| e-texts navigator |
| Wylie |
100b1 སྔོན་གྱི་རྒྱལ་བ་གླུ་ཡིས་གྲུབ། །རིག་འཛིན་རྡོ་རྗེ་གླུ་ཡིས་འདྲེན། །རྣལ་འབྱོར་དབང་ཕྱུག་གླུ་ཡིས་འགྲུབ། །བསྟན་པ་རྒྱ་མཚོ་གླུ་ཡིས་སྤེལ། །སྲིད་པའི་བུ་མོ་གླུ་ཡིས་སྟེན། །བདུད་དང་སྲིན་པོ་གླུ་ཡིས་འདུལ། །དངོས་གྲུབ་རྒྱ་མཚོ་གླུ་ཡིས
100b2 འབེབས། །ཆོས་ཉིད་དབྱིངས་ཀྱི་གློང་དཀྱིལ་ནས། །དཔལ་བེའུ་ཉི་མ་དགུ་ཤར་བས། །རྣམ་ཐར་སྒོ་བཞི་རབ་གསལ་ཡང་། །མ་རིག་མུན་ནག་འཐིབས་པ་ཡིས། །བསྒྲིབས་པར་རིག་པའི་སྒོ་མོ་བྱེ། །འཁོར་བའི་མུན་གནག་གློང་རུམ་ན། །
100b3 བྱང་ཆུབ་སེམས་ཀྱི་ཟླ་ཤར་བས། །མུན་བསལ་རྣམ་ཐར་སྒོ་བཞིར་སྣང་། །རིན་ཆེན་འབར་བའི་ཉི་མ་རྣམས། །དཔལ་ཆེན་ཐུགས་ལས་འོད་ཤར་བས། །བག་ཆགས་སྤྲིན་མཐོངས་བྱེ་བ་རུ། །རྣལ་འབྱོར་ཐུགས་ཀར་ཟེར་བབ་པས། །མུན
100b4 བསལ་རིག་པའི་སྒོ་ཕྱེ་སྟེ། །རྣལ་འབྱོར་དོན་ལ་འཇུག་པར་བྱ། །རིག་པ་ཐུགས་ཀྱི་དཀྱིལ་འཁོར་ནས། །རུ་ལུའི་འོད་ཟེར་སྒོ་ཕྱེ་བས། །སྤྲོས་པས་ཆོ་འཕྲུལ་སྣ་ཚོགས་འབྱུང་། །སྲིད་པ་གསུམ་གྱི་བྱེ་བྲག་བྱེད། །འཁོར་བའི་རྒྱ་མཚོ་གཏིང
100b5 ནས་སྐེམས། །ཉོན་མོངས་རྒྱུ་དྲུག་གནས་ནས་སྒྲོལ། །དུག་གསུམ་རྩ་བ་རྩད་ནས་གཅོད། །བདུད་དང་སྲིན་པོ་གདུག་པ་འདུལ། །བྱིན་བརླབས་དངོས་གྲུབ་ཆར་ལྟར་འབེབས། །ཇི་ལྟར་དབང་པོའི་སྒོ་ཕྱེ་ནས། །འཛུམ་མདངས་གསལ་བར
100b6 འབྱུང་བ་ལྟར། །དཔལ་བེའུ་ཐུགས་ཀྱི་སྒོ་ཕྱེ་བས། །རུ་ལུའི་འོད་ཟེར་ཡིག་འབྲུ་ཤར། །མཐིང་ནག་སེར་ནག་དམར་ནག་ལྗང་། །སྨུག་ནག་འབར་བའི་ཡིག་འབྲུ་རྣམས། །ཡི་གེ་རིགས་ཀྱི་ཕྲེང་བར་དྲང་། །རྒྱངས་ཀྱིས་བསྐུལ་དང་དཀར་གྱིས
100b7 དབབ། །བསྟེན་ཀོས་ཉེ་བར་གྱུར་པ་ལ། །འཇིམ་གོས་མངོན་སུམ་གསལ་བར་བྱ། །འབིར་ཀྭས་གཉིས་སུ་མེད་པ་ལ། །འདྲེན་ཀོས་ཡི་གེའི་ཕྲེང་བ་དྲང་། །དེ་ཉིད་ལ་ནི་གླུ་དྲུག་སྟེ། །ཤ་ཏ་བ་དང་གར་ཏ་བ། །ཅང་ཀ་དེའུ་དང་བང་ཀ་དེའུ། །བྲེང་ངེ
100b8 བ་དང་དུང་ངེ་བ། །གླུ་ཡི་ཡན་ལག་སུམ་བརྒྱས་ནི། །རྒྱལ་བ་མཉེས་པའི་མཆོག་ཏུ་འགྱུར། །གླུ་ཡི་རྒྱལ་པོ་འདི་དྲུག་གིས། །དོན་དྲུག་ཡོངས་སུ་རྫོགས་པར་འགྱུར། །ཤ་ཏ་བ་ཡི་གླུ་བླངས་པས། །གདུག་བྱེད་ཐམས་ཅད་སྤ་ཡང་སྐོང་། །གར་ཏ
iiif viewer powered by OpenSeadragon