| e-texts navigator |
| Wylie |
224a1 བརྒྱ་ཞབས་བརྒྱད་བརྒྱ། སྐུ་འབར་བ་ཆེན་པོའི་དཀྱིལ་ན་བཞུགས་པར་མཐོང་ངོ་། །དེའི་དུས་སུ་འཇིག་རྟེན་དྲུག་གི་ཕྱོགས་བཅུའི་སྲིད་པ་ཀུན་དུ་དྲེགས་པའི་དབང་ཕྱུག་ཐམས་ཅད་འདུལ་བ་ཐབས་སྣ་ཚོགས་བསམ་གྱིས
224a2 མི་ཁྱབ་པར་སོ་སོར་སྣང་བས་དུས་གཅིག་ཏུ་བཏུལ་ཏོ། །དེ་ནས་དེ་དག་ཤིན་དུ་འདར་ཞིང་བྲེད་པས་རབ་ཏུ་ཞུམ་པའི་ང་རོས་འབངས་སུ་མཆི་འབངས་སུ་མཆི། འབངས་སུ་ནན་ཏན་མ་བགྱིས་ན། །མགོ་དང་ལུས་ནི་བརྒྱར་འགས་ཤིང་། །
224a3 སྙིང་ཡང་འགས་ཤིང་གཏུབས་གྱུར་ཅིག་།རུལ་མྱགས་ཚིག་ནས་བརླབ་པ་དང་། །དམྱལ་བར་ལྷུང་ནས་འབོད་པར་ཤོག་ཅེས་འབངས་སུ་མཆི་བར་མནའ་བོར་ནས་དཀྱིལ་འཁོར་གྱི་གདན་ལ་བཞག་གོ་།
224a4 ཐམས་ཅད་ཀྱིས་མགྲིན་གཅིག་ཏུ་ཡང་སྨྲས་པ། བདག་ཅག་རྣམས་ཀྱིས་མཆིས་བྲང་དང་། །མ་དང་སྲིང་མོ་བུ་མོ་རྣམས། །དཀྱིལ་འཁོར་ཆེན་པོར་བཞེས་སུ་གསོལ། །དཔའ་བོ་ལྷ་རྗེ་བཞེས་སུ་གསོལ། །བདག་ཅག
224a5 སོ་སོའི་འཁོར་བཅས་ཀྱིས། །ཚོགས་ཀྱི་དཀྱིལ་འཁོར་ཆེན་པོ་འདིར། །མིང་ཙམ་འཛིན་པར་བྱེད་པ་ཡང་། །གཙུག་གི་ནོར་བུ་འབར་བ་ལྟར། །གཡོ་སྒྱུ་མེད་ཅིང་གུས་ལྡན་པའི། །སེམས་ཀྱིས་བླངས་ནས་སྤྱི་བོའི། །
224a6 གཙུག་ཏུ་བཞག་སྟེ་བཀུར་བར་བགྱི། །དེ་ཡི་དགོས་པ་ཅི་ཡང་རུང་། །མ་ལུས་རྫོགས་པར་བདག་ཅག་སྒྲུབ། །གལ་ཏེ་དཔའ་བོའི་སྤྱན་སྔ་འདིར། །སྨྲས་པ་བཞིན་དུ་མ་བསྒྲུབས་ན། །བདག་ཅག་རྣམས་ཀྱི་མགོ་ལུས
224a7 སྙིང་། །གས་གཏུབས་དུམ་བུར་རུལ་པར་མཆི་ཞེས་སྨྲས་སོ། །དེ་ནས་དེའི་ཆུང་མའི་ཚོགས་དང་སྲིང་མོ་དང་བུ་མོའི་ཚོགས་ཐམས་ཅད་ཡུད་ཙམ་གྱིས་འོངས་ནས་ཐམས་ཅད་ཀྱིས་མགྲིན་ཅིག་ཏུ་སྨྲས་པ། བདག་ཅག་འཁོར
224a8 ཚོགས་ཐམས་ཅད་ཀུན། །དཔའ་བོ་ཆེན་པོའི་འབངས་སུ་མཆི། །དཔའ་བོ་ཆེན་པོས་བདག་ཅག་རྣམས། །ལས་ཀྱི་དངོས་གྲུབ་སྩལ་དུ་སྩོལ་ཞེས་སྨྲས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོས་ལག་ཏུ་རྡོ་རྗེ
iiif viewer powered by OpenSeadragon
