོ་ཉིད
227b3 ཀྱི་སྐུ། །འདུལ་བྱ་ཞིང་དུ་རབ་སྦྱོར་ཞིང་། །ཆོས་ཉིད་མཉམ་ལས་བཞེངས་པས་ན། །གཏི་མུག་ཆེན་པོ་ཉིད་ཀྱི་སྐུ། །སྣོད་བཅུད་དག་པའི་སྤྱོད་ཡུལ་བ། །ཐུགས་སྐུ་གསུང་ལས་འཕྲོས་པ་དང་། །རྒྱལ་བ་ང་ཡིས་མཚན་པས་ན། །ང་རྒྱལ་ཆེན་པོ་ཉིད་ཀྱི་སྐུ། །
227b4 གསང་བའི་སྙིང་པོ་བཞི་བཅུ་གཉིས། །ཐིག་ལེ་ཐུགས་སུ་བསྡུས་པ་ཉིད། །གཞན་དུ་མི་གཏོང་མཚན་པས་ན། །དེ་ཉིད་ཕྲག་དོག་ཉིད་སྐུ་རྫོགས། །སྟོང་གསུམ་སྟོང་གི་སྟོང་ཆེན་པོ། །འཇིག་རྟེན་ཁམས་མང་སྣ་ཚོགས་པ། །རྡུལ་དང་བྱེ་བ་ལ་སོགས་པའི། །
227b5 བགྲང་བ་ལས་ནི་རབ་འདས་མཚན། །དེ་ཉིད་སྣང་ཞིང་སྲིད་པ་ཉིད། །འཇིགས་བྱེད་སྐུ་གསུང་ཐུགས་ཀྱི་དབྱིངས། །ཆོས་སྐུ་ཡེ་ཤེས་རང་བཞིན་ལ། །སྒྱུ་འཕྲུལ་དྲ་བའི་ཐིག་ལེ་མཆོག་།སྙིང་པོ་ཐིག་ལེ་བསམ་ཡས་ཉིད། །འཇིགས་བྱེད་དབུ་དགུ་བཅཝ
227b6 བརྒྱད་ཕྱག་། སྒྱུ་མས་མཚན་པའི་དྲ་བ་ཡིན། །དེ་ཉིད་ཚོགས་དང་དཀྱིལ་འཁོར་སྔགས། །གཅིག་ལ་གསུམ་དུ་མཆོག་ཏུ་སྔགས། །ཡུལ་དང་འབྱུང་བ་དེ་ཉིད་དོ། །བདག་རིག་གཞན་དོན་སྙིང་པོ་ཉིད། །ཐབས་དང་ཤེས་རབ་ཕྱག་མཚན་པ། །
227b7 གཉིས་མེད་རིག་པའི་ཡེ་ཤེས་ཆེ། །མིང་དང་གཟུགས་དང་དབུར་གྱུར་པ། །ཕྱག་དང་ཞབས་སུ་རྣམ་པར་བརྟགས། །བརྟགས་པ་ལས་ནི་འཕྲོས་པའི་སྐུ། །ཅི་ཡང་མེད་ལས་ཅིར་ཡང་སྣང་། །སྐལ་བཟངས་མཆོག་གི་སྒྱུ་འཕྲུལ་པ། །
227b8 དྲ་བའི་དཀྱིལ་འཁོར་རབ་ཏུ་རྫོགས། །བརྟགས་པ་ཟིལ་གནོན་ཆོས་ཉིད་སྤྱན། །སྤྱན་ནི་ཆོས་ཉིད་མཉམ་པ་ཉིད། །ཇི་བཞིན་དབྱིངས་ཀྱི་ཡུལ་ལ་སྦྱོར། །རོལ་བའི་རྩེད་མོར་སྡང་མིག་པ། །གཞན་དུ་མི་གཟིགས་ཡུལ་ལ་གཟིགས། །
iiif viewer powered by OpenSeadragon
