| e-texts navigator |
| Wylie |
105a1 སྦྱིན། །བྱ་བའི་མཚན་མ་ཀུན་བྲལ་ཞིང་། །བཙལ་མེད་གནས་པའི་བྱང་ཆུབ་སེམས། །སྙིང་རྗེ་ཆེན་པོའི་བདེ་མཆོག་གིས། ཁམས་གསུམ་ཀུན་ལ་དབང་སྒྱུར་སྦྱིན། །སྲིད་གསུམ་འགྲོ་བའི་དོན་རྣམས་ཀུན། །ཐམས་ཅད་རྫོགས
105a2 པར་ནུས་པ་ཡི། །རྟགས་ཀྱི་དབང་མཆོག་དམ་པ་ནི། །ཐོང་གཤོལ་འབར་བ་སྦྱིན་པར་བྱེད། །དུག་གསུམ་གཏིང་ནས་སྤྲུག་པ་ཡི། །རྟགས་ཆེན་ག་འུ་རྣམ་པ་གསུམ། །དམར་ཆེན་དག་གིས་བཀང་ནས་ཀྱང་། །དབང་ཆེན་ཐོབ
105a3 དེའི་ལག་ཏུ་སྦྱིན། །སྲིད་གསུམ་སྒྲོལ་བར་བྱ་བ་ཡི། །དབང་མཆོག་ཆེན་པོ་སྦྱིན་པའི་ཕྱིར། །ཀ་ཏར་ལ་སོགས་མཚོན་ཆ་རྣམས། །དབང་ཐོབ་དེ་ཡི་ལག་ཏུ་སྦྱིན། །འཁོར་བའི་ཆོས་ལ་ཅིར་སྤྱད་ཀྱང་། །སྐྱོན་གྱིས་གོས་པར
105a4 མི་འགྱུར་བའི། །རྟགས་ཀྱི་ཕྱག་རྒྱ་ཆེན་པོ་ནི། །རྣམ་དག་རྫས་ཀྱི་པདྨ་སྦྱིན། །ལས་རྣམས་རྫོགས་པར་གྱུར་པ་ཡི། །དབང་མཆོག་ཐོབ་པའི་རྟགས་ཆེན་ནི། །སྟི་རའི་དབྱུག་པ་ཆེན་པོ་དག་།དབང་ཐོབ་དེ་ཡི་ལག་ཏུ་སྦྱིན། །
105a5 ཡུམ་དང་གཉིས་མེད་འཁྲིལ་བ་ཡི། །ཆོས་ཉིད་དོན་དང་གཉིས་མེད་རྟགས། །སྦྲུལ་ནག་འཁྲིལ་བའི་ཆུན་པོ་འདི། །དབང་ཐོབ་དེ་ཡི་ལག་ཏུ་སྦྱིན། །གསང་བ་སྦྱོར་བའི་ཤེས་རབ་མ། །དྲི་མེད་རྣམ་དག་ལྷ་མོ་ཞིག་།
105a6 མཚན་ལྡན་ཤིན་དུ་བརྒྱན་བྱས་ལ། །དབང་ཐོབ་དེ་ལ་སྦྱིན་པར་བྱ། །དབང་ཐོབ་རྒྱལ་པོ་ཆེན་པོ་དེ། །ཀུན་གྱི་བདག་པོ་ཡིན་པས་ན། །རོལ་མོ་དྲི་དང་ཞལ་ཟས་དང་། །འདོད་ཡོན་ལྔ་ལ་སོགས་པ་དང་། །ཉེ་བའི
105a7 ལོངས་སྤྱོད་རྒྱན་རྣམས་ཀུན། །ཐམས་ཅད་ཐམས་ཅད་སྦྱིན་པར་བྱ། །སྒྲུབ་པའི་རྒྱལ་པོ་དེ་ལ་ནི། །སྒྲུབ་པའི་ལས་ལ་དབང་ཐོབ་ཕྱིར། །རྡོ་རྗེ་སེམས་དཔའ་ལ་སོགས་པ། །རྒྱལ་བ་ཐམས་ཅད་བསྒྲུབ་པ་དང་། །
105a8 རྡོ་རྗེ་ཚེ་དང་སྨན་ལ་སོགས། །སྒྲུབ་པ་མ་ལུས་སྒྲུབས་ཤིག་ཅེས། །བསྒྲུབ་རྫས་ཐམས་ཅད་སྦྱིན་པར་བྱ། །རྒྱལ་བ་སངས་རྒྱས་ཐམས་ཅད་དང་། །དབང་ཐོབ་དེ་གཉིས་གཅིག་པའི་ཕྱིར། །
iiif viewer powered by OpenSeadragon