| e-texts navigator |
| Wylie |
103a1 གཡོན་ཐོག་གཡས་ཀྱི་རྒྱབ་སྦྱར་ཏེ། །སྲིན་ལག་གུང་མཛུབ་གཅིག་ནས་གཅིག་།འཁྱུད་པ་དམྱལ་བའི་སྒོ་གཅོད་བརྒྱ། །ལག་གི་ཕྱག་རྒྱ་བཅས་ནས་ནི། །ངག་གི་རྡོ་རྗེ་རྒྱ་བརྗོད་པ། །ཀྱེ་མ་རུ་ཏྲ་ཀྲོ་དྷ་ཀྱི་ཧཱུ~ཾ། ཧྲི་ས་མ
103a2 པ་ཙ་ཧཱུ~ཾ། ཧྲི་ས་བ་ཛ་ཧཱུ~ཾ། འདི་ལྟར་གསལ་བར་གྱུར་པ་དང་། །སྒྲིབ་པ་དག་པར་བྱ་བའི་ཕྱིར། །རྣལ་འབྱོར་སྦྱོར་བའི་ཕྱག་རྒྱ་སྟེ། །རྡོ་རྗེ་རྣལ་འབྱོར་མཆོག་གི་ལྷ། །འགྲོ་དྲུག་འདྲེན་པའི་དཔལ་མཛད་པ། །རྡོ་རྗེ་ཅན་ལ་ཕྱག་འཚལ་ལོ། །
103a3 བྱམས་མགོན་ཁྱོད་ལ་སྐྱབས་སུ་མཆིའོ། །དེ་སྐད་གསོལ་བ་བཏབ་པ་དང་། །རྣལ་འབྱོར་ཆེན་པོའི་ཞབས་ཉིད་ལ། །འཇུག་པ་དེ་ཡི་སྤྱི་བོས་གཏུག་།སངས་རྒྱས་བདེ་མཆོག་ཐམས་ཅད་ཀྱི། །རྡོ་རྗེ་གསང་མཆོག་གསུང་ལས
103a4 བྱུང་། །སྲིད་པ་གསུམ་གྱིས་ཕྱག་བྱས་པ། །དབང་བསྐུར་གནང་བ་ཆེན་པོ་སྦྱིན། །ཱ་ཏི་ཧོ་སྟ་ཧྲི་ད་ཁ~ཾ། །དེ་ནས་སྣོད་དུ་གྱུར་པ་དང་། །གསང་བའི་མིག་ནི་དབྱེ་བར་བྱ། །མེ་ཏོག་ཕོག་པའི་ལྷ་ཡང་སྦྱིན། །དེ་ནས་དམ་ཚིག
103a5 ཆེན་པོ་བསྒྲགས། །རྒྱལ་བ་ཀུན་དང་མཉམ་སྦྱོར་བའི། །དམ་ཚིག་འདི་ལས་གང་འདས་པ། །རྒྱལ་བ་ཐམས་ཅད་བསླུས་པ་ཡིན། །ཁྲག་འཐུང་ཁ་འབར་མ་ཡི་ཚོགས། །ཁྲོས་ནས་སྙིང་ཁྲག་ཐོག་པས་འཐུང་། །
103a6 བཛྲ་ས་མ་ཡ་ཨི་དན་ཐེ་ན་ར་གན། བ་ར་ཧྲི་ད་ཡ་ན་མ་བ་སྟི་ནཱན། ས་མ་ཡ་རཀྵ་སིདྡྷི་བིདྱ་བཛྲ་ཨ་མྲྀ་ཏོ་ད་ཁ~ཾ། རྡོ་རྗེ་ཐ་ཚིག་ཆུ་བླུད་ནས། །རྡོ་རྗེ་གལ་ཆེན་མནའ་དོར་རོ། །རྡོ་རྗེ་དམ་ཚིག་སྡོམས་པ་རྣམས། །ཐམས་ཅད
103a7 ཐམས་ཅད་དབོག་པར་བྱ། །སློབ་པའི་གཉེར་ཡང་དབོག་པར་བྱ། །ཀྱེ་རིག་འཛིན་རྡོ་རྗེ་བུ་མཆོག་ཁྱེད། །རྣལ་འབྱོར་རྒྱལ་བའི་སྲས་ཀྱི་ཡིན། །གཞན་ཡང་གསང་བ་མ་སྨྲ་ཤིག་།གལ་ཏེ་སྨྲས་ན་དམྱལ་བར
103a8 འཚིག་། ཁྱོད་ནི་རྡོ་རྗེ་ཆེ་གེ་མོ། །རྒྱལ་བའི་སྲས་པོ་གདུང་རྒྱུད་འཛིན། །གསང་བ་མཆོག་གི་མིང་སྦྱིན་གྱི། །ཞིང་ཁམས་ཀུན་དུ་བདེ་བར་སྤྱོད། །དེས་ནི་སངས་རྒྱས་ཞིང་དུ་སྐྱེ། །ཞེས་གསུངས་སོ། །
iiif viewer powered by OpenSeadragon