| e-texts navigator |
| Wylie |
212b1 རྒྱས་དཀྱིལ་འཁོར་སྣ་ཚོགས་བསྒོམ། །མ་མཐོང་རྨོངས་པ་སྟོན་ཕྱིར་ཚོན། ཁ་དོག་ཉི་ཤུ་རྩ་ལྔའམ་ལྔ་ཡི་ཚོན་གྱིས་བྲི་བར་བྱ། །འདུལ་བའི་ཆོ་ག་བཞིན་དུ་དགྱེ། །ཏིང་འཛིན་རོལ་མོ་མཐའ་ཡས་མཆོག་།ཡི་གེ་འམ་གདན་ནམ་སྙིང་པོ་འམ། །
212b2 ཕྱག་རྒྱ་འམ་སྐུ་གསུང་ཐུགས་ལྡན་པར། །བྱིན་བརླབས་ཡ་མཚན་རྨད་པོ་ཆེ། །འགྲུབ་འགྱུར་སངས་རྒྱས་ཀུན་གྱི་དམ། །ས་ལ་སོགས་པ་ཕྱག་རྒྱར་བྱས། །རྣམ་གྲོལ་རིམ་པར་ཐོབ་པར་འགྱུར། །དག་པའི་ཡེ་ཤེས་ཀྱིས་བྱས་པ། །སྨོས་ཅི
212b3 དགོས་ཏེ་དེ་ཉིད་ཡིན། །ཕྱོགས་དུས་དཀྱིལ་འཁོར་བདག་ཉིད་ཆེ། །མི་དམིགས་ཐུགས་ཀྱི་དཀྱིལ་འཁོར་ལས། །དཀྱིལ་འཁོར་ཐམས་ཅད་སྤྱན་དྲང་ངོ་། །རང་སྣང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བ། །ཕྱོགས
212b4 དུས་ཀུན་ནས་གཤེགས་པ་ཡི། །སྐུ་གསུང་ཐུགས་ཀྱི་ཡེ་ཤེས་ནི། །ཀུན་དུ་བཟང་མོ་མི་བསྙེངས་ཡིན། །ཀུན་དུ་བཟང་མོར་དེ་གནས་པར། །ཡེ་ཤེས་དྲིལ་བུ་བསིལ་ཞིང་སྤྲོ། །ེ་མ་འོ་སངས་རྒྱས་ཡུམ་ཆེན་གྱིས། །ཉིད་ཀྱི་མཚན་དུ་གསོལ་བ་ནི། །
212b5 ཅིས་ཀྱང་མི་ཤིགས་མི་ཕྱེད་ལ། །ཅིས་ཀྱང་མ་གཡོས་མ་འདྲེས་པ། །བདེ་ཆེན་ཡུམ་དུ་གྱུར་བས་ན། །ཀུན་ཀྱང་ཕྱག་རྒྱ་ཡུམ་ལྔས་བཏབ། །མུ~ཾ། ཀུན་དུ་བཟང་མོའི་ཐུགས་ཉིད་ལས། །རྡོ་རྗེ་ཡུམ་ཆེན་ཐམས་ཅད་ཀྱི། །རང་གི་རྟགས་སུ་བསྟན
212b6 པའི་ཕྱིར། །མི་ཕྱེད་དྲིལ་བུ་འཆང་ཞེས་བྱ། །མཱུ~ཾ་ཇི་ལྟར་རྒྱལ་པོའི་གནས་བཤམས་ཏེ། །རྒྱལ་པོས་གཙིགས་ཆེན་འགྱེད་པ་ལྟར། །བདེ་ཆེན་ཡུམ་དུ་གནས་པ་དང་། །དབང་ཆེན་དུས་ལ་བརྩོན་པ་ཡིས། །ཐམས་ཅད་ཀུན་ལ་དེ་ལྟར་འདེབས། །
212b7 འདའ་དཀའ་ཇི་བཞིན་མི་ཤིགས་པས། །རྒྱལ་པོ་ཕྱག་རྒྱ་མཆོག་གི་གནས། །བདག་ཉིད་ཡུམ་ཆེན་མཚན་མའི་གཟུགས། །ཕྱག་རྒྱ་ཞེས་ནི་བསྒྲགས་པ་ཡིན། །ཉིད་ཀྱི་ལུས་ནི་བརྟན་ཕྱིར་རོ། །མ+འུ~ཾ་དྲིལ་བུ་དྲིལ་བུ་གྲགས་སྙན་དང་། །
212b8 ཡུམ་ཉིད་ཆེ་བའི་བདག་ཉིད་དང་། །འདུལ་བ་ཐབས་ཀྱི་རྒྱལ་མོ་ཡིས། །ཕྱེ་ཞིང་བཤིག་དང་བཅོམ་ལ་སོགས། །དཀྲུགས་ཤིང་ཐལ་བ་རྡུལ་ཕྲན་བཞིན། །བཙན་ཞིང་འབར་བའི་འཕྲོ་འདུ་འདིས། །ཐམས་ཅད་དྲིལ་བུ་ཉིད་པས་ན། །ནམ་མཁའ
iiif viewer powered by OpenSeadragon
