| e-texts navigator |
| Wylie |
347a1 ཞེས་གཏད་དོ། །དེ་ནས་སྨྲ་བའི་སེང་གེས་ཨ་ལ་ལ་ཧོ་ཞེས་པའི་སྒྲ་ཕྱུང་སྟེ་ཡིད་ཀྱི་དཀྱིལ་འཁོར་པད་མོ་ལྟ་བུའི་སྒོ་ཕྱེ་སྟེ་གསང་བའི་དོན་འདི་ཉིད་ཐུགས་རིན་པོ་ཆེ་ལ་བཞག་སྟེ་གསུང་གི་དཀྱིལ་འཁོར་དུ་གནས་སོ། །དེ་ནས་སྨྲ་བའི་སེང་གེས་བཅོམ་ལྡན
347a2 འདས་གསང་བ་མཆོག་གི་བདག་པོ་དང་གསང་བའི་མདོ་འདི་ཉིད་དང་། འདུས་པའི་འཁོར་ཚོག་རྣམས་ལ་བསྟོད་པའི་གླུ་འདི་བླངས་སོ། །ོཾ་ཕྱོགས་བཅུ་དུས་བཞིའི་རྒྱལ་བའི་སྐུ་གསུང་ཐུགས། །གསང་བ་མཆོག་གི་བདག་པོ་བྷ་ག་ཡོངས་ཀྱི་གཏེར། །གསང
347a3 བ་ཡུམ་དང་གཉིས་མེད་རོལ་པའི་ཆོ་འཕྲུལ་བདག་། འདུལ་དབང་འཇིགས་བྱེད་ཞི་ཁྲོ་ཀུན་གྱི་བདག་པོ་མཆོག་།ཐམས་ཅད་མཁྱེན་པའི་སྟོན་མཆོག་གཅིག་པུ་ཁྱོད་ལ་ཕྱག་འཚལ་བསྟོད། །ོཾ་བསམ་གྱིས་མི་ཁྱབ་ཆོས་ཀུན་འདུས་པའི་གཙོ། །ལུང
347a4 དང་རིགས་པ་གཏན་ཚིགས་ཀུན་གྱི་གནས། །རྒྱུད་ལུང་མན་ངག་ཀུན་གྱི་འབྱུང་གནས་གཙོ། །ཕྱི་རབས་རྣལ་འབྱོར་ཀུན་གྱི་ཡིད་ཆེས་གཏེར། །གསང་བའི་ཡང་གསང་མཛད་ལ་ཕྱག་འཚལ་བསྟོད། །ོཾ་ཕྱོགས་བཅུའི་ཞིང་རྣམས་ཀུན་ནས་འདུས་པའི
347a5 གཙོ། །རྒྱལ་བ་སྲས་བཅས་ཡུམ་ཆོགས་སྤྲུལ་པར་བཅས། །ཉིད་ལས་མི་གཞན་འཁོར་དུ་སྐུ་སྤྲུལ་བ། །དབྱིངས་ཀྱི་དང་ལས་མི་འདའ་དམ་ཚིག་ཅན། །ཞི་ཁྲོའི་འཁོར་ཚོགས་རྣམས་ལ་ཕྱག་འཚལ་བསྟད། །ཧོ། ཨ་ལ་ལ་ཧོ་ཞེས་བརྗོད་པས་ཐམས་ཅད་མཉེས
347a6 པར་གྱུར་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་ཧཱུ~ཾ་ཞེས་བརྗོད་པ་ཙམ་གྱིས་དཀྱིལ་འཁོར་དེ་དག་ཐམས་ཅད་གསང་བའི་མཛོད་དུ་ཐིམ་པར་གྱུར་ཏེ་མི་སྣང་ངོ་། །གསང་བ་མཆོག་གིས་དག་པོ་ཉིད་ཀྱང་དུས་བཞི་མཉམ་པའི
347a7 དབྱིངས་ལས་མི་གནས་པའི་ཚུལ་གྱིས་རྣམ་པར་གནས་སོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་གསང་བ་ཕྱི་མ་རྣམ་པར་བཀོད་པའི་ལེའུ་སྟེ་བཅུ་བདུན་པའོ།། །།འཕགས་པ་རྒྱུད་ཀྱི་རྒྱལ་པོ
347a8 ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སྷོ། ། །། བཀྲ་ཤིས་པར་གྱུར་ཅིག་།མདྒ་ལ~ཾ་བྷ་ཝནྟུ། །
iiif viewer powered by OpenSeadragon
