| e-texts navigator |
| Wylie |
227a1 འབྱུང་ཀུན་དུ་གསལ། །ཧོ། ཆོས་རྣམས་ཇི་སྙེད་འགྲོ་དྲུག་སྨིན་བྱེད་བརྗོད་མི་ལང་། །དུས་མཐའ་རྨོངས་ལ་གནས་པ་བརྗོད་མི་ལང་། །འདོད་པས་ཞེན་པའི་ལས་ཀྱང་ཇི་སྙེད་ཇི་སྲིད་པར། །དྲག་པོ་བརྔོ་བའི་རླུང་ཆེན
227a2 བསམ་མི་ཁྱབ། །བདེ་བར་བཅས་པ་གཞན་དུ་མེད་པར་བརྗོད་མི་ལང་། །བསྐལ་བར་བསགས་པའི་དུག་ཆེན་རབ་རྟོག་ཀུན་དུ་རྟོག་།དེ་རྣམས་ཟིལ་གནོན་ཁྲག་འཐུང་སྐུ་གསུང་འཇིགས་བྱེད་པར། །རྐྱེན་དུ་བཅས་ནས་སྦུ་བུས
227a3 འབྲས་བུ་སྨིན་པ་རབ་སྨིན་ལྟར། །དགྱེས་པ་ཆེན་པོ་བཅོམ་ལྡན་འདས་ནི་མང་པོའི་ཚོགས། །དཔག་མེད་བསམ་ཡས་ལྷུན་གྲུབ་པས། །རབ་ཏུ་འདུལ་བར་ཤིན་དུ་གསལ། །ཧོ། །ཁྲོ་བོའི་རང་བཞིན་གདུག་པར་འཇིགས་པ་མ་ཡིན
227a4 ཞིང་། །ཞི་བ་མཛེས་པ་ཀུན་གྱི་ཡིད་དང་འཐད་པར་གནས་རྒྱུད་ཡོད་མ་ཡིན། །དེ་ཉིད་གཉིས་སུ་མིན་པའི་ཆོ་འཕྲུལ་བསམ་ཡས་ཐམས་ཅད་ཀུན་ཏུ་ཁྱབ། །རིགས་ལྔ་ཁྲག་འཐུང་འཇིགས་པའི་རོལ་པ་རྡུལ་སྙེད་རབ་སྟོན
227a5 པའི། །རྣམ་དག་བྱང་ཆུབ་མཆོག་གི་དབྱིངས་ཏེ་གསང་བའི་སྙིང་པོར་རབ་བསྟན་ངེས་པ་ཉིད་དེ་ཤིན་ཏུ་གནས་པར་གསལ། །ཧོ། རྡོ་རྗེ་གསང་བའི་ཚིག་ཏུའོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཁྲོ་བོའི་དཀྱིལ
227a6 འཁོར་བསྟན་པའི་ལེའུ་སྟེ་སུམ་བཅུ་གཅིག་པའོ། ། །། དེ་ནས་བཅོམ་ལྡན་འདས་དགྱེས་པ་ཆེན་པོས་ཉིད་ཀྱི་བྱིན་བརླབས་དང་ཡོན་ཏན་སྟོན་པ་ཞེས་བྱ་བ
227a7 འདི་ཆེད་དུ་བརྗོད་པ་འདི་བརྗོད་དོ། །ོཾ་སངས་རྒྱས་རྣལ་འབྱོར་ཆེན་པོ་ནི། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་སྙིང་པོའི་མཆོག་ཉིད་དེ། །སངས་རྒྱས་ཀུན་དུ་བཟང་པོ་ཉིད། །འདི་ཡིན་གཞན་ན་མེད་པ་སྟེ། །
227a8 རོལ་པ་ཀུན་ལ་མངའ་བརྙེས་ཤིང་། །སྲིད་པ་འཇིག་རྟེན་ཐམས་ཅད་ཀུན། །སངས་རྒྱས་ཉིད་དེ་དུས་གསུམ་དུ། །མ་གཡོས་ལྷུན་གནས་སྙིང་པོ་སྟེ། །རང་བཞིན་ཆེ་བའི་ཡོན་ཏན་ལས། །མ་རྟོགས་རྨོངས་པའི་འགྲོ་བ་ལ། །
iiif viewer powered by OpenSeadragon
