| e-texts navigator |
| Wylie |
203a1 ཡེ་ཤེས་རྒྱུ་དང་འབྲས་བུ་ལྡན། །ཐམས་ཅད་མཁྱེན་པའི་ཡེ་ཤེས་སྐུ། །ཆོས་ཀྱི་འཁོར་ལོ་ཡོངས་ཀྱིས་བསྐོར། །ཐུགས་རྗེ་བྱིན་བརླབས་འཕྲོས་པ་ཡིས། །ཡེ་ཤེས་བཞི་ཡི་དཀྱིལ་འཁོར་སྤྲོ། །ཡེ་ཤེས་ལྔ་དང་སྐུ
203a2 གསུང་ཐུགས། །བྱིན་བརླབས་ཡ་མཚན་བསམ་མི་ཁྱབ། །རང་སྣང་བའི་ཐབས་ལས་འབྱུང་། །བསོད་ནམས་ཡེ་ཤེས་ཚོགས་རྫོགས་པའི། །ཐུགས་རྗེ་རྒྱས་པའི་གཞལ་ཡས་ཁང་། །དབུས་མཐའ་མེད་པར་རྒྱས་པར
203a3 གནས། །སྟོད་སྨོན་མཚན་མེད་འོད་གསལ་འཇུག་།དེ་ཕྱིར་ཡེ་ཤེས་སྒོ་བཞིར་བཤད། །དེར་འགྲོ་ལམ་སྟེགས་བརྒྱད་དང་ལྡན། །རང་བཞིན་ཡེ་ནས་འོད་གསལ་ཕྱིར། །ཉི་ཟླ་བརྩེགས་པའི་གདན་ཁྲི་འབར། །ཡེ་ནས་རྣམ
203a4 པར་དག་པའི་ཕྱིར། །མ་ཆགས་པད་མོ་འབར་བའི་གདན། །ཟག་མེད་ཡེ་ཤེས་གཏེར་གྱུར་པས། །ཡིད་བཞིན་རིན་ཆེན་འབར་བའི་གདན། །ཡེ་ནས་མཉམ་ཉིད་མི་འདའི་ཕྱིར། །ཏ་ལའི་ལྗོན་ཤིང་རང་བཞིན་གནས། །རེ་བ་ཡིད་བཞིན་སྐོང་བའི་ཕྱིར། །དཔག
203a5 བསམས་ཤིང་གི་རིན་ཆེན་འབར། །ཡིད་བཞིན་རིན་ཆེན་རྒྱན་གྱིས་བསྐོར། །ཐམས་ཅད་ལ་ནི་དབང་སྒྱུར་ཕྱིར། །འཇིག་རྟེན་ལྷ་ཆེན་རྣམས་ཀྱིས་བསྐོར། །གསང་བའི་དེ་ཉིད་ངེས་པ་ལས། །འཕྲུལ་ཆེན་བཞི་བཅུ་རྩ་གཉིས་ཀྱིས། །ཐམས་ཅད་ལྷ་ཉིད་རྟག་ཏུ་སྦྱོར། །ཐམས
203a6 ཅད་མ་ལུས་དཀྱིལ་འཁོར་མཆོག་། འདི་ནི་རང་བཞིན་དཀྱིལ་འཁོར་དང་། །གཟུགས་བརྙན་ལྷག་པའི་དཀྱིལ་འཁོར་གསུམ། །ཏིང་འཛིན་ལྷག་པའི་དཀྱིལ་འཁོར་དག་།བྱང་ཆུབ་སེམས་དང་ཚོགས་མཆོག་བརྟན། །ཞེས་ཉིད
203a7 ལ་ཉིད་བཤད་དོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཤིན་དུ་གསང་བའི་དཀྱིལ་འཁོར་བསྡུས་ནས། ལྷག་པའི་གཟུགས་བརྙན་བསྟན་པའི་ལེའུ་སྟེ་དགུ་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱི་རང
203a8 བཞིན་གཅིག་དང་དུ་མ་མེད་པ་བདག་ཉིད་ཐམས་ཅད་ཀྱིས་འཇིག་རྟེན་དྲུག་གི་ཕྱོགས་བཅུ་ཐམས་ཅད་ལ་ཉིད་ཀྱི་ཆེ་བའི་དཀྱིལ་འཁོར་འབྱུང་བར་བཞེད་ནས་ཆེད་དུ་བརྗོད་པ་འདི་བརྗོད་དོ། །ཡེ་ཤེས་ཕྱོགས་བཞི་དབུས་བརྟགས་ཏེ། །དཀྱིལ
iiif viewer powered by OpenSeadragon
