| e-texts navigator |
| Wylie |
105b1 རིག་འཛིན་རྡོ་རྗེ་རྩལ་གྱི་དབང་། །རྡོ་རྗེ་མིང་ནི་སྦྱིན་པར་བྱ། །བསྒྲུབ་པའི་དབང་དང་རྫས་མཆོག་དང་། གསང་བའི་བདག་པོ་ཡིན་པས་ན། །གསང་བའི་དབང་མཆོག་སྦྱིན་པར་བྱ། །དགའ་བ་བྱང་ཆུབ་སེམས་ཆེན་པོ། །
105b2 ཀུན་དུ་ཚིམ་པར་བྱེད་པ་ཡི། །དཀར་དམར་ལྷག་པའི་བྱང་ཆུབ་སེམས། །དབང་ཐོབ་དེ་ཡི་ལྕེ་ལ་གཞག་།བཙལ་མེད་བྱང་ཆུབ་སེམས་ཆེན་པོ། །ཤེས་རབ་ཆེན་པོའི་རྩལ་གྱིས་ནི། །ཆོས་སྐུ་སྒྱུ་མར
105b3 དབང་བསྒྱུར་ནས། །རྩལ་ཆེན་རྫོགས་པའི་དབང་ཡིན་པས། །རྫས་དང་ཚིག་དང་གང་ཟག་དང་། །ཀུན་རྫོབ་དབང་དེ་མ་ཐོབ་ཀྱང་། །ཆོས་ལ་སེམས་ཀྱི་དབང་ཐོབ་ན། །རྒྱལ་བའི
105b4 རིག་འཛིན་ཐམས་ཅད་དང་། །སྲིད་གསུམ་དབང་ཅན་ཐམས་ཅད་ཀུན། །དེ་ལ་དབང་ཐོབ་བསྐུར་བར་འགྱུར། །དབང་གི་ཚད་ནི་འདི་ལྟ་སྟེ། །དད་ལྡན་སྲིད་ཞུར་ལྡན་པ་ལ། །གསང་བ་ཉན་པའི
105b5 དབང་ཆེན་བསྐུར། །རྣམ་བཞི་ལས་ཀྱི་དོན་ཚང་ན། །ལས་རྣམས་བྱེད་པའི་དབང་ཐོབ་བོ། །ལྟ་བའི་དམིགས་བུས་ཆོས་མཐོང་ན། །རྒྱལ་ཐེབ་འཆད་པའི་དབང་ཐོབ་བོ། །རྐྱེན་ཐུབ
105b6 ཚད་མ་གསུམ་ལྡན་ན། །བླ་མ་རྡོ་རྗེ་སློབ་དཔོན་དབང་། །དམ་པ་མཛོད་གསུམ་ཐམས་ཅད་ལ། །ཕྱོགས་མེད་པར་ནི་འཆད་ཤེས་ནས། །རབ་འབྱམ་རྒྱལ་པོའི་དབང་འཐོབ་བོ། །དད་མེད
105b7 བློ་ཞན་རྫོབ་པ་ཆེ། །ཚུལ་འཆོས་མཁན་ལ་རས་གཅོད་བྱེད། །དེ་ནི་དབང་གིས་འཚིག་པར་བཤད། །གསང་མེད་བརྗེད་ངས་དབང་མི་འཆགས། །དད་མེད་གཡེལ་རྨུགས་དབང་མི་འགོས། །
105b8 སྣོད་མེད་བཅུད་བྲལ་ཀུན་སྟོངས་པ། །དེས་ནི་དབང་ཐོབ་མ་ཡིན་ནོ། །སྣོད་ལྡན་བཅུད་རྫོགས་དབང་ཐོབ་ན། །དབང་མཆོག་ཐོབ་པའི་རྒྱུ་ཞེས་བཤད། །ཅེས་གསུངས་སོ།། །།
iiif viewer powered by OpenSeadragon