| e-texts navigator |
| Wylie |
104a1 ཆེན་པོར་གྱུར་པའི་དབང་། །ཁྲི་ཆེན་དག་ལ་གཞག་པར་བྱ། །ཅོད་པན་མེ་ཏོག་ཕྲེང་ལ་སོགས། །དབང་མཆོག་བརྗིད་པའི་རྒྱན་གྱིས་ཀླུབས། །དབུ་རྒྱན་དོ་ཤལ་སེ་མོ་དོ། །དཔུང་རྒྱན་རྐང་གདུབ་ལག་གདུབ་རྣམས། །
104a2 དབང་ཐོབ་རྒྱལ་པོས་དེ་ལ་སྦྱིན། །དབང་ཐོབ་མཛེས་པས་བརྗིད་པའི་རྒྱལ་པོ་དེ། །དབང་ཕྱུག་ཡིན་པས་དེ་ལ་ཀུན་ཕྱག་འཚལ། །རྡོ་རྗེ་དབང་ཕྱུག་རྒྱལ་པོའོ་ཞེས་པར་ནི། །ཀུན་གྱིས་སྒྲ་ཆེན་བོད་ཅིང་བསྒྲགས་པར་བྱ། །གསེར་གྱི་འཁོར་ལོ
104a3 རྩིབས་ཁྱུད་ལྡན་པ་ཞིག་། རྒྱལ་པོ་དེ་ཡི་ལག་ཏུ་བསྐུར་ནས་ནི། །འཇིག་རྟེན་ཀུན་ལ་ཁ་ལོ་སྒྱུར་བ་ཡི། །དབང་མཆོག་རྒྱལ་པོ་འདི་ཡང་སྦྱིན་པར་བྱ། །ཕྱི་འཁོར་སྐྱོང་བའི་རྒྱལ་པོར་གྱུར་ཕན་ཆད། །བླ་མེད་མཆོག་གི་རྟགས་དང
104a4 ལྡན་འགྱུར་བས། །གསང་སྒོ་ཕྱེ་ནས་ནང་དུ་གཞུག་པར་བྱ། །ཤིན་དུ་གསང་བའི་རྫས་དང་ལྡན་གྱུར་ནས། །གསང་སྒོ་གང་ལས་འདོད་པའི་དོན་རྣམས་ཞུ། །གནང་ཆེན་པོའི་རྟགས་སུ་བྱིན་གྱིས་བརླབ། །གསང་བའི་དོན་ལ་ཉན་ཅིང་སློབ
104a5 པའི་དབང་། །དབང་ཐོབ་སྐལ་ཅན་དེ་ལ་སྦྱིན་པར་བྱ། །བདུད་རྩི་ཆུ་འདིས་རྣ་བའི་གསང་སྒོ་དབྱེ། །སརྦ་ཏ་ཐཱ་ག་ཏ་སྟ་མ་ཏི་ཧོ། །གླེགས་བམ་ཟབ་མོ་ལ་སོགས་ཐམས་ཅད་རྣམས། །རིགས་ཀྱི་བུ་མཆོག་དེ་ལ་སྦྱིན་པར་བྱ། །དེས་ན
104a6 འགྲོ་བའི་དོན་བྱེད་ནུས་པས་ན། །ལས་རྣམས་རྒྱ་མཚོ་ཐམས་ཅད་སྒྲུབ་པའི་རྟགས། །རྡོ་རྗེ་རྒྱ་གྲམ་ལ་སོགས་རྣམ་བཞིའི་རྫས། །བུ་མཆོག་དེ་ལ་ཐབས་ཀྱིས་སྦྱིན་པར་བྱ། །གཞན་གྱི་རེ་འདོད་སྐོང་བའི་བུ་མཆོག་དེ། །རྒྱལ་པོ
104a7 རྒྱལ་རིགས་རྒྱུད་དུ་བྱུང་བ་བཞིན། །རྒྱལ་ཚབ་ཆོས་ཀྱི་རྒྱུད་དུ་བྱུང་བས་ན། །ཏནྟྲ་ལ་སོགས་དམ་པའི་མཛོད་གསུམ་སྦྱིན། །དེས་ནི་སློབ་མའི་ཚོགས་ཀུན་སྐྱོང་ནུས་ཕྱིར། །བསྟན་པ་སྒྲོགས་པའི་ས་ལ་གནས་བྱའི་ཕྱིར། །རྡོ་རྗེ་རྒྱལ་པོ་དཔལ་གྱི་དབང་མཆོག་འདི། །ཐེག་ཆེན་དགུ
104a8 ཡི་རྟགས་དང་ཆས་ཏེ་སྦྱིན། །དེ་ནི་བླ་མེད་རྒྱལ་པོར་འགྱུར་བས་ན། །ས་རྣམས་ནོན་པའི་རྟགས་མཆོག་གདན་ཁྲིའི་དབང་། །ལྷ་ཆེན་ལ་སོགས་ཞིང་ཆེན་ཉི་ཟླར་བཅས། །ཁྱུ་མཆོག་སེང་གེ་མ་ཧེ་གཟིགས་དང་སྟག་།གཏུམ་པའི
iiif viewer powered by OpenSeadragon