| e-texts navigator |
| Wylie |
211a1 དབང་དུ་འགྱུར། །རྣལ་འབྱོར་ཕོ་མོ་གང་སྣང་བའི། །ཐམས་ཅད་གཅིག་ཏུ་འདུས་པར་ནི། །ཡུལ་ལ་མངོན་དུ་སྣང་བར་འགྱུར། །མི་བསྐྱོད་རྡོ་རྗེ་ཐབས་ལྡན་པས། །ོཾ་དང་ཧ~ཾ་ནི་མ་ཐལ་བར། །ལན་གསུམ་གསོར་ཆེན་གུར་དཀར
211a2 བསྒོམ། །ལྷ་ནེའི་དཀྱིལ་འཁོར་མཆོག་ཏུ་འགྱུར། །ོཾ་དང་ཧ~ཾ་ནི་ཐལ་ཙམ་དུ། ཀུན་དུ་གྲུ་བཞིར་བདག་གནས་ཏེ། །ལན་གསུམ་གསོར་ལ་གང་བརྩོན་པ། །ཚེ་དང་སྐལ་པ་འཕེལ་བར་འགྱུར། །ལོངས་སྤྱོད་ཅི་འདོད་གྲུབ་པར་འགྱུར། །
211a3 དེ་ནས་ཟླ་གམ་མདོག་དམར་ཤམ། །འབྲེལ་བ་མཉམ་པར་ལན་གསུམ་གྱིས། །ཁྲོས་པས་གསོར་ལ་གང་བརྩོན་པས། །ཡིད་ལ་དམིགས་དང་ལས་ཐམས་ཅད། །དབང་ཆེན་དཀྱིལ་འཁོར་ཉིད་དུ་འགྱུར། །དེ་ལས་གཏུམ་པའི་མདོག་གནས་ཏེ། །
211a4 དྲག་ཏུ་ཕཊ་ཅེས་བརྗོད་པས་ནི། ཁ་དོག་ནག་པོར་བདག་གནས་ཤིང་། །བསྐལ་པ་འབར་བའི་དབུས་གནས་པ། །ཁྲོས་ཏེ་དགུག་པ་ཉིད་དག་ཏུ། །རྒྱང་ནི་རིང་དུ་འཕངས་པ་ན། །ཅི་འདོད་ལས་རྣམས་འགྲུབ་པར་ངེས། །ོཾ་བཛྲ་ད་ཧ་ཛྭ་ལ་ཧ་ན་བཛྲ
211a5 པ་ཙ་ཛྭ་ལ་བཛྲ་ཧཱུ~ཾ་ཕཊ། ཆོས་ལ་བརྟན་པ་ཕྱག་བསྣམས་པ། །སྦུབས་ནི་དྲིལ་བུ་ཆོས་ཁམས་ཏེ། །ཤེས་རབ་ཡུམ་གྱི་ཚོགས་སུ་བརྟག་།སྐད་ནི་གསུང་སྙན་བདེ་བ་མོ། །ལྕེ་ནི་གར་མཁན་མྱ་ངན་འདས། །ཆོས་སྐུ་ཐུགས་ཀྱི་ཐུགས་ཉིད་ལས། །
211a6 རབ་ཏུ་གསོར་ལ་གང་བརྩོན་པས། །མུ~ཾ་ལ་སོགས་པའི་ཡི་གེ་བསྒོམ། །རྡོ་རྗེ་འཁོར་ལོ་པད་མ་འབར། །མུ~ཾ་གི་ཚོགས་ཀྱི་དཀྱིལ་འཁོར་ནི། །ཀུན་དུ་དབང་སྒྱུར་ཡིད་འོང་བའི། །འདོད་པ་བཞིན་དུ་འཐུན་པས་འགྲུབ། །ོཾ་བཛྲ་གྷན་ཌ་པཱ་ཤ་དྷརྨ་དྷ་ར། ཧཱུ~ཾ་ཧཱུ~ཾ
211a7 ཧཱུ~ཾ་ཞེས་བརྗོད་པས་དེ་བཞིན་གཤེགས་པ་ཉིད་དེ་བཞིན་གཤེགས་པ་ཉིད་ལ་དགྱེས་པར་གྱུར་ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྒྱུ་འཕྲུལ་ཆེན་པོ་ཐབས་དང་ཤེས་རབ་ཏུ་འབྱུང་བ་ཕྱག་མཚན་གྱི་ལེའུ་སྟེ་བཅུ་བདུན་པའོ།། །།
211a8 དེ་ནས་དེ་བཞིན་གཤེགས་པ་དགྱེས་པ་ཆེན་པོ་རྡོ་རྗེ་གསང་བའི་དམ་ཚིག་བཀོད་པ་ལ་སྙོམས་པར་ཞུགས་ནས། ཆེད་དུ་བརྗོད་པ་འདི་བརྗོད་དོ། །ཤིན་དུ་ཕྲ་བའི་དམ་ཚིག་མཆོག་།ཕྱག་རྒྱ་ཆེན་པོའི་ཕྱག་མཐིལ་དུ། །ཐུགས་ཀྱི་དཀྱིལ་འཁོར
iiif viewer powered by OpenSeadragon
