| e-texts navigator |
| Wylie |
102a1 འགུར་ཆུ་ཡན་ལག་འགུལ་འགུལ་ལྟར། །རྡོ་རྗེ་ཡི་གེར་འབྲུ་འབར་ལྟར། །གུག་སྐྱེད་ཀླད་ཀོར་ཚེག་པར་ཕྱིན། །ར་རི་ཁལ་ཁོལ་སྒྲིབ་མེད་པར། །ཡེ་ཤེས་དོན་ལ་མཁྱེན་རིག་རྒྱས། །དེ་ལྟ་མོད་ཀྱང་འདུལ་དབང་གིས། །རྒྱལ་བ་སྐུལ་བའི
102a2 ས་ལ་གཞེས། །རྣལ་འབྱོར་གསོ་བའི་ཆོ་ག་བྱེད། །ལྷ་དང་གཅིག་ཏུ་བྱ་བའི་ཕྱིར། །བཟླས་བརྗོད་གྲངས་དང་བསྙེན་པ་དང་། །སྦྱོར་བས་དོན་ལ་ཉེ་བར་འགྱུར། །འདི་ལྟར་སྟོར་བའི་དུས་དག་ན། །བྱིན་བརླབས་ཕེབས་སམ་ཉེ་བ་ཡི། །རྟགས
102a3 སམ་དྲོད་དམ་མཚན་མ་ནི། །རྣལ་འབྱོར་ཉིད་དང་བསྒྲུབ་རྫས་དང་། །ཡོད་མཐོང་སྒྲ་ཐོས་ཀུན་ལ་འབྱུང་། །ལུས་ཀྱི་དྲོད་དང་རྨི་ལམ་དང་། །སེམས་ཀྱི་རྟགས་སུ་གསལ་བ་དང་། །དབུགས་དག་ལ་ཡང་ངེས་པར་འབྱུང་། །ཤིང་བལ་ལྟ་བུར་ཡང་བ་དང་། །
102a4 མི་བདེའི་གནོད་པ་བྲལ་བ་ཡིན། །རིག་ལ་ཏིང་འཛིན་གསལ་བ་དག་།རྨི་ལམ་དུ་ཡང་མྱོས་པར་འགྱུར། །དང་ཞིང་དགའ་ལ་མགུ་བ་སྐྱེ། །གདུང་བའི་བྱང་ཆུབ་སེམས་སྐྱེས་ཤིང་། །ངོ་མཚར་སྐྱེས་པ་དེ་ཉིད་དོ། །འགྱུར་བའི་དབུགས་ལ་དབང
102a5 ཐོབ་སྟེ། །དགག་དང་དབྱུང་བ་ཇི་ལྟ་བའོ། །རྫས་ནི་འབར་དང་འཕར་བ་དང་། །དྲི་དང་འོད་འབྱུང་རོ་མཆོག་སྐྱེ། །མི་ཟད་མང་དུ་འཕེལ་བ་དང་། །མངར་འཇམ་དང་ཞིང་རོ་མཆོག་རྙེད། །ལྟོ་ལ་མི་གནོད་མགྲིན་ལ་མིན། །ཟོས་ན་བཞིན་འགྱུར་ལུས
102a6 རྟས་འགྱུར། །སིལ་སྙན་ཡིད་འོང་སྒྲ་སྙན་གཟུགས། །དྲི་ཞིམ་འབྱུང་བ་དེ་ལྟའོ། །རྡོ་རྗེ་པྲ་རྣམས་བཟང་བ་ན། །རྟགས་དང་མཚན་མ་ཕེབས་པ་སྟེ། །སྨྱུར་ཏེ་དངོས་གྲུབ་བླང་བར་བྱའོ། །བདེ་དང་གའུའི་ཕྱག་རྒྱ་དང་། །རྡོ་རྗེ་བུམ་པའི
102a7 འཕྲོ་འདུ་ཡིས། །དངོས་གྲུབ་ཡུམ་གྱི་མཁའ་ལ་དབབ། །ཡབ་ཡུམ་སྦྱོར་བའི་ལྷག་སེམས་དག་།མ་ཕེབས་པ་ཡི་བར་དུ་དག་།ཤེས་རབ་གསལ་བའི་ལྷ་མོ་བཞིས། །ཧ་སྟ་མེ་ལོང་བནྡྷ་དང་། །ཞིང་ཆེན་ཕྲེང་བ་ལ་སོགས་དང་། །
102a8 ཁ་དོགས་ལྔ་ཡི་དར་གཡབ་ཀྱིས། །གཡབ་ཅིང་རིག་འཛིན་མང་པོ་འབོད། །རོལ་མོ་ཆ་བྱད་མང་པོ་དག་།རྡོ་རྗེ་གར་དང་བསྙེན་པའི་གླུ། །སྲིད་པའི་མ་མོ་ཀུན་རྟེན་ཅིང་། །བྱིན་བརླབས་ཆེན་པོ་དབབ་པར་བྱ། །ཕེབས་མ་དག་ཏུ་དངོས་གྲུབ་བསྟིམ། །
iiif viewer powered by OpenSeadragon