| e-texts navigator |
| Wylie |
106a1 རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་དབང་གི་ལེའུ་ཞེས་བྱ་སྟེ་སུམ་ཅུ་རྩ་གཉིས་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་།
106a2 སེམས་དཔའི་རྡོ་རྗེ་དམ་པ་རྒྱུད་ཀྱི་རྒྱལ་པོ་ཆེན་པོ་ཀུན་འདུས་རིག་པའི་མདོ་དང་བཅས་པ་ཆོས་ཐམས་ཅད་ཀྱི་མེ་ལོང་ཡིན་པར་རིག་ནས། འདུས་པ་ཕལ་མོ་ཆེའི་འཁོར་རྣམས་ཀྱིས་ཤིན་དུ་ངམ་ཞིང་ངོ་མཚར་སྐྱེས་ནས། བསྟོད་པ་ཤིན་ཏུ་དགའ་བ་ཆེན་པོའི
106a3 གླུ་འདི་བླངས་སོ། །ེ་མ་ཧོཿ་ཉེས་བཅོམ་ལེགས་ལྡན་མཚན་ཞི་མཐའ་ལས་འདས། །དཔག་མེད་བྱམས་སྙོམས་དོན་གྱིས་བདག་གཞན་དཔལ། །དོན་དམ་གསང་སྦས་ནམ་མཁའི་དཀྱིལ་དུ་འཁྱིལ། །རྡོ་རྗེ་ཆེ་མཆོག
106a4 དབང་ཕྱུག་ཀུན་གྱི་བདག་། འཛིན་པ་མི་རྟོག་ཤ་རུས་ཁྲག་ལ་རོལ། །ཐུགས་ཀྱི་གདུང་ཐག་འཁོར་བའི་མཐའ་ལ་རྗེ། །ཡུལ་མེད་མ་སྐྱེས་མཚན་མའི་གཡུལ་ལས་རྒྱལ། །བདེ་མཆོག་རྒྱལ་པོ་ཁྱོད་ལ་ཕྱག་འཚལ་བསྟོད། །
106a5 ཤེས་རབ་ཆེན་པོ་ནམ་མཁའི་ཉི་མར་གསལ། །བྱང་ཆུབ་སེམས་ཀྱི་འོད་ཟེར་དབྱིངས་སུ་འཆར། །དཔའ་བརྟུལ་མྱུར་བའི་ཤུགས་ཀྱིས་འགྲོ་དྲུག་སྒྲོལ། །རྟོག་འཇོམས་ཡེ་ཤེས་རྡོ་རྗེ་ཆོ་འཕྲུལ་འཕྲོ། །དམ་པའི་དོན་གསུངས
106a6 གཉིས་མེད་སྟོན་པའི་སྐུ། །སྨྲ་བའི་སེང་གེ་ཁྱོད་ལ་ཕྱག་འཚལ་ལོ། །རིན་ཆེན་གཏེར་ལྡན་འདོད་དགུར་ཀུན་སྐོང་ཞིང་། །ལུང་དང་རིགས་པ་གཏན་ཚིགས་ཀུན་གྱི་མཛོད། །བརྡ་ཅན་ཡང་དག་ལེན་པའི་མེ་ལོང་གསལ། །
106a7 རྡོ་རྗེ་ཀུན་འདུས་འཇིགས་བྱེད་རྒྱལ་བའི་རྒྱུད། །ཆོས་ཀྱི་མེ་ལོང་འདི་ལ་བདག་ཅག་འདུད། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་ངོ་མཚར་བསྟོད་པའི་ལེའུ་སྟེ་སུམ་བཅུ་རྩ་གསུམ་པའོ།། །།
106a8 རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་རྫོགས་སོ།། །། བཀྲ་ཤིས་སོ། དགེའོ། །
iiif viewer powered by OpenSeadragon