| e-texts navigator |
| Wylie |
215b1 ལས་རྣམས་མ་ལུས་ཀུན་བྱོས་ཤིག་།ཕོ་ཉ་འདུ་འཕྲོ་མང་པོ་ཀུན། །ཁྱོད་ཀྱི་དགོས་པ་བྱེད་པ་ཡིན། །སྨྲ་བྱེད་འཁོར་ལོའི་གཞལ་ཡས་སུ། །གསང་བའི་ཐིག་ལེ་ངོ་བོ་ཉིད། །ཧྲིཿཡི་ཕྱག་རྒྱ་ཚོགས་མཆོག་ལས། །ཆོས་ཀྱི་འཁོར་ལོ་གསལ་སྤྲོ་ཐིམ། །
215b2 ཨོཾ། ཆོས་ཀྱི་བདུད་རྩི་བླ་མེད་ཀྱིས། །དད་ལྡན་སྐྱེས་བུ་ངོམས་པར་བྱོས། །རབ་འབྲིང་ཐ་མའི་བློ་ཅན་ལ། །འཐུན་པར་གསང་བསྒྲགས་གཞན་དུ་མིན། །བསྐྱོད་ཆེན་འཁོར་ལོའི་གཞལ་ཡས་སུ། །གསལ་བའི་ཐིག་ལེའི་ངོ་བོ་ཉིད། །ཧཱུ~ཾ་ཨོཾ་སྭ~ཾ་ཨ~ཾ་ཧ~ཾ
215b3 རྣམས་ལས། །དཀྱིལ་འཁོར་ལྔ་དང་ཁྲོ་ཕྲེང་བསྒོམ། །ཕྱོགས་བཅུ་དུས་བཞི་ཐམས་ཅད་ཀྱིས། །སྐུ་གསུང་ཐུགས་ཀྱི་རྡོ་རྗེ་ཆེ། །དཀྱིལ་འཁོར་ཀུན་གྱི་བྱེད་པ་པོ། །དཀྱིལ་འཁོར་ཀུན་གྱི་སྦྱིན་པ་སྤྱོད། །སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ
215b4 བྱས་པར། །ཉན་པ་ལ་སོགས་རྩོམ་པ་རྣམས། །འབྲས་བུ་མེད་ཅིང་བརླག་པར་འགྱུར། །དབུ་རྒྱན་ཅོད་པན་ཕྲེང་བ་དང་། །གོ་ཆ་རྒྱལ་མཚན་ཕྱག་རྒྱ་དང་། །གདུགས་དང་བུམ་པ་བཟའ་བཏུང་དང་། །སྙིང་པོ་ལྔ་ཡིས་དབང་བསྐུར་ན། །དུས་འདི་ཕན
215b5 ཆད་རྒྱལ་བའི་སྲས། །ངན་སོང་ཐམས་ཅད་མེད་པ་དང་། །གཉེན་པོར་གྱུར་པའི་རྩལ་འཆང་བས། །ཚེ་རིང་བདེ་བ་ཕུན་སུམ་ཚོགས། །ཀུན་དུ་བཟང་པོ་ལ་སོགས་མཚན། །མཐོ་རིས་ཐར་པའི་དབང་པོར་འགྱུར། །ལུས་དང་ཕུང་པོར་བཅས
215b6 པའི་ས། །རིག་འཛིན་ས་ལ་གནས་པ་ཡིན། །རིག་འཛིན་ས་ལ་གནས་པའི་ས། །བླ་མེད་ཀུན་ཏུ་བཟང་པོར་འགྱུར། །ཡུམ་དང་སྒེག་མོ་ལ་སོགས་ལ། །དེ་ཉིད་བྱིན་གྱིས་རློབ་པར་འགྱུར། །ཕོ་ཉ་འདུ་འཕྲོ་མང་པོ་རྣམས། །སངས
215b7 རྒྱས་བཀའ་ལས་མི་འདའ་ཞིང་། །དེ་ཡི་དགོས་པ་བྱེད་པ་དང་། །སྒྲོ་དང་སྐུར་པ་ལ་སོགས་པ། །དེ་ནི་མྱུར་དུ་རླག་པར་འགྱུར། །ཚེ་རིང་བདེ་བ་ཕུན་སུམ་ཚོགས། །མཐོ་རིས་ཐར་པའི་བདག་པོར་འགྱུར། །ཞེས་ཆེད་དུ་བརྗོད་དོ། །
215b8 གསང་བའི་སྙིང་པོ་དེ་ཁོ་ན་ཉིད་ངེས་པ་ལས་དབང་སྦྱིན་པའི་ལེའུ་སྟེ་ཉི་ཤུ་གཅིག་པའོ།། །། དེ་ནས་དེ་བཞིན་གཤེགས་པ་དགྱེས་པ་ཆེན་པོ་མཉམ་པ་ཉིད་ལ་བཞུགས་ནས་ལྷག་པའི་ཏིང་ངེ་འཛིན་གྱིས་དངོས་གྲུབ
iiif viewer powered by OpenSeadragon
