| e-texts navigator |
| Wylie |
100a1 བདེ་བའི་མཆོད་པས་ཚིམ་གྱུར་ཅིག་།རྡོ་རྗེ་རོལ་པས་ཚོགས་མཆོག་འདི། །མཆོད་སྤྲིན་ཀུན་དུ་རྒྱས་གྱུར་ཅིག་།དུག་གསུམ་བརྩེགས་པའི་རི་བོ་འདི། །སྐུ་གསུང་ཐུགས་ཀྱི་གློང་དུ་བསྟབས། །དུག་ལྔ་རོལ་པའི་ཚོགས
100a2 མཆོག་འདི། །ཡེ་ཤེས་ལྔ་ཡི་ནང་དུ་ཐིམ། །གཟུང་འཛིན་རྟོག་པའི་མཚན་མ་འདི། །དབྱིངས་དང་ཡེ་ཤེས་གློང་དུ་ཐིམ། །འཁོར་བ་མཚན་མའི་ཆོས་ཅན་འདི། །ཆོས་ཉིད་དབྱིངས་ཀྱི་ངང་དུ་ཐིམ། །ཕུང་པོ་ཚོགས་ཀྱི་ཡན་ལག་འདི། རྣམ་གྲོལ
100a3 ཕུང་པོ་ལྔ་རུ་ཐིམ། །འབྱུང་ཆེན་རྒྱུ་ཡི་མཚན་མ་འདི། །མཁའ་ཀློང་འབར་བ་ལྔ་རུ་ཐིམ། །རོལ་པ་ཆེན་པོ་མཆོད་སྦྱིན་ལ། །རྒྱལ་བ་རྒྱ་མཚོའི་ཚོགས་རྣམས་རོལ། །བླ་མེད་སྟན་འགན་མཆོད་པ་འདི། །སྔོན་ཆད་རྒྱལ་བས་བགྲོད་པའི་ལམ། །
100a4 དུག་གསུམ་གཏིང་ནས་གསོད་པའི་ཐབས། །སྔོན་གྱི་ཐུགས་དམ་བཞིན་དུ་བཤེས། །འཆི་མེད་བདུད་རྩི་གཡུང་དྲུང་ཆུ། །རོ་ཡི་ཁམས་རྣམས་སློང་བར་བྱེད། །དུག་གི་ཕུང་པོ་འཇོམས་བྱེད་པ། །རྩི་མཆོག་སྨན་གྱི་མཆོད་པར་བཞེས། །
100a5 ཞེས་མཆོད་པའི་ཚོགས་རྣམས་ལིང་ལོང་ཕྱད་པར་བྱུང་བས་རྒྱལ་བ་རྒྱ་མཚོ་ཚོགས་ལོངས་སྤྱོད་དེས་མཉེས་པར་གྱུར་ཏོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མཆོད་པ་དམ་པ་གསང་བའི་ལེའུ་སྟེ་ཉི་ཤུ་རྩ་དགུ་པའོ།། །།
100a6 དེ་ནས་སེམས་དཔའི་རྡོ་རྗེ་དེས་རྡོ་རྗེ་གླུའི་ལེའུ་འདི་གསུངས་སོ། །འདིར་ནི་རྡོ་རྗེ་རྣལ་འབྱོར་རྣམས། །བསྙེན་པར་སྣང་བའི་དབང་ཐོབ་ནས། །བསྒོམ་དབྱངས་ཡི་གེ་འབྲུ་བརྒྱད་སྤྲོ། །ཡི་གེ་གླུ་ཡི་རྒྱན་ཡིན་ཏེ། །གླུ་ཡི་ཡི་གེ་བཅུ
100a7 དྲུག་ལས། །ཡི་གེ་ཡན་ལག་བསྒྱུར་བསྡེབས་ནས། །གླུ་ཡི་བྱེ་བྲག་བསམ་མི་ཁྱབ། །དང་པོར་གླུ་ཡི་དོན་བྱུང་བ། །ོཾ་གྱིས་གླུ་རྣམས་རབ་ཏུ་འདྲེན། །ོ་ཡང་ཨ་ཡི་ཆོ་འཕྲུལ་ཏེ། ། ནི་ཆོས་ཀྱི་ཡི་གེ་ཡིན། ། ལས
100a8 བྱུང་རྒྱལ་བའི་ཐུགས། །རྒྱལ་བ་ཆོས་ཀྱི་དབྱིངས་ལས་བྱུང་། ། ལས་ཨ~ཾ་བྱུང་གསུང་གི་མཆོག་།གསུང་ལས་གླུ་ཡི་ཡན་ལག་འབྱུང་། །དབྱངས་ཀྱི་ཡན་ལག་དྲུག་བཅུར་གྲགས། །གླུ་ཡི་ཡོན་ཏན་བསམ་མི་ཁྱབ། །
iiif viewer powered by OpenSeadragon