| e-texts navigator |
| Wylie |
111a1 ཕ་ནི་སྙན་གྱི་གསུང་གི་མཆོག་།བ་ནི་ཤངས་ཀྱི་གསུང་གི་མཆོག་།བྷ་ནི་ལྗགས་ཀྱི་གསུང་གྱི་མཆོག་།མ་ནི་གསུང་ཡང་འཇིག་པར་བྱེད། །ཡ་ནི་སྐྱེ་བ་རྣམ་པར་དག་།ཝ་ནི་གནས་པ་དག་པ་ཡིན། །ར་ནི་འཇིག
111a2 པ་དག་པ་སྟེ། །ལ་ནི་སྟོང་པ་དག་པའོ། །ཤ་ནི་རྟག་པ་མེད་པ་སྟེ། ཥ་ནི་ཆད་པ་འང་ཡོད་མ་ཡིན། །ས་ནི་མཐའ་བྲལ་བདག་མེད་པ། །ཧ་ནི་མཚན་མ་མེད་པ་ཉིད། །ཀྵ་ནི་ཡེ་ཤེས་ཐུགས་ཀྱི་ཐུགས། །ི་ནི་རྡུལ་སྙེད
111a3 ལྷ་རྣམས་སུ། །ཱི་ནི་རྡུལ་སྙེད་ལྷ་མ་ཡིན། །ུ་ནི་རྡུལ་སྙེད་མི་རྣམས་སུ། །ཱུ་ནི་རྡུལ་སྙེད་བྱོལ་སོང་རྣམས། །ེ་ནི་རྡུལ་སྙེད་ཡི་དགས་སུ། །ཻ་ནི་རྡུལ་སྙེད་དམྱལ་བ་རྣམས། །ོཾ་ནི་ཐམས་ཅད་འཇིག་པར་བྱེད། །ཽ་ནི་ཐམས་ཅད་ཞིག་པ་ཡིན། །ཡི་གེ
111a4 འཁོར་ལོ་ཚོགས་ཆེན་འདི། །སྐུ་གསུང་ཐུགས་ཀྱི་ཕྲེང་བས་བསྡུས། །ཞེས་བརྗོད་དོ། ། ཧོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་། གཉིས་སུ་མེད་པའི་དཀྱིལ་འཁོར་དེ་དག་ཉིད་ཀྱིས་གསང་བ་འདི་ཉིད་སྐུ
111a5 དང་། གསུང་དང་། ཐུགས་དང་། ཡོན་ཏན་འཕྲིན་ལས་རྡོ་རྗེ་ལས་ཕྱུང་ངོ་། ཨ་ཧོཿ་ཐབས་དང་ཤེས་རབ་དགྱེས་སྤྲིན་བྱང་ཆུབ་སེམས་ཚོགས་རྒྱུ་འཁོར་ལོ། །འབྲས་བུ་རྒྱལ་བ་སྨིན་གྲུབ་ངོ་མཚར་མིང་ཚོགས་བཞི་བཅུ་གཉིས། །
111a6 འདུས་མ་བྱས་ཉིད་འདུས་བྱས་རྡོ་རྗེ་དཀྱིལ་འཁོར་འབྱིན་པའི་དམ། །འདའ་བར་མི་མཛད་དབང་མེད་རྒྱུ་རྐྱེན་ཚོགས་པའི་མཐུ་ཆེན་ཡིན། །ཧོཿ་རྡོ་རྗེ་གསང་བའི་ཚིག་ཏུའོ། །ཞེས་བརྗོད་པས་དེ་བཞིན་གཤེགས་པ་ཐམས་ཅད་ཡི་གེ་འཁོར་ལོར་གྱུར
111a7 ཏོ། །གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཡི་གེ་ཕྲེང་བའི་འཁོར་ལོ་བཀོར་བའི་ལེའུ་སྟེ་བཞི་པའོ།། །། དེ་ནས་ཡི་གེ་འཁོར་ལོ་སྤྲིན་བཀོད་པ་ལས་སྒྱུ་འཕྲུལ་རྣམ་པར་འཕྲོ་བ་འདི་ཆེད་དུ་བརྗོད་དོ། །རྩ་བ་མེད་པའི
111a8 སེམས་ཉིད་ནི། །ཆོས་རྣམས་ཀུན་གྱི་རྩ་བ་ཡིན། །སེམས་ཉིད་ཡི་གེའི་རང་བཞིན་ཏེ། །ཡི་གེ་ཡིད་བཞིན་རིན་ཆེན་སྤྲིན། །སྒྱུ་འཕྲུལ་དཀྱིལ་འཁོར་བཞི་བཅུ་གཉིས། །དྲ་བའི་དཀྱིལ་འཁོར་མངོན་རྫོགས་པས། །ཕྱོགས
iiif viewer powered by OpenSeadragon
