| e-texts navigator |
| Wylie |
103b1 རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་རྣལ་འབྱོར་འཇུག་བའི་ལེའུ་ཞེས་བྱ་སྟེ་སུམ་བཅུ་རྩ་གཅིག་པའོ།། །།
103b2 དེ་ནས་ཡང་སེམས་དཔའི་རྡོ་རྗེས་ཡོངས་སུ་རྫོགས་པ་དབང་གི་ལེའུ་འདི་གསུངས་སོ། །འདུས་པ་ཆེན་པོའི་རྣལ་འབྱོར་པ། །སྲིད་པ་གསུམ་གྱིས་ཕྱག་བྱས་པས། །བླ་མའི་ས་ལ་གནས་པ་ནི། །གསང་མཆོག་སུམ་བཅུ་རྩ
103b3 དྲུག་ཡིན། །ཕྱི་ཡི་དབང་དང་ནང་གི་དབང་། །བསྒྲུབ་པའི་དབང་དང་གསང་བའི་དབང་། །བཅུ་དང་བཅུ་གཅིག་བཅུ་གསུམ་དང་། །རྣམ་པ་གཉིས་ཀྱིས་རྫོགས་པར་འགྱུར། །དེ་ལ་དང་པོ་སྦྱིན་པའི་དབང་འདི་ཡིན་ཏེ། ཨོཾ་ཧཱུ~ཾ་ས་ཧྲཱིཿཧ།
103b4 ཀུན་གྱིས་འདའ་བར་དཀའ་བ་ཡི། །ཚིག་བཙན་ཡུལ་ལ་དབང་སྒྱུར་བ། །རྒྱལ་པོ་བཀའ་རྟགས་ཕྱག་རྒྱའི་དབང་། །སྐུ་ལྔ་ཡོངས་སུ་རྫོགས་པར་འགྱུར། །རིགས་རྣམས་སོ་སོའི་རྒྱུད་འཛིན་ཅིང་། །རྟགས་ཀྱི་མཚན་མ་ཆེན་པོ་ནི། །
103b5 སྦྱོར་བ་ཆེན་པོའི་ཕྱག་མཚན་ཏེ། །དམ་ཚིག་ཕྱག་རྒྱ་རྫོགས་པར་འགྱུར། །ཤེས་རབ་གཟུངས་ཀྱི་གསང་མཆོག་ནི། །དོན་དང་ལྡན་པར་གྱུར་པ་ཡི། །མཐའ་གཉིས་དག་ཏུ་མི་གཏོང་བའི། །གཟུངས་མའི་རྒྱལ་མོ་ཆེན་མོ་ཡིན། །
103b6 གཉིས་མེད་ཡོངས་སུ་རྫོགས་པ་ན། །ཐམས་ཅད་བདེ་བ་ཆེན་པོའི་ངང་། །བྱང་ཆུབ་སེམས་དང་དོན་དུ་འབྲེལ། །ཤེས་རབ་ཆེན་པོ་རྫོགས་པའི་དབང་། །བཀྲ་ཤིས་ཆེན་པོ་བུམ་བ་ནི། །བདེ་གཤེགས་བཞུགས་པའི་ཕོ་བྲང་སྟེ། །
103b7 དཀྱིལ་འཁོར་རྫོགས་པར་གྱུར་པ་ཡི། །དབང་ཆེན་དེ་ལ་སྦྱིན་པར་བྱ། །གསང་བའི་བསྟན་པ་རྒྱས་ནས་ནི། །ཡུན་རིང་གནས་པར་འགྱུར་བ་ཡིས། །བཀྲ་ཤིས་རྫས་ཀྱི་དབང་མཆོག་ཀྱང་། །གནང་བ་ཆེན་པོ་སྦྱིན་པར་བྱ། །
103b8 དོན་རྣམས་གྲུབ་པར་འགྱུར་བ་ཡི། །འདོད་དགུར་རེ་སྐོང་རིན་པོ་ཆེ། །རྒྱལ་སྲིད་རིན་ཆེན་སྣ་བདུན་གྱིས། །རྒྱལ་པོ་མཆོག་ཏུ་དབང་བསྐུར་རོ། །རིན་ཆེན་པད་མ་སེང་གེའི་ཁྲི། །བླ་མར་གྱུར་པའི་གདན་མཆོག་དེ། །ཁྱད་པར
iiif viewer powered by OpenSeadragon