| e-texts navigator |
| Wylie |
216a1 མྱུར་བར་ལེན་པའི་ཐབས་འདི་གསུངས་སོ། །དེ་བཞིན་ཉིད་དང་མཉམ་སྦྱོར་ཕྱིར། །དམ་པའི་དོན་གྱིས་བསྒོམ་པར་བྱ། །བྱང་ཆུབ་ཕྱོགས་ལ་གཟུང་བར་གནས། །མཆོག་ཏུ་བདེ་བའི་ཞིང་གནས་པས། །མཉམ་རྫོགས་ཆེན་པོ་ལྷུན་བསྒོམ
216a2 ཞིང་། །བྱང་ཆུབ་སེམས་སུ་བརྟན་པར་གཟུང་། །བྱ་བ་མེད་ལས་བྱ་བྱེད་བྱ། །མི་གནས་གནས་ལ་གནས་པར་བསྒོམ། །བྷ་གའི་དཀྱིལ་དུ་ལིང་ག་ཨ། །ཤིན་དུ་འཚེར་ཞིང་གསལ་བསྒོམས་ནས། །འོད་འཕྲོ་འབར་བས་ཐམས་ཅད་ཁྱབ། །
216a3 དུས་གསུམ་ངན་སོང་གནས་བསྲེགས་ནས། །བྷ་གའི་དཀྱིལ་དུ་འོད་འཕྲོ་ཐིམ། །ཐིམ་གྱུར་དབྱིངས་ནས་འོད་འཕྲོ་འབར། ། མ་ལས་ནི་ཟླ་ཉི་འབར། །ཕྱོགས་བཅུར་འཐོམས་པའི་མུན་སེལ་ཞིང་། །ཉོན་མོངས་སྡུག་བསྔལ་བསིལ་བའི
216a4 སྨན། །ཐུགས་རྗེའི་བྱིན་བརླབས་བསམ་མི་ཁྱབ། །རོལ་པའི་ཕྱག་རྒྱ་བསམ་མི་ཁྱབ། །མཁའ་ལ་འཇའ་ཚོན་སྤྲིན་མང་ཡང་། །ནམ་མཁའི་དབྱིངས་སུ་ཐམས་ཅད་བསྡུས། །ཐམས་ཅད་མཁྱེན་ཉིད་བསམ་ཡས་ཀྱང་། །ཆོས་ཀྱི
216a5 དབྱིངས་སུ་ཐམས་ཅད་འདུས། །ཐམས་ཅད་ཡི་གེ་ཧཱུ~ཾ་དུ་གྱུར། །ཧཱུ~ཾ་ཉིད་གསང་བའི་ཐུགས་རྗེའི་དཀྱིལ། །འོད་ཟེར་འཕྲོས་པས་འབྲུ་གསུམ་སྟེ། །ཡང་ན་འོད་ཟེར་འབྲུ་ལྔ་ཡི། །ལྔ་པའི་དོན་སྤྲོས་བཞི་བཅུ་ལྔའི། །གཞན་ཡང་དཀྱིལ་འཁོར
216a6 བསམ་ཡས་མཆོག་། མ་བཅོས་ངང་གིས་གནས་པ་ལ། །ཡེ་ཤེས་ལྷག་པའི་དཀྱིལ་འཁོར་བསྒོམ། །སེན་ཟླུམ་ཟླ་བ་གང་བ་ཡི། །ཐུགས་ཀྱི་དཀྱིལ་དུ་གནས་པར་བྱ། །ཉི་མའི་དཀྱིལ་འཁོར་གང་བ་ཡི། །གཞལ་ཡས་འོད་ཟེར
216a7 འབར་བའི་ཁང་། །པད་མའི་གདན་དང་རིན་པོ་ཆེ། །དེ་དཀྱིལ་ཡི་གེ་ཧཱུ~ཾ་གནས་པ། །ཤིན་དུ་ཕྲ་ཞིང་ཡུངས་འབྲུ་འབར། །གནས་གཅིག་དང་ནི་གནས་གསུམ་དང་། །གནས་ལྔ་དག་ཏུ་རབ་ཏུ་བསྒོམ། །ཤེས་རབ་སྤྱིན་ལ་འདྲིས་པ་དང་། །
216a8 ནརྀ་ཡི་མིག་གིས་བལྟར་ཡོད་པར། །ཤིན་དུ་ཕྲ་ཞིང་གསལ་བར་བསྒོམ། །ཤིན་དུ་བློ་གསལ་འདྲིས་གྱུར་ནས། །ཕྱོགས་བཅུའི་སྟོང་ཁམས་རྡུལ་སྙེད་དུ། །ཐུགས་རྗེའི་བྱིན་བརླབས་བསམ་ཡས་སྤྲོ། །སྤྲོས་ཀྱང་ཧཱུ~ཾ་ལས་ཉམས་པ
iiif viewer powered by OpenSeadragon
