| e-texts navigator |
| Wylie |
101a1 བའི་གླུ་བླངས་པས། །གནོད་བྱེད་ཐམས་ཅད་རྡུལ་དུ་རློག་།ཅང་ཀ་དེའུ་ཡི་གླུ་བླངས་པས། །འབར་བའི་དཀྱིལ་འཁོར་མེ་ལྟར་མཆོད། །པང་ཀ་དེའུ་ཡི་གླུ་བླངས་པས། །དྲག་པོ་གཏུམ་པོ་ལྷན་ནེར་འགྱུར། །བྲེང་ངེ་བ་ཡི་གླུ་བླངས
101a2 པས། །སྤྲུལ་པའི་ཆོ་འཕྲུལ་ཐམས་ཅད་འགྱེད། །དུང་ངེ་བ་ཡི་གླུ་བླངས་པས། །སྲིད་པའི་བུ་མོ་དབང་དུ་སྡུད། །ཡི་གེ་འབྲུ་དགུ་ཡི་རང་བཞིན་ལ། །ཕྱག་རྒྱའི་དཀྱིལ་འཁོར་ཐམས་ཅད་རྫོགས། །དེ་བཞིན་འཁོར་ལོ་མུ་ཁྱུད་བཅས། །ཁྱམས་དང་སྒོ་ཁྱུད་གསལ
101a3 བའོ། །སྲིད་པ་མཐོང་ཡོད་སྣང་གྲགས་ཀྱང་། །ཐམས་ཅད་སྔགས་ཀྱི་ཚིག་ཏུ་རྫོགས། །ཡི་གེ་རྒྱལ་བ་ཀུན་དང་འབྲེལ། །འཁོར་ལོའི་ས་ལ་ཉེ་བའོ། །ཡི་གེས་དམིགས་པ་ཐམས་ཅད་འགྲུབ། །ཆགས་མེད་ལྷུན་གྲུབ་དོན་པོ་ཆེ། །རྣམ་བཞི་ལས་ཀྱི་ཁྱད་པར
101a4 ཡང་། །བྱ་བ་མེད་པར་དོན་དུ་འགྱུར། །ཡི་གེ་གསང་བའི་འཕྲོ་འདུ་ཡིས། །རྒྱལ་བ་དཔའ་བོ་ཐམས་ཅད་མཉེས། །དེ་ཀུན་ཡི་གེས་རྣམ་སྤྲུལ་ཡང་། །རང་བཞིན་དངོས་མེད་ཆོས་ཀྱི་དབྱིངས། །ཡིག་འབྲུ་འབར་བའི་ཆོ་འཕྲུལ་ལས། །དམ་པའི་ངོ་མཚར་སྣ
101a5 ཚོགས་འབྱུང་། །དེ་བཞིན་སྒྲིབ་པའི་བུད་ཤིང་བསྲེག་།གཏི་མུག་མུན་སེལ་ཡེ་ཤེས་འབར། །རིག་པའི་ཉི་མ་གསལ་བར་འབེབས། །བདག་ཉིད་དཔལ་ཆེན་འབར་བའི་ཐུགས། །ཙིཏྟ་དཔལ་བེའུ་ཟུར་བརྒྱད་འབར། །རིན་ཆེན་ཡི་གེ་འབྲུ་བརྒྱད་གསལ། །
101a6 དཔལ་ཆེན་རིན་ཆེན་འབར་བའི་ཐུགས། །དཔལ་བེའུ་སྨུག་པོ་ཟུར་བརྒྱད་ལས། །གསེར་གྱི་ཉི་མ་དགུ་ཤར་བ། །འོད་ཟེར་རུ་ལུ་ཡིག་འབྲུ་བརྒྱད། །རྡོ་རྗེ་འབར་བའི་རླུང་སྒྲོམ་དུ། །ཤིན་ཏུ་འབར་འཕྲོ་འཁྲུག་བྱས་ཏེ། །སྤྲོས་པས་རྣལ་འབྱོར་དབང་ཕྱུག
101a7 གི། ན་ས་གཡས་སུ་དྲང་བར་བྱ། །གོ་རོ་ཙ་ནའི་གཞལ་ཡས་སུ། །སེན་ཟླུམ་ཙམ་གྱི་རྒྱ་ཁྱོན་ལ། །གསེར་གྱི་ཉི་མ་གའུ་དགུ། །ཤར་བའི་དཀྱིལ་ན་ཡིག་འབྲུ་དགུ། །གསལ་བའི་འོད་ཀྱི་གཞལ་ཡས་ཁང་། །དངོས་པོའི་བག་ཆགས
101a8 ཀུན་བསྲེགས་ཏེ། །སེམས་ནི་གསེར་ཆུ་ཞུན་མ་བཞིན། །ལྟེམ་ལ་འཚོར་ཞིང་འོང་འབར་བ། །རྩལ་ལས་གྱུར་བའི་ཟླ་དཀྱིལ་འཁོར། །ཉི་མ་སྟེང་ན་དཔལ་བེའུ་འབར། །དེ་ལ་རུ་ལུ་འཕྲོ་ཞིང་འདུ། །དཔལ་བེའུ་ཙིཏྟའི་དཀྱིལ་འཁོར་འདི། །
iiif viewer powered by OpenSeadragon